Esetalasi 9:3 - Tosi Tapu

³ I laku logo ki le nea lena, na kau sae loa oku kofu mo loku taupulupulu, ti na kau futi loa oku fului ulu mo loku kaukava, ti na kau tonatona loa i le mamae.

Esetalasi 9:3 ပူးပေါင်းရင်းမြစ်များ

Lua tosi a Samuele 1:11

Na sae loa e Tavite ona kofu, ti na toe fai fenaaki loa a tagata fuli ala na nonofo mo ia.

Lua tosi o Sau 18:37

Ti na au loa kia Esekiasi a Eliakimi, vosa o Ilekisa, pule o le fale o le sau, mo Sepena, le sekalaipe, mo Soake, vosa o Asafe, le tagata fakafofoga o le sau, mo olatou teu kua sae, o fakamatala kiate ia a masau a Lapesake.

Neemia 1:4

I laku logo ki nea ana, na kau tonatona loa ki le kele o tagi, ti na kau nofo loa i ni aso mauke ai i le mamae. Na kau sesunio loa ti na kau faikole loa ki le Atua o le atu lagi, o pati :

Neemia 13:25

Na kau fai loa ni valoki kia latou ti na kau tutuku loa latou ; na kau lalava loa ni iki, ti na kau futi loa olatou lau ulu, ti na kau fakatotonu loa ke lotou fakapapau i le suafa o le Atua, ti na kau pati loa kia latou : E leaise kotou soli loa okoutou taineliki ki olatou tamaliki, ti e leaise kotou too loa olatou taineliki ke avaga mo okoutou vosa pe ko koutou totonu.

Sopo 1:20

Ti na tuu loa a Sopo ki aluga, o sae lona taupulupulu, mo tele lona ulu ; ti na fakamapee loa a ia ki le kele, ti na su loa a ia,

Pesalemo 119:53

E kau maua e se itaita veli i le tio ki le kau agaveli, Ala e tiaki ia lau lao.

Pesalemo 143:4

E gaegae loku laumalie iate au, E mamae loku loto i loku manava.

Pesalemo 66:3

Kotou pati ki le Atua : E fakaii ai au gaoiaga ! O tupu ko le lasi o lou makeke, e fakavikiviki ou fili kiate koe.

Esaia 15:2

Kua pale le kakai o Tiponi ki le fale tapu mo ganea taualuga, o tagi i ai. Kua fai e Moape ni tagi vale ki Nepo mo Metepa : Kua tele a ulu fuli, ti kua koti a kaukava fuli.

Selemia 36:24

Na leaise i loa le sau mo ana tagata fakasausau fuli ala na logo ki folafola fuli ana, ti na leaise lotou sae loa olatou kofu.

Selemia 7:29

Koti lou lau ulu, ti ke ti a ia ki mamao ; Ke ke pale ki potu taualuga, o fai se tagi laulau ! Talie kua tiaki e le Eteleno Ti kua tulei kese e ia le tautupu leia na fakatupu ia lona sausau.

Esekiele 3:15

Na kau kaku loa ki Teleapipi, ki le kau popula ala na nonofo i tafa o le vaitafe o Kepale, i le ganea leia na lotou nonofo ai ; i ai na kau nofo loa mo latou i aso e fitu, o talitali mo se loto punamauli lasi.

Esekiele 7:18

Kua lotou tui ni taga, Ti kua kofu latou e le i ; Kua luma a mata fuli, Kua tele a ulu fuli.

Taniela 4:19

Ti ko Taniela, leia e igoa ko Pelesatesale, na tuu noa mua i se ga temi, talie na sevaia lana fakakaukau. Ti na toe masau loa le sau, o pati : Pelesatesale, ke aua na ke i, o tupu ko le moe miti mo lona fakamatala ! Ti na tali loa Pelesatesale : Ei loku aliki, ke vilo le moe miti mo lona uiga ki ou fili !

Taniela 8:27

Ko au Taniela, na kau gaegae veli ai ti na kau masaki loa i ni aso e mauke ; ti oki, na kau tuu loa ki aluga ti na kau tokaga loa ki gaoi a le sau. Na kau punamauli i le nea leia na kau tio ki ai, ti na leaise iloa a ia e se tasi.

Levitiko 21:5

E leaise fai loa e le kau tagata faisakilifisio ni tosula, mo ni ma, ti mo ni masikasika i olatou tino.

Mikea 1:16

Kakai o Selusalemi, tele okoutou gutu, koti okoutou ulu, O tupu ko au fanau alofaina ! Tele okoutou ulu ofaipe le akuila, Talie kua lotou ano popula o mamao meia koutou !

Sosue 7:6

Na saei loa e Sosue lona kofu, ti na tutuli loa a ia ki lalo o fakatau ona mata ki le kele i mua o le aleka o le Eteleno, o kaku ki le afiafi, a ia mo le kau fakamatuatua o Iselaele. Ti na lotou laku foki mo le efu ki olatou ulu.