Esetalasi 7:9 - Tosi Tapu

⁹ Talie na mavae a ia mei Papilone i le uluaki aso o le uluaki masina, ti na kaku loa a ia ki Selusalemi i le uluaki aso o le masina lima, talie na nofo le lima o lona Atua mo ia.

Esetalasi 7:9 ပူးပေါင်းရင်းမြစ်များ

Esetalasi 7:28

ti na fakaliliu ia le sau, mo le kau fono, mo lana kau pule lalasi fuli, ke agamalie kiate au ! Na nofo iate au loa le lima o le Eteleno, loku Atua, o fakamakeke au, ti na kau tanaki loa le kau pule o Iselaele ke toe liliu mo au.

Esetalasi 7:6

Na au loa le Esetalasi lena mei Papilone : ko se tagata sekelipa a ia, leia na poto i le lao a Moisese leia na tuku kiate ia e le Eteleno, le Atua o Iselaele. Ti na kau mo ia le lima o le Eteleno, lona Atua, koia na soli ai e le sau kia Esetalasi a nea fuli ala na kole e ia kiate ia.

Esetalasi 7:8

Na kaku loa Esetalasi ki Selusalemi i le masina lima o le fetuu fitu o le sau a le sau.

Esetalasi 8:18

Ti na nofo ia matou le lima o le Eteleno, koia na lotou aumai ai loa Selepia, ko se tagata poto i vosa o Makeli, vosa o Levi, vosa o Iselaele, ti na au loa mo ia ona vosa mo ona fetaina, ko tagata e tino agafulu tupu valu ;

Esetalasi 8:22

Talie na kau luma i le kole ki le sau ke tuku mai se solia mo ni osi ke puipui ia matou i le ala, talie kua motou pati ki le sau : E puipui loa e le lima o lomatou Atua latou fuli ala e afa ia a ia, kae e vilo loa lona makeke mo lona sausau kia latou fuli ala e tiaki ia a ia.

Esetalasi 8:31

Na motou mavae loa i le vaitafe o Aava, o ano ki Selusalemi, i le aso kau agafulu tupu lua o le uluaki masina. Na nofo ia matou le lima o lomatou Atua, ti na puipui e ia matou mei le fili ti mo tutamaki fuli o le ala.

Esetalasi 8:32

Na motou kaku loa ki Selusalemi, ti na motou malolo loa i aso e tolu.

Neemia 2:18

Na kau fakamatala loa kia latou le lima malie o loku Atua leia na teki kiate au, ti mo masau fuli ala na fai e le sau kiate au. Na lotou pati loa : Tou tutuu ki aluga, tou laga ! Ti na lotou fakamakeke loa olatou lima ki le gaoi malie lena.

Neemia 2:8

ti mo se tosi kia Asafe, leia e pule ki vaomatua a le sau, o tupu ke aumai e ia se laakau ke fai ai a matapa o le fale leia e ofi ki le fale tapu, mo paa o le kolo, ti mo le fale leia e kau nofo ai loa. Na tuku mai loa e le sau a tosi ana kiate au, talie na iate au le lima malie o loku Atua.

Pesalemo 80:18

Ke teki lou lima ki le tagata o lou fetuu atamai, Ki le vosa o le tagata leia na ke filifili ma au !

Esaia 66:14

E kotou tio loa ki ai, ti e fiafia loa lokoutou loto, Ti e toe maua loa e okoutou ivi se makeke ofaipe le laakau sesega. E fakasa loa e le Eteleno lona mafimafi ki ana tagata fakasausau, Kae e fakamamafa loa e ia lona sausau ki ona fili.