Esitele 1:12 - Tosi Tapu

¹² Kae na leaise fia au le fafine sau ko Vaseti, i lana maua le fakatotonu a le sau i le kau enuke. Koia na itaita lasi ai loa le sau, ti na mea katoa loa a ia i lona ita.

Esitele 1:12 ပူးပေါင်းရင်းမြစ်များ

Senesi 3:16

Ti na pati loa a ia ki le fafine : E kau fakalasi loa le mamae o ou tinae, ti e ke fanau loa i le mamae, ti e ano loa ou oli ki lou avaga, kae e pule loa a ia kiate koe.

Esitele 1:11

Ke aumai ki ona mua le fafine sau ko Vaseti, mo le pala fakasau, o tupu ke fakasa lona fulumalie ki le kakai ti mo le kau lalasi, talie na fulumalie ai a ia.

Esitele 1:13

Ti na masau loa le sau ki le kau poto, ala na iloa ia a temi. Talie na fai fenaaki a nea fuli a le sau, i mua o latou fuli ala na iloa ia a lao mo le fakamaau.

Esitele 7:7

Ti na tuu ake loa le sau ki aluga, i lona ita lasi, o mavae i le kai, ti na ulu loa a ia ki fafo ki le oloto o le fale sau. Na nofo loa Amane o kole ki le fafine sau ko Esitele ke soli ake kiate ia lona mauli, talie kua tio malie a ia kua fakatuutuu i le loto o le sau se veli kiate ia.

Pesalemo 74:1

Katiko a Asafe. Kolea, ei Atua, kua ke tiaki ai matou o lee gato ? Kolea kua ke ita ai ki le kau manu o lou lotoa ?

Pesalemo 79:5

E kaku loa kiafea, Eteleno ! lou ita tuumau, Ti mo le kaka o lou sausau ofaipe se afi ?

Ekesote 32:19

I lala kaku loa ki le nofolaga, na la tio loa ki le uviki pipi mo mako. Na mu loa le sausau o Moisese, ti na tiaki loa e ia a fatu mei ona lima, o momo i lalo o le mauga.

Ekesote 32:22

Na tali loa Alone : Ke aua na ita loku aliki ! E ke iloa malie e koe totonu, e siga vave le kakai leinei ki le veli.

Taagapati 19:12

Ko le ita o le sau e faipe le gugulu o le laione, Ti ko lona agamalie e faipe le sese i le mutie.

Taagapati 20:2

Ko le i ki le sau e faipe le gugulu o le laione, Ko leia e fakatupu ia lona ita e agasala kiate ia totonu.

Taniela 2:12

I le nea lena na itaita lasi le sau. Ti na fakatotonu loa e ia ke tamate le kau poto fuli o Papilone.

Taniela 3:13

Koia na itaita veli ai loa Nepukatenesale, ti na fakatotonu loa e ia ke aumai Satalake, mo Mesake, mo Apeteneko. Ti na aumai loa a tagata ana ki mua o le sau.

Taniela 3:19

I le nea lena na toe veli ake loa le itaita o Nepukatenesale, ti na tio faikese loa ona mata kia Satalake, mo Mesake, mo Apeteneko. Na toe masau loa a ia o fakatotonu ke fakavevela le gutuumu o tua fitu ake lona makeke i le fai masani.

Naume 1:6

Ko ai e tuu loa i mua o lona sausau ? Ko ai e tuu loa i mua o lona sausau lasi ? E mafola lona sausau ofaipe le afi, Ti e mafaafaa a utu i ona mua.

Efeso 5:22

Fafine avaga, ke kotou tasi fakataulalo ki lona avaga, o fakatatau ki le Aliki ;

Efeso 5:24

Kae, ofaipe le Ekelesia leia e fakataulalo kia Kilisito, ke fakataulalo foki le fafine ki lona avaga i nea fuli.

Tetelonome 29:20

E leaise toe loto loa le Eteleno ke fakamolemole ki le tagata lena. Kae e mu loa le sausau mo le finenonofo o le Eteleno ki le tagata a ia, ti e vilo loa malaia fuli ala e tuu i le tosi leinei kiate ia, ti e soloi loa e le Eteleno lona igoa i lalo o le lagi.

Uluaki tosi a Petelo 3:1

Fafine avaga, kotou fakataulalo i nea fuli ki okoutou avaga, o tupu, kapau e leaise fakalogo ni iki ki le folafola, ke aumai latou ki le tui e le aga a le fafine, sala folafola,