Esetalasi 5:2 - Tosi Tapu

² Ti na tutuu ake loa ki aluga a Solopapele, vosa o Saletiele, mo Sosue, vosa o Sotesatake, o kamata le fau o le fale o le Atua i Selusalemi. Ti na kau mo laua le kau polofeta a le Atua, o tokoi kia laua.

Esetalasi 5:2 ပူးပေါင်းရင်းမြစ်များ

Esetalasi 1:8

Na kakau loa e Silusi, sau o Pelesi, kia Miteletate, le tagata taupau koloa, ke too e ia latou o fakatoo kia Sesepatesale, leia ko Solopapele, ko le aliki o Suta.

Esetalasi 10:18

I le kau tagata faisakilifisio, na i ai loa ni iki ala na avaga mo ni fafine pagani : ko ni vosa o Sosue, vosa o Sotesatake, ti mo ona fetaina, Maasesa, mo Eliesele, mo Salipe, ti mo Ketalia,

Esetalasi 3:2

Ko Sosue, vosa o Sotesatake, mo ona fetaina kau tagata faisakilifisio, mo Solopapele, vosa o Saletiele, mo ona fetaina, na tutuu ake loa ki aluga o fakatuu le aletale o le Atua o Iselaele, ke momoli ai a failaulau o mulimuli ki le nea leia e tuu i le lao a Moisese, le tagata a le Atua.

Esetalasi 3:8

I le lua o fetuu, talu mei le aso leia na lotou kaku ai ki le fale o le Atua i Selusalemi, i le masina lua, ko Solopapele, vosa o Saletiele, mo Sosue, vosa o Sotesatake, mo ola fetaina, le kau faisakilifisio mo le kau Levi, ti mo latou fuli ala na toe liliu mai mei le popula ki Selusalemi, na lotou gaoi loa ti na lotou tuku loa ki le kau Levi, mei le fetuu kau lua o fai ki aluga, ke leoleo ia a gaoi o le fale o le Eteleno.

Esetalasi 6:14

Ti na laga loa e le kau matua o le kau Sutea le fale o manuia, o mulimuli ki le folafola a le polofeta ko Akeseo, mo le polofeta ko Sakalia, vosa o Ito ; na lotou laga loa le fale o oki o mulimuli ki le fakatotonu a le Atua o Iselaele mo le fakatotonu a Silusi, mo Taliusi, mo Aletasese, ko sau o Pelesi.

Akeseo 2:18

Kotou fakakaukau malie Ki le nea leia kua soko o kaku mai ki le aso nei, O kaku mai ki le aso kau lua tupu fa o le masina iva, Talu mei le aso leia na fakavae ai le fale o le Eteleno, Kotou fakakaukau malie ki ai !

Sakalia 4:14

Ti na pati mai loa a ia : Ko sa tagata ana e toka lua ala kua fakatapui ke tuu i mua o le Aliki o le malama nei katoa.

Sakalia 4:4

Na kau masau loa, o pati ki le aselo leia na masau mai kiate au : Ei loku aliki, kolea le uiga o nea anei ?

Sakalia 6:11

E ke too loa se siliva mo se aulo, ti e ke fau loa ki ai ni pala, ala e ke teki loa ki le ulu o Sosue, vosa o Sosatake, ko le tagata faisakilifisio lasi.

Sakalia 8:9

Koia e folafola ai le Eteleno o kau tau, o pati : Kotou fakamakeke okoutou lima, koutou ala e logo i le aso leinei ki folafola anei mei le gutu o polofeta ala na sa i le temi leia na fakatafito ai le fale tapu o le Eteleno o kau tau, i le temi leia na kamata fakatuu ai le fale tapu.

Lua tosi ki le kau Kolinto 1:24

kae leaise tupu ke ma pulei ai lakoutou tui, kae tupu ke ma tokoi ki lokotou fiafia, talie kua kotou tuu makeke i le tui.