Esitele 3:1 - Tosi Tapu

¹ I le sili o nea ana, na fakatotonu loa e le sau ko Asuelusi ke siki ki aluga a Amane, vosa o Ametata, le tagata Akake ; na siki loa e ia lona igoa ti mo lona tuulaga i aluga o le kau aliki katoa leia na nofo i ona tafa.

Esitele 3:1 ပူးပေါင်းရင်းမြစ်များ

Senesi 41:40

Koia e kau fakanofo a koe ke pule ki loku puleaga, ti e fakalogo loa loku kakai katoa ki au fakatotonu. E kau malaga fua iate koe i le ekeekeaga fakasau.

Senesi 41:55

I le aso leia na kamata pakupaku ai loa le kakai o le fenua o Esipito, na lotou tagi loa kia Falaone ke soli ake se pane kia latou. Na pati loa Falaone ki le kau Esipito fuli : Kotou ano kia Sosefo, ti kotou fai le nea leia e fakatotonu atu loa e ia kia koutou.

Esetalasi 7:14

Na kakau a koe e le sau mo lana kau fono e toka fitu, ke ano o tioi a Suta mo Selusalemi o mulimuli ki le lao a lou Atua leia e too i lou lima,

Esitele 1:14

Na i nonofo i ona tafa a Kalesena, mo Setale, mo Atemate, mo Talesisi, mo Melese, mo Malesena, ti mo Memukani, ko aliki e toka fitu o Pelesi mo Meti, ala na tio ki mata o le sau, ti na maua ia a tuulaga lalasi o lona puleaga.

Esitele 3:10

Na too loa e le sau lona mama i lona lima o soli kia Amane, vosa o Ametata, le tagata Akake, le fili o le kau Sutea.

Esitele 5:11

Na masau loa Amane kia latou ki le lasi mo le fulumalie o ona koloa, mo le lasi o ona vosa, mo nea fuli ala na fai e le sau ke fakaalialiki ai a ia, mo le tuulaga leia na soli ake e le sau kiate ia i aluga o le kau pule mo le kau tagata fakasausau a le sau.

Esitele 7:6

Na tali loa Esitele : Ko le tagata agatuu, ko le fili, ko Amane, le tagata agaveli lena ! Na maua loa e Amane se i lasi i mua o le sau mo le fafine sau.

Esitele 8:3

Ti na toe masau loa Esitele i mua o le sau. Na fakamapee loa a ia ki vae o le sau, o tagi ti mo kole kiate ia ke taofi e ia le veli leia na lagai e Amane, le tagata Akake, ti mo le fai o ana fakatuutuu ki le kau Sutea.

Pesalemo 12:8

Ko koe, Eteleno ! e ke taupau loa latou, E ke puipui loa latou i le lanu lena o lee gato.

Taagapati 29:2

Ka tupu o toka api le kau agatonu, e fiafia le kakai ; Kae ka pule se tagata agaveli, e lauga le kakai.

Ekelesiasi 10:6

Kua maua e le tagata valea ni tuulaga taualuga, kae nonofo ni tagata mou koloa i ni tuulaga taulalo.

Taniela 6:2

Na fakanofo loa e ia i lolatou ulu ni pule e toka tolu, ti na kau loa Taniela i ai, o tupu ke fakafelogoi kia latou e le kau aliki, a nea fuli o uiga mo lalatou pule, ti ke aua na i ai se nea leia e veli ki le puleaga.

Numelo 24:7

E sali le vai mei ona pakete, Ti e fakavai lona pulapula e ni atu vai lalasi. E malaga lona sau o taualuga ake ia Akake, Ti e liliu lona puleaga o makeke.

Uluaki tosi a Samuele 15:33

Na pati loa Samuele : Ofaipe lau seleta leia na fakaliliu ia ni fafine o sala fanau, e sala vosa loa lou tinana i fafine ana kua sala fanau. Ti na tutuuti loa e Samuele a Akake i mua o le Eteleno, i Kilikale.

Uluaki tosi a Samuele 15:8

Na too mauli loa e ia a Akake, sau o Amaleke, ti na maumaui loa e ia le kakai katoa, o tamate latou ki le seleta.