Esitele 1:6 - Tosi Tapu

⁶ Na nonoa ni fa kie tetea, mo sesega ti mo usi ki ni maea nilo tetea mo kula, ti na fakamau latou ki ni mama siliva ki ni pou fatu tetea. Na tuu ni palepale aulo mo siliva i le faliki o le fale leia na fai ki le polefile, mo le malepe, mo le nakele ti mo ni fatu uli.

Esitele 1:6 ပူးပေါင်းရင်းမြစ်များ

Esitele 7:8

I le toe liliu mai a le sau mei le oloto o le fale sau ki le kogafale o le kai, na tio loa a ia ki le oso a Amane ki le palepale leia na nofo ai Esitele, ti na pati loa a ia : Pe toe loto foki a ia ke fakamakekei e ia le fafine sau i oku mua, i loku fale sau ? I le temi fai leia na ulu mai ai le masau lena mei le gutu o le sau, na puloui loa a mata o Amane.

Esitele 8:15

Na mavae loa Maletoseo i le fale o le sau, mo se kofu fakasau usi mo tea, mo se pala aulo lasi, ti mo se taupulupulu mauiga lanu kula. Na kalaga fakafiafia loa le kolo ko Suse ti mo nekenekea.

Ekesote 26:1

E ke fai loa le tapenakulo ki ni tapi tetea makeke e kau agafulu, mo ni kie usi, mo ni kie kula fakapouli, ti mo ni kie kula malama ; e ke tui fakateuteu loa ki ai ni selupino.

Esekiele 23:41

Na ke ekeeke ki se palepale fulumalie, Na tuu i ona mua se laupapa, Ti na ke teki ki le laupapa lena laku iseso mo laku lolo.

Amosi 2:8

E lotou momoe i tafa o aletale i ni kofu na tuku ake e le kau mativa kia latou, Ti e lotou inu i le fale o olatou atua le vino a latou ala e lotou fakatua.

Amosi 3:12

Koia e folafola ai le Eteleno, o pati : Ofaipe le tagata tausi manu e taaki ia i le gutu o le laione Ni vae e lua pe ko se koga o se taliga, E fenaaki loa le fakamauli o fanau o Iselaele ala e tonatona i Samalia, I le tifi o se palepale, i aluga o ni tapi mei Tamaso.

Amosi 6:4

E lotou malolo i ni palepale lei, E lotou moemoe fakafifimalie i olatou moeaga, E lotou kai a akeno o le kau manu A uviki pipi na fakagagako.

Uluaki tosi a Samuele 28:23

Kae na fakafiti ake Saulo, o pati : E leaise kau kai loa. Ti ko ana tagata fakasausau mo le fafine foki, na fakalotoi loa a ia, ti na kai loa a ia. Na tuu ake loa a ia ki aluga o ekeeke i le palepale.