Esitele 10:3 - Tosi Tapu

³ Talie na olo le Sutea ko Maletoseo ki le sau ko Asuelusi. Na mauiga a ia ki mata o le kau Sutea, ti na alofa kiate ia le toka api o ona fetaina. Na afa loa e ia le malie o lona kakai, ti na masau loa a ia ki le fimalie o lona lanu.

Esitele 10:3 ပူးပေါင်းရင်းမြစ်များ

Senesi 41:40

Koia e kau fakanofo a koe ke pule ki loku puleaga, ti e fakalogo loa loku kakai katoa ki au fakatotonu. E kau malaga fua iate koe i le ekeekeaga fakasau.

Senesi 45:10

E ke nofo loa i le fenua o Koseni, ke ke feofi mai kiate au, mo au fanau, mo ou makopuna, mo au kau pipi, mo au kau ovi, mo au kau koti, ti mo au nea fuli.

Senesi 45:11

I leinei, e kau fagai loa a koe, mo lou fale, ti mo au nea fuli, ke aua na puli loa se nea kia koutou, talie koi toe foki ni fetuu oge e lima.

Lua tosi o Koloniko 28:7

Na tamate loa e Sikeli, tagata tau mei Efalaimi, a Maasesa, vosa o le sau, mo Aselikame, pule o le fale sau, ti mo Elekana, leia na olo ki le sau.

Neemia 2:10

I le logo ki ai a Sanepala, le tagata Oloni, mo Topisa, lana tagata fakasausau Amone, na la veli ia ai le kaku ake o se tagata ke tokaga ki le malie o fanau a Iselaele.

Esitele 2:5

Na i ai i Suse, le kolo mua, se tagata Sutea leia na igoa ko Maletoseo, vosa o Saili, vosa o Simei, vosa o Kise, tagata meia Pesamino,

Esitele 3:2

Na peluki a tuli mo tulolo a ulu o tagata fakasausau fuli a le sau, ala na tutuu i le matapa o le sau, i mua o Amane, talie ko le fakatotonu aia a le sau o uiga mo ia. Kae na leaise peluki fua e Maletoseo lona tuli ti na leaise tulolo fua a ia.

Taniela 5:16

Na kau logo e mafai ke ke fakamatala le uiga o masau fakapulipuli ti mo le vevete o nea faigataa. I le lakaga nei, kapau e ke mafai ke ke lau le faitosi leinei ti mo ke fakamatala mai kiate au lona uiga, e fakakofu loa a koe ki le kofu kula, ti e fakatau loa se kasoa aulo ki lou ua, ti e ke maua loa le tuulaga tolu o le puleaga.

Taniela 5:29

I le nea fai lena na fakatotonu loa e Pelesatesale ke fakatui kia Taniela le kofu kula, ke fakatau ki lona ua le kasoa aulo, ti na fakasa loa i le fenua e maua e Taniela le tuulaga tolu i le puleaga.

Taniela 6:3

Na fakalaka Taniela i pule ti mo aliki, talie na maua iate ia se laumalie taualuga ; ti na manatu loa le sau ke fakanofo a ia ke pule ki le puleaga katoa.

Loma 10:1

Fetaina, ko le fakaamu o loku loto ti ko laku kole ki le Atua o uiga mo latou, ke lotou saofaki.

Loma 14:18

Ko leia e tausi kia Kilisito o mulimuli ki nea ana, e malie ki le Atua ti e fakamaoki ki ai a tagata.

Uluaki tosi a Samuele 18:16

kae na alofa Iselaele katoa mo Suta kia Tavite, talie na ano a ia i olatou mua.

Uluaki tosi a Samuele 23:17

ti na pati loa a ia kia Tavite : Aua na ke tuania, talie e leaise kaku loa kiate koe le lima o Saulo, loku tamana. E ke pule loa ki Iselaele, ti ko au, e kau nofo loa i le tuulaga lua i ou tafa ; kua iloa le nea lena e Saulo, loku tamana.