Esitele 3:12 - Tosi Tapu

¹² Na kalagai loa le kau sekalaipe a le sau i le aso kau agafulu tupu tolu o le uluaki masina, ti na tosi loa o mulimuli ki le nea katoa leia na fakatotonu e Amane ki le kau aliki katoa a le sau, mo le kau kovana o le fenua taki tasi ti mo le kau pule o le kakai taki tasi, ki le fenua taki tasi o mulimuli ki lana faitosi, ki le kakai taki tasi o mulimuli ki lana masau. Na tosi loa i le igoa o le sau ko Asuelusi, o fakamaoki ki le mama o le sau.

Esitele 3:12 ပူးပေါင်းရင်းမြစ်များ

Uluaki tosi o Sau 21:8

Ti na fai loa e ia ni tosi i le igoa o Akapo ala na fakamaoki loa e ia ki le pooi o le sau, ti na fakamomoli loa e ia ki le kau matua mo le kau pule ala na nonofo mo Napote i lona kolo.

Esetalasi 8:36

Na lotou fakasoko loa a fakatotonu a le sau ki fakafofoga o le sau mo kovana o le fetuu lena o le vaitafe, ala na tokoi loa ki le kakai o uiga mo le fale o le Atua.

Esitele 1:22

Na fakamomoli loa e le sau ko Asuelusi ni tosi ki fenua fuli o lona puleaga, ki fenua taki tasi o mulimuli ki lana faitosi ti mo kakai taki tasi o mulimuli ki lana masau ; ti na fakamaua e tosi ana ke pule le tagata i lona fale, ti ke masau a ia i le masau o lona kakai.

Esitele 3:11

Ti na pati loa le sau kia Amane : Kua soli atu kiate koe le paaga ti mo le kakai lena ; fai le nea leia e ke loto ki ai.

Esitele 8:2

Na too loa e le sau lona mama, leia na too e ia ia Amane, o soli a ia kia Maletoseo ; ti na fakanofo loa e Esitele a Maletoseo ke pule ki le fale o Amane.

Esitele 9:27

Na fai loa e le kau Sutea le fakamaua mo le fakatotonu kia latou, mo olatou sakoga, ti mo latou fuli ala e pipiki loa kia latou, ke fakamanatu i fetuu fuli a aso ana e lua o mulimuli ki le nea leia kua tosi.

Taniela 3:10

Na ke tuku se fakatotonu, o fakasa : ko latou fuli ala e logo loa ki le leo o le fakatagi pupusi, mo le salumo, mo le ukalele, mo le sapuke, mo le pesatelione, mo le konemuse, mo nea faimusika kesekese, e maua ke punou mo atolasio ki le fakatata aulo,

Taniela 6:12

Ti na lotou ano loa ki mua o le sau, ti na lotou masau loa kiate ia o uiga mo le tapu a le sau : Pe na leaise ke fakamaoki se tapu leia e fakasa ai, ko leia i lolotoga o aso e kau tolu e faikole loa ki se atua kese pe ko se tagata kese ake iate koe, ei sau, e ti loa a ia ki le popoko o laione ? Na tali loa le sau : E maoki le nea lena, e maoki, o mulimuli ki le lao a le kau Meti mo le kau Pelesi, leia e leaise mafai ke toe fetogi.

Taniela 6:15

Kae na fakamakeke ake a tagata ana ki le sau, o pati kiate ia : ei sau, ke ke iloa, ko le lao a le kau Meti mo le kau Pelesi e fakamaua ia ko tapu fuli mo lao fuli kua fakamaoki e le sau, e leaise mafai ke toe fetogi.

Taniela 6:25

I le sili o le nea lena, na fai loa e le sau ko Taliusi se tosi ki kakai fuli, mo puleaga fuli, mo tagata mei faasiga masau kesekese, ala na nonofo i le malama nei katoa : Ke soli atu kia koutou le tokamalie o lasi !

Taniela 6:8

I le lakaga nei, ei sau, fakamaoki le tapu leinei, ti ke tosi le lao, o tupu ke aua na toe fetogi, o mulimuli ki le lao a le kau Meti mo le kau Pelesi, leia e leaise toe fulusi.