Esitele 4:1 - Tosi Tapu

¹ I le iloa e Maletoseo le nea katoa leia kua soko, na sae loa e ia ona kofu, kae tui loa e ia se taga, ti na laku loa e ia se mugalafu ki lona ulu mo lona tino katoa. Ti na ano loa a ia i loto malie o le kolo, o tagi mo kalaga i le lasi o lona mamae,

Esitele 4:1 ပူးပေါင်းရင်းမြစ်များ

Senesi 27:34

I le logo a Esau ki masau a lona tamana, na tagi leo lasi loa a ia, i le lasi o lona mamae, ti na pati loa a ia ki lona tamana : Tapuaki mai foki kiate au, ei loku tamana !

Senesi 37:34

Ti na sae loa e Sakopo ona kofu, kae tui loa e ia se taga, ti na tagi loa a ia ki lona vosa i se temi fualoa ai.

Lua tosi a Samuele 1:11

Na sae loa e Tavite ona kofu, ti na toe fai fenaaki loa a tagata fuli ala na nonofo mo ia.

Lua tosi a Samuele 13:19

Na laku loa e Tamale ni mugalafu ki lona fa ulu ti na sae loa e ia lona kofu lanulanu ; na teki loa e ia ona lima ki lona fa ulu ti na ano loa a ia mo tagi leo lasi.

Esitele 4:2

ti na ano loa a ia ki le matapa ulu ki le malae o le sau, leia na tapui kia latou fuli ala e kofu ki se taga.

Esitele 4:3

I le fenua taki tasi, mo ganea fuli ala kua kaku ki ai le fakatotonu a le sau mo lana lao, na i ai loa se mamae lasi i le kakai Sutea ; na lotou sesunio, mo fetagisi, mo tagi laulau, ti na momoe se toka api ki le taga mo le mugalafu.

Sopo 1:20

Ti na tuu loa a Sopo ki aluga, o sae lona taupulupulu, mo tele lona ulu ; ti na fakamapee loa a ia ki le kele, ti na su loa a ia,

Sopo 2:8

Ti na too loa e Sopo se kiva o vaku ki ai lona tino, ti na tonatona loa a ia i le mugalafu.

Sopo 42:6

Koia kua kau iloa ai laku sala, ti kua kau fakasemala ai, O tonatona ki le efu mo le mugalafu.

Esaia 15:4

Kua pa kalaga Eseponi mo Eleale, Ti kua logo ola leo o kaku ki Saatese ; Kua tagi vale foki a tagata tau o Moape, Talie kua i olatou loto.

Esaia 22:4

Koia e kau pati ai : Kotou ave kese okoutou mata iate au, Kotou tuku au ke tagi i loku mamae ! Aua na kotou afa ke fakapelepele au I le maumaui o le taine o loku kakai.

Esaia 37:1

I le logo a le sau ko Esekiasi ki le nea lena, na sae loa e ia ona kofu, kae na tui loa e ia se taga, ti na ano loa a ia ki le fale o le Eteleno.

Esaia 37:2

Na kakau loa e ia Eliakimi, le pule o le fale o le sau, mo Sepina, le sekalaipe, ti mo le kau matua i le kau tagata faisakilifisio ki le polofeta ko Esaia, vosa o Amotesito. Na lotou kofu fuli ki ni taga.

Esaia 58:5

Pe ko le sesunio lena e kau maua ai loku fiafia, Se aso leia e fakamamae ai e le tagata lona laumalie ? Ko le peluki le ulu ofaipe se fa u, Ti mo le moe i le taga mo le mugalafu, Pe ko le nea lena e ke fakaigoa loa ko se sesunio, Se aso malie ki le Eteleno ?

Esekiele 21:11

Ti ko koe, vosa o le tagata, ke ke tagi I le lasi o lou mamae mo lou mafaia, Ke ke tagi i olatou mua !

Esekiele 21:6

Ti na tuku mai loa kiate au le folafola a le Eteleno, o pati :

Taniela 9:3

Na fakamaliu loa oku mata ki le Aliki Atua, o tupu ke afa i le faikole mo le tagi, ti na kau sesunio loa o tui le taga mo pani le mugalafu.

Mikea 1:8

Koia leia e kau tagi ai loa, e kau tagi laulau loa, E kau saele kilii vae loa mo fakatekateka loa, E kau kalaga loa ofaipe se kuli vao, Ti e kau tagi loa ofaipe le otulusi.

Sofoni 1:14

Kua ofi le aso lasi o le Eteleno, Kua ofi mai a ia, ti e au fakatavili a ia. E fakasa e le aso o le Eteleno lona leo, Ti e fai e le tagata toa ni tagi mamae.

Mateo 11:21

Malaia kiate koe, Kolasini ! Malaia kiate koe, Petesaita ! Talie, kanapau na fai a milakulo ala na fai i loto malie o koutou i Tile mo Sitone, kua fualoa ake lolatou fakasemala, o too le taga mo le mugalafu.

Gaoi 14:14

I le iloa e le sa apositolo ko Palenapa mo Paulo le nea lena, na la sae loa ola kofu, kae la oso loa ki lotomalie o le kakai, o kalaga :

Sosue 7:6

Na saei loa e Sosue lona kofu, ti na tutuli loa a ia ki lalo o fakatau ona mata ki le kele i mua o le aleka o le Eteleno, o kaku ki le afiafi, a ia mo le kau fakamatuatua o Iselaele. Ti na lotou laku foki mo le efu ki olatou ulu.

Apokalipisi 11:3

E kau soli loa ki aku tagata fakamaoki e toka lua, ala kua kofu ki ni taga, ke la akonaki fakakikite i ni aso e afe kau lelau lua kau ono.