Esitele 1:17 - Tosi Tapu

¹⁷ Talie e kaku loa ki fafine fuli le nea leia na fai e le fafine sau, ti e tupu ai loa ia latou le fia nukinuki ki alatou avaga, o lotou pati loa : Na fakatotonu e le sau ko Asuelusi ke aumai ki ona mua le fafine sau ko Vaseti, ti na leaise ano a ia.

Esitele 1:17 ပူးပေါင်းရင်းမြစ်များ

Lua tosi a Samuele 6:16

I le ulu a le aleka o le Eteleno ki le kolo o Tavite, na tio mai loa Mikale, taine o Saulo, mei le katupa, ti na tio loa a ia ki le sau ko Tavite e soposopo mo mako i mua o le Eteleno ; ti na nukinukii loa e ia a ia i lona loto.

Esetalasi 4:6

I le kamataaga o le sau o Asuelusi, na lotou fai loa se tosi o tukugavelii ai le kakai o Suta mo Selusalemi.

Esitele 1:16

Na tali loa Memukani i mua o le sau mo aliki : Na leaise gato fua ki le sau leia e fai ki ai le nea veli lena e le fafine sau ko Vaseti ; kae ki aliki fuli mo kakai fuli foki ala e nonofo i fenua fuli o le puleaga o le sau ko Asuelusi.

Esitele 1:18

I le aso loa lena, e fakamatala loa e fafine aliki o Pelesi mo Meti, ala e logo loa ki le nea leia na fai e le fafine sau ko Vaseti, ki kau aliki fuli a le sau ; ti e tupu ai loa se nukinuki lasi mo se ita lasi.

Efeso 5:33

E kau fakaoki atu loa : ke tasi alofa le tagata ki lana avaga ofaipe kiate ia totonu, ti ke fakaapaapa le fafine ki lona avaga.