Esitele 3:8 - Tosi Tapu

⁸ Ti na pati loa Amane ki le sau ko Asuelusi : E i ai i fenua fuli o lou puleaga se kakai leia kua mavetevete ti kua mavae i la ake kakai, ti e kesekese alatou lao mo lao o kakai fuli, ti e leaise lotou fakalogo fua ki lao a le sau. Koia e leaise aoga ai ki le sau ke tuku latou ke malolo !

Esitele 3:8 ပူးပေါင်းရင်းမြစ်များ

Esetalasi 4:6

I le kamataaga o le sau o Asuelusi, na lotou fai loa se tosi o tukugavelii ai le kakai o Suta mo Selusalemi.

Neemia 1:8

Manatui le folafola leinei na ke fakatotonu kia Moisese, lau tagata fakasausau, ke fakasa e ia : Ka kotou agasala loa, e kau veteki loa koutou i lotolotoga o puleaga ;

Esitele 3:9

Kapau e malie ki le sau, ti ke tosi le fakatotonu ke tamate latou ; ti e kau fua loa ni fa tenalio paaga e kau agafulu afe ke soli ki lima o le kau pule fenua, o tupu ke tuku latou ki le koloa a le sau.

Esitele 4:1

I le iloa e Maletoseo le nea katoa leia kua soko, na sae loa e ia ona kofu, kae tui loa e ia se taga, ti na laku loa e ia se mugalafu ki lona ulu mo lona tino katoa. Ti na ano loa a ia i loto malie o le kolo, o tagi mo kalaga i le lasi o lona mamae,

Selemia 33:24

Pe na ke fakatokagai le nea leia na pati ki ai a kakai ana : Ko famili ala e lua na filifili e le Eteleno, kua tiaki e ia laua ? Koia e lotou gologolo ai ki loku kakai, Ti e leaise koi lotou tio kiate ia ofaipe se puleaga.

Selemia 50:17

Ko Iselaele ko se ovi na sese noa, Leia na kapu e laione ; Na uluaki kai a ia e le sau o Asilia ; Ti na gugu ona ivi e Nepukatenesale, sau o Papilone.

Esekiele 11:16

Koia leia e ke pati ai loa : E folafola le Aliki, le Eteleno, o pati : Kapau e kau taofi latou i loto malie o atu puleaga, Kapau na kau fakamavetevete latou i fenua kesekese, E kau liliu loa kia latou ko se maloloaga i se ga temi I fenua ala na lotou kaku ki ai.

Esekiele 6:8

Kae e kau tuku loa ni ga toetoega ia koutou, Ala e sao loa i le seleta i lotolotoga o atu puleaga, Mo ka kotou mavetevete loa i fenua kesekese.

Taniela 3:8

Kae i le temi totonu lena, na fakafeofi ake loa ni tagata Kaletea, o fakalakasala le kau Sutea.

Taniela 6:13

Na lotou toe masau loa, o pati ki le sau : Ko Taniela, se tasi o le kau popula o Suta, na leaise fakaapaapa fua a ia kiate koe, ei sau, ti mo le tapu leia na ke fakamaoki ki ai, talie e faikole tua tolu a ia i le aso.

Taniela 6:14

Na mamae loa le sau i lana logo ki le nea lena ; ti na loto loa a ia ke saofaki Taniela ; ti na faiga loa a ia o kaku ki le afiafi ke saofaki Taniela.

Levitiko 26:33

E kau lagai loa se tau kia koutou ti e kau fakamavetevete loa koutou i atu puleaga : e maumaui loa lokoutou fenua, ti e lavaki loa okoutou kolo.

Sakalia 7:14

Koia na kau fakamavete ai loa latou i lotolotoga o puleaga fuli ala na leaise lotou iloa. Koia na kau maumaui ai le fenua i olatou muli, ti na leaise toe ano loa se tasi i ai. Ti na liliu loa le fenua fulumalie lena ko se toafa.

Numelo 23:9

E kau tio kiate ia mei tumutumu o utu, E kau tio kiate ia mei tumutumu o mauga liliki : Ko se kakai a ia e tuu kese lona nofoaga, Ti e leaise kau a ia ki atu puleaga.

Soane 7:35

Na pati loa le kau Sutea : E ano loa a ia kifea, ke aua na tou toe maua ai loa a ia ? Pe ano loa a ia kia latou ala e mavetevete i le kau Keleka ? Pe akonaki loa a ia ki le kau Keleka ?

Gaoi 24:5

Na motou maua le tagata leinei, leia ko se taumasaki veli, leia e fakatupu ia ni maveuveu i le kau Sutea katoa o le malama nei, leia ko le pule o le magai lotu o le kau Nasaleti,

Gaoi 28:22

Kae e motou fia logo meiate koe totonu pe kolea lau manatu, talie kua motou iloa le fakafesagai i ganea fuli ki le magai lotu lena.

Tetelonome 30:3

ti e toe aumai loa e le Eteleno, lou Atua, lou kakai popula ki lona fenua, ti e toe alofa loa a ia kiate koe, o toe fakatasii loa a koe mei loto malie o puleaga fuli ala na fakamavete a koe ki ai e le Eteleno.

Tetelonome 32:26

Na kau manatu loa ke maumaui latou, Ti ke soloi oki olatou igoa i aluga o le kele.

Tetelonome 4:27

E fakamavetevete loa koutou e le Eteleno i atu puleaga, ti e toe loa se ga toka teiki fua i puleaga ala e ave loa koutou ki ai e le Eteleno.

Sakopo 1:1

Ko au Sakopo, ko le tagata fakasausau a le Atua ti mo le Aliki ko Sesu-Kilisito, ki faasiga e kau agafulu tupu lua ala e mavetevete mamao, alofa atu !

Uluaki tosi a Petelo 1:1

Petelo, ko le apositolo a Sesu-Kilisito, kia latou ala e matapule mo mavetevete i Ponito, mo Kalatia, mo Kapatose, mo Asia, ti mo Pitinia,