Esitele 2:17 - Tosi Tapu

¹⁷ Na mamana lasi loa le sau kia Esitele o lasi ake i la ake fafine fuli, ti na maua loa e ia le kalasia mo le alofa i mua o le sau o lasi ake i la ake taineliki fuli. Na teki loa e ia le pala fakasau ki le ulu o Esitele, ti na fakanofo loa e ia Esitele ko le fafine sau o fetogi Vaseti.

Esitele 2:17 ပူးပေါင်းရင်းမြစ်များ

Esitele 1:11

Ke aumai ki ona mua le fafine sau ko Vaseti, mo le pala fakasau, o tupu ke fakasa lona fulumalie ki le kakai ti mo le kau lalasi, talie na fulumalie ai a ia.

Esitele 2:16

Na taki loa Esitele ki le sau ko Asuelusi i lona fale fakasau, i le masina kau agafulu, leia ko Tepete, i le fetuu fitu o le sau a Asuelusi.

Esitele 4:14

talie, kapau e ke fakalologo i le temi nei, e au loa le tokoi mo le fakamauli ki le kau Sutea mei se tasi ake ganea, kae ko koe mo le fale o lou tamana, e kotou pupuli loa. Ti ko ai e iloa ia na saga kua ke kaku ki le tuulaga fakasau o tupu ko le temi leinei ?

Esitele 6:8

E tonu ke too le kofu fakasau leia e tui e le sau mo le osi leia e eke ai le sau ti e teki i lona ulu se pala fakasau,

Taagapati 21:1

Ko le loto o le sau ko se vaitafe i le lima o le Eteleno ; E fulusi e ia a ia ki ganea fuli e loto a ia ki ai.

Esekiele 17:24

Ti e iloa loa e laakau fuli o le vao ko au, le Eteleno, na kau tuku ia ki lalo le laakau leia na malaga ki aluga, kae na kau siki ia ki aluga le laakau leia na tuku ki lalo, ti na kau fakagae ia le laakau sesega kae na kau fakasesega ia le laakau gae. Ko au, le Eteleno, kua kau masau, ti e kau gaoi loa.

Uluaki tosi a Samuele 2:8

E siki ake e ia mei le efu le tagata mativa, E lagai e ia mei le tauga penu le fakaaloalofa, ke fakatonatona laua mo le kau lalasi. Ti e soli e ia kia latou se ekeekeaga o le kololia, ke lotou maua tofiga ; Talie a le Eteleno a pou o le kele, Ti na fakatuu e ia le malama nei i ai.