Esitele 3:5 - Tosi Tapu

⁵ Ti na tio loa Amane e leaise peluki fua e Maletoseo lona tuli ti e leaise tulolo fua a ia i ona mua. Na apele loa a ia i le ita ;

Esitele 3:5 ပူးပေါင်းရင်းမြစ်များ

Esitele 1:12

Kae na leaise fia au le fafine sau ko Vaseti, i lana maua le fakatotonu a le sau i le kau enuke. Koia na itaita lasi ai loa le sau, ti na mea katoa loa a ia i lona ita.

Esitele 3:2

Na peluki a tuli mo tulolo a ulu o tagata fakasausau fuli a le sau, ala na tutuu i le matapa o le sau, i mua o Amane, talie ko le fakatotonu aia a le sau o uiga mo ia. Kae na leaise peluki fua e Maletoseo lona tuli ti na leaise tulolo fua a ia.

Esitele 3:4

I aso fuli na lotou masau kiate ia ki le nea lena, kae na leaise fakalogo fua a ia kia latou, ti na lotou fakasa loa a ia kia Amane, o tupu ke tio pe tuu mau aifai a ia i lana fakapapau ; talie na fakasa e ia kia latou ko se Sutea a ia.

Esitele 5:9

I le aso lena na mavae loa Amane i le fiafia mo se loto fimalie. Kae i lana tio, i le matapa o le sau, kia Maletoseo leia na leaise tuu ki aluga pe tutuli i ona mua, na apele loa a ia i le ita kia Maletoseo.

Sopo 5:2

E tamate le tagata lee fakakaukau e lona ita, Ti e mate le tagata valea i le veli o lona ita.

Pesalemo 37:12

E fai e le tagata agaveli ni fakatuutuu veli ki le tagata agatonu, Ti e gugu e ia ona nifo kiate ia.

Taagapati 12:16

E iloa vave le ita o le vale, Kae ko leia e fufu ia se lauveli ko se tagata poto.

Taagapati 19:19

Ko le tagata itaita e tonu ke tuku ki ai se tua ; Talie kapau e ke tuku a ia ke lauatea, e tonu loa ke ke toe liliu ki muli.

Taagapati 21:24

Ko le tagata fia nealasi, mo le tagata fia taualuga, e gologolo ki nea fuli, Ti e sa lona fia nealasi i ana gaoi fuli.

Ekelesiasi 10:6

Kua maua e le tagata valea ni tuulaga taualuga, kae nonofo ni tagata mou koloa i ni tuulaga taulalo.

Taniela 3:19

I le nea lena na toe veli ake loa le itaita o Nepukatenesale, ti na tio faikese loa ona mata kia Satalake, mo Mesake, mo Apeteneko. Na toe masau loa a ia o fakatotonu ke fakavevela le gutuumu o tua fitu ake lona makeke i le fai masani.