Esitele 2:14 - Tosi Tapu

¹⁴ Na ulu a ia ki ai i le afiafi ; ti na mavae ake a ia i le usu ki le lua o fale o fafine, leia na leoleo e Saasekase, ko le enuke a le sau ki le tausi o lana kau tinifu. Na leaise toe liliu a ia ki le sau, kae kapau e toe oli loa le sau kiate ia, ti e kalagai loa a ia i lona igoa.

Esitele 2:14 ပူးပေါင်းရင်းမြစ်များ

Senesi 34:19

Ti na leaise tuvai loa le fai e le tupulaga le nea lena, talie na mamana lasi a ia ki le taine o Sakopo. Ti na tuu mua loa a ia i le fale katoa o lona tamana.

Esitele 2:13

Na fenaaki loa le ano o taineliki taki toka tasi ki le sau ; ti ka ano a ia i le fale o fafine ki le fale o le sau, na tuku kiate ia ke too e ia a nea fuli ala e loto a ia ki ai.

Esitele 2:15

Ti na soko loa le lakaga o Esitele, ko le taine o Apikaile, tuatinana o Maletoseo, leia na taupau ia a ia ko lona taine, ke ano ai ki le sau, ti na kole loa e ia le nea fai leia na fakatotonu ake e Ekai, le enuke a le sau ki le tausi o fafine. Na alofaia Esitele e latou fuli ala na tio kiate ia.

Esitele 4:11

E iloa e tagata fakasausau fuli a le sau, ti mo le kakai o fenua fuli o le sau, e i ai se lao leia e fakatuaa ia ki le mate se tasi fua, fafine pe tagata, e ulu ki le malae loto o le fale o le sau kae na leaise kalagai a ia. E gato tasi ki leia e velo loa ki ai e le sau lona tokotoko aulo e saofaki loa lona mauli. Ti ko au, na leaise toe kalagai au ki tafa o le sau, talu mei aso e kau lua.

Esaia 43:1

I le aso nei, ko leinei le folafola a le Eteleno, leia na fakatupu ia a koe, Sakopo ! Leia na fau ia a koe, Iselaele ! Aua na ke i ki se nea, talie e kau toe totogi a koe, E kau kalagai a koe i lou igoa totonu : a aku a koe !

Esaia 45:4

O tupu ko loku alofa ki laku tagata fakasausau ko Sakopo, Ti mo Iselaele, laku filifiliia, Na kau kalagai a koe i lou igoa totonu, Na kau masau kiate koe i le loto malie, i mua o lau iloa au.

Tetelonome 21:14

Kapau ki muli, e gato loa lona malie kiate koe, e ke tuku loa a ia ke ano ki le ganea leia e loto loa a ia ki ai, e leaise feala loa ke ke fakatau a ia ki se paaga, pe ke fai kiate ia ofaipe se fafine popula, talie kua ke fakamamae a ia.