Esitele 4:11 - Tosi Tapu

¹¹ E iloa e tagata fakasausau fuli a le sau, ti mo le kakai o fenua fuli o le sau, e i ai se lao leia e fakatuaa ia ki le mate se tasi fua, fafine pe tagata, e ulu ki le malae loto o le fale o le sau kae na leaise kalagai a ia. E gato tasi ki leia e velo loa ki ai e le sau lona tokotoko aulo e saofaki loa lona mauli. Ti ko au, na leaise toe kalagai au ki tafa o le sau, talu mei aso e kau lua.

Esitele 4:11 ပူးပေါင်းရင်းမြစ်များ

Esitele 1:19

Koia kapau e malie a ia ki le sau, ti ke fai e ia se lao fakasau, ti ke tosi a ia i le lao a le kau Pelesi mo le kau Meti, o tupu ke aua na toe maumaui a ia, ti ke aua na toe sa loa le fafine sau ko Vaseti i mua o le sau ko Asuelusi, ti ke soli loa e le sau lona tuulaga ko le fafine sau ki se tasi ake leia e malie ake iate ia.

Esitele 2:14

Na ulu a ia ki ai i le afiafi ; ti na mavae ake a ia i le usu ki le lua o fale o fafine, leia na leoleo e Saasekase, ko le enuke a le sau ki le tausi o lana kau tinifu. Na leaise toe liliu a ia ki le sau, kae kapau e toe oli loa le sau kiate ia, ti e kalagai loa a ia i lona igoa.

Esitele 4:10

Ti na toe kakau loa e Esitele a Atake ke ano o pati kia Maletoseo :

Esitele 4:12

I le fakasa o masau a Esitele kia Maletoseo,

Esitele 6:4

Ti na pati loa le sau : Ko ai i le malae ? Talie na au Amane ki le malae o le fale o le sau, ke kole ki le sau ke tautau Maletoseo ki le laakau leia na teuteui e ia.

Esitele 8:4

Na velo loa e le sau lona tokotoko aulo kia Esitele, leia na malaga ake loa ki aluga, o tuu i mua o le sau.

Taniela 2:9

Koia kapau ai e leaise kotou fakasa mai kiate au le moe miti, ko le tua leia kua fakatotonu e vilo loa kia koutou fuli. E kotou loto ke teuteui ni kaka mo ni loi ala ke kotou fakasa mai kiate au, o fakalogologo ke fetogi le temi. Koia kotou fakamatala mai kiate au le moe miti, ti e kau iloa loa pe kotou mafai ia le fakamatala o lona uiga.

Uluaki tosi a Petelo 3:7

Tagata avaga, kotou fakasa foki se poto i lokoutou mauli mo okoutou avaga, o kotou iloa ko se ipu fakaeteete lasi a ia ; kotou fakaapaapa ki ai, ofaipe se tasi leia e tonu ke mau tofiga ia mo koutou le kalasia o le mauli. Kotou fai fenaaki, o tupu ke aua na taofi akoutou faikole e se nea.