Esitele 4:14 - Tosi Tapu

¹⁴ talie, kapau e ke fakalologo i le temi nei, e au loa le tokoi mo le fakamauli ki le kau Sutea mei se tasi ake ganea, kae ko koe mo le fale o lou tamana, e kotou pupuli loa. Ti ko ai e iloa ia na saga kua ke kaku ki le tuulaga fakasau o tupu ko le temi leinei ?

Esitele 4:14 ပူးပေါင်းရင်းမြစ်များ

Senesi 22:14

Na soli loa e Apalaamo ki le ganea lena le igoa ko Seova-Sile. Koia leia e pati ai i aso nei : I le mauga e soli loa e le Eteleno le nea leia e aoga !

Lua tosi o Sau 13:5

ti na soli loa e le Eteleno se fakamauli ki Iselaele. Na sao ai loa a fanau o Iselaele mei lima o le kau Silia, ti na lotou nonofo loa i olatou falela ofaipe mua.

Lua tosi o Sau 19:3

Ti na lotou pati loa kia Esaia : Ko leinei le masau a Esekiasi : Ko le aso leinei ko se aso o le mamae, mo le tautea, ti mo le luma ; talie kua vave vilo fua a toe mei manava o olatou tinana, kae e leaise maua se makeke ke fanaui ai latou.

Esetalasi 9:9

Talie e motou popula, kae na leaise tiaki matou e le Atua i le lolotoga o lomatou popula. Kua fakaliliu e ia a sau o Pelesi ke alofa kia matou, o fakamauli matou, mo fakataga ke motou fakatuu le fale o lomatou Atua, o toe fakafoou ona potu kua maumau, ti mo tuku kia matou se malolo i Suta mo Selusalemi.

Neemia 6:11

Na kau tali loa : E leaise ko se tagata au ke sola ! Pe mafai loa ki se tagata pe au ke ulu ki le sagatualio kae mauli ? E leaise kau ulu loa.

Esitele 2:15

Ti na soko loa le lakaga o Esitele, ko le taine o Apikaile, tuatinana o Maletoseo, leia na taupau ia a ia ko lona taine, ke ano ai ki le sau, ti na kole loa e ia le nea fai leia na fakatotonu ake e Ekai, le enuke a le sau ki le tausi o fafine. Na alofaia Esitele e latou fuli ala na tio kiate ia.

Esitele 2:17

Na mamana lasi loa le sau kia Esitele o lasi ake i la ake fafine fuli, ti na maua loa e ia le kalasia mo le alofa i mua o le sau o lasi ake i la ake taineliki fuli. Na teki loa e ia le pala fakasau ki le ulu o Esitele, ti na fakanofo loa e ia Esitele ko le fafine sau o fetogi Vaseti.

Esitele 2:7

Na taupau e ia a Atasa, leia na igoa ko Esitele, ko le taine o lona tuatinana, talie na leai sona tamana mo sona tinana. Na kuaga malie ti na mata malie ai le taine taupoou. I le mate o lona tamana mo lona tinana, na vavae a ia e Maletoseo ko lona taine.

Esitele 4:13

Na kakau loa e Maletoseo ke tali kia Esitele, o pati : Aua na ke masalo e ke sao toka tasi loa i le kau Sutea fuli, talie e ke nofo i le fale o le sau ;

Esitele 4:15

Ti na kakau loa e Esitele ke pati kia Maletoseo :

Sopo 9:18

Leia e leaise tuku ia ke fakatau laku manava, Kae e fakaapele ia loku loto ki le mamae.

Ekelesiasi 3:7

se temi ke saei ai, ti mo se temi ke tuitui ai ; se temi ke fakaleemu ai, ti mo se temi ke masau ai ;

Esaia 49:23

E liliu loa ni sau ko ou tagata taupau toe, ti e liliu loa olatou fafine aliki ko au fafine taupau toe ; E lotou punou loa o kaku ki le kele i ou mua, Ti e lotou epo loa le efu i ou vae, Ti e ke iloa loa ko au ko le Eteleno, Ti ko latou ala e tuku ia lalatou amanaki malie kiate au e leaise luma loa.

Esaia 54:17

E noa loa a masafu tau fuli na fau ke tau kiate koe ; Ti ko alelo fuli ala e malaga ake loa kiate koe i le fakamaauaga E ke tautea loa latou. Ko lena le tofiga o tagata fakasausau a le Eteleno, Ko lena le fakamauli leia e au loa meiate au kia latou, E pati le Eteleno.

Selemia 30:11

Talie kau nofo mo koe, e pati le Eteleno, o saofaki a koe ; E kau fakapuli loa a puleaga fuli ala na kau fakamavetevete a koe ki ai, Kae ko koe, e leaise kau fakapuli loa a koe ; E kau tautea loa a koe i le faitotonu, Talie e leaise mafai ke kau tuku a koe sala tautea.

Selemia 46:28

Ko koe, laku tagata fakasausau ko Sakopo, aua na ke i ! e pati le Eteleno ; Talie e kau nofo mo koe. E kau fakapuli loa a atu puleaga fuli ala na kau fakamavetevete a koe ki ai, Kae ko koe, e leaise kau fakapuli loa a koe ; E kau tautea loa a koe i le faitotonu, Talie leaise mafai ke kau tuku a koe sala tautea.

Levitiko 26:42

E kau toe manatui loa laku fakapapau kia Sakopo, mo Isaake, mo Apalaamo, ti e kau toe manatui loa le fenua.

Mateo 16:18

Ti ko au, e kau pati atu kiate koe, ko Petelo a koe, ti e kau fakatuu loa i le utu lena loku Ekelesia, ti e leaise makeke loa a matapa o le nofoaga o le kau mate iate ia.

Mateo 24:22

Ti kana leaise fakateiki a aso ana, e leaise sao loa se tasi ; kae o tupu ko le kau filifiliia e fakateiki loa a aso ana.

Tetelonome 32:36

E fakamaaui loa e le Eteleno lona kakai ; Kae e alofa loa a ia ki ana tagata fakasausau, Mo ka tio a ia kua oki lolatou makeke, Ti e leaise maua se tasi ke tokoi kiate ia, Ti e leaise maua se tasi ke toe fanaki a ia ki ai !

Tuifakamaau 15:6

Na pati loa le kau Filisitini : Ko ai na fai ia le nea lena ? Ti na tali loa : Ko Samisoni, le fugao leia o le tagata Timina, leia na fai ia le nea lena, o tupu na soli e le tagata Timina le avaga o Samisoni ki lona kaukau soa. Ti na pale ake loa le kau Filisitini, o tutu mauli le fafine mo lona tamana.

Uluaki tosi a Samuele 12:22

E leaise tiaki loa e le Eteleno lona kakai, o tupu ko lona suafa lasi, talie kua malie ki le Eteleno ke fakanofo koutou ko lona kakai.

Uluaki tosi a Samuele 17:29

Na tali loa a Tavite : Kolea le nea veli leia kua kau fai ? Pe leaise mafai ke kau masau feneeki ?