Esitele 3:13 - Tosi Tapu

¹³ Ti na ave loa a tosi e ni kau avetosi ki fenua fuli o le sau, o tupu ke maumaui, mo tamate ti mo fakapuli le kakai Sutea katoa, a tupulaga mo matua, a toe mo fafine, i se aso e tasi, i le aso kau agafulu tupu tolu o le masina kau agafulu tupu lua, leia ko le masina o Atale, ti ke tuku ke too olatou koloa.

Esitele 3:13 ပူးပေါင်းရင်းမြစ်များ

Lua tosi o Koloniko 30:6

Na ano loa a tagata avelogo mo tosi a le sau mo lana kau pule i Iselaele katoa mo Suta. Ti na lotou mulimuli loa ki le fakatotonu a le sau, o lotou pati : Fanau a Iselaele, kotou toe liliu mai ki le Eteleno, le Atua o Apalaamo, mo Isaake, ti mo Iselaele, o tupu ke toe maliu mai a ia kia koutou, ga toetoega leia na sao mei lima o le sau o Asilia.

Esitele 7:4

Talie kua fakatau matou, a au mo loku kakai, ke maumaui, ke tamate, ke fakapuli. Ti kapau na fakatau matou ke motou liliu fua ko ni tagata mo ni fafine fakasausau, e kau fakaleemu loa, talie e leaise uiga ke fakapakia le sau ki le nea lena.

Esitele 8:5

Ti na pati loa Esitele : Kapau e malie mo totonu ki le sau, ti kapau kua kau maua se kalasia i ona mua ti kua ke alofa kiate au, ke fai se tosi o soloi ai a tosi ala na fakatupu e Amane, vosa o Ametata, le tagata Akake, ala na tosi e ia, o tupu ke tamate le kau Sutea leia e nofo i kolo fuli o le sau.

Esitele 9:1

I le masina kau agafulu tupu lua, leia ko le masina o Atale, i le aso tolu o le masina, aso leia e tonu ke fakasoko ai le fakatotonu mo le lao a le sau, ti ko le aso lena na amanaki ki ai a fili o le kau Sutea ke lotou pulei ai loa le kau Sutea, na mafuli loa a nea fuli, ti na pulei loa e le kau Sutea olatou fili.

Esitele 9:10

Mo vosa e tino agafulu o Amane, vosa o Ametata, le fili o le kau Sutea. Kae na leaise lotou maumaui loa le kolo.

Esitele 9:5

Na taai loa e le kau Sutea olatou fili fuli ki le seleta, mo se matea lasi, ti mo se maumaui lasi. Na lotou fai loa ki olatou fili o mulimuli ki olatou loto.

Sopo 9:25

Kua gasolo ake oku aso i se tagata ave tosi, Kua lotou sosola, kae e leaise lotou tio ki se fiafia ;

Esaia 10:6

Na kau tuku a ia ke oso ki se puleaga agaveli, Na kau tuku a ia ke saele ki le kakai a laku sausau, Ke maumau mo kaia ona koloa, Ti ke takatakafi a ia ofaipe le pela o ala.

Selemia 51:31

Kua fakafelavei a tagata ave tosi, Kua sosoko a tagata avelogo, O fakasa ki le sau o Papilone Kua too lona kolo mei potu fuli.

Loma 3:15

E lotou maua ni vae maamaa ki le liligi o le toto,

Sakopo 2:13

talie e sala manavaalofa le fakamaau ki leia na leaise manavaalofa ; kae e malo le manavaalofa i le fakamaau.

Uluaki tosi a Samuele 15:3

Ano i le temi nei, o taai Amaleke, ti ke kotou maumaui loa ana nea fuli ; ke aua na ke fakamauli loa a ia, ti ke ke tamate loa a tagata mo fafine, a fanau mo toe memea, a pipi mo ovi, a kamelo mo asino.

Uluaki tosi a Samuele 22:19

Na toe taai loa e Saulo ki le mata o le seleta a Nope, le kolo o le kau tagata faisakilifisio ; na mamate loa i le mata o le seleta a tagata mo fafine, a fanau mo toe memea, mo pipi, mo asino, mo ovi tagata.