Esetalasi 4:3 - Tosi Tapu

³ Kae na tali loa Solopapele, mo Sosue, ti mo la ake kau pule famili o Iselaele kia latou : E leaise tonu ke kotou kau mo matou ki le fakatuu o le fale o lomatou Atua ; e motou fakatuu tefua loa le fale o le Eteleno, le Atua o Iselaele, ofaipe le nea leia na fakatotonu mai kia matou e Silusi, sau o Pelesi.

Esetalasi 4:3 ပူးပေါင်းရင်းမြစ်များ

Lua tosi o Koloniko 36:22

I le uluaki fetuu o Silusi, sau o Pelesi, o tupu ke fakasoko le folafola a le Eteleno leia na fakasa e le gutu o Selemia, na fafagu loa e le Eteleno le laumalie o Silusi, sau o Pelesi, leia na fakatotonu ia loa ke fai i lona puleaga katoa le lagiaki leinei ki le masau gutu mo ni tosi :

Esetalasi 1:1

I le uluaki fetuu o Silusi, sau o Pelesi, na fakasoko loa e le Eteleno le folafola leia na fakasa e le polofeta ko Selemia. Na fafagu loa e le Eteleno le laumalie o Silusi, sau o Pelesi, leia na fakasa ia loa mo fai ia loa le tosi leinei i lona puleaga katoa :

Esetalasi 1:2

Ko leinei le masau a Silusi, sau o Pelesi : Kua soli mai kiate au e le Eteleno, le Atua o le lagi, a puleaga fuli o le malama nei, ti kua fakatotonu mai e ia kiate au ke fakatuu kiate ia se fale i Selusalemi i Suta.

Esetalasi 1:3

Ko ai ia koutou e kau ki lona kakai ? Ke nofo lona Atua mo ia, ti ke pale a ia ki Selusalemi i le fenua o Suta, o fakatuu le fale o le Eteleno, le Atua o Iselaele ! Ko le Atua leia e agai i Selusalemi.

Esetalasi 3:8

I le lua o fetuu, talu mei le aso leia na lotou kaku ai ki le fale o le Atua i Selusalemi, i le masina lua, ko Solopapele, vosa o Saletiele, mo Sosue, vosa o Sotesatake, mo ola fetaina, le kau faisakilifisio mo le kau Levi, ti mo latou fuli ala na toe liliu mai mei le popula ki Selusalemi, na lotou gaoi loa ti na lotou tuku loa ki le kau Levi, mei le fetuu kau lua o fai ki aluga, ke leoleo ia a gaoi o le fale o le Eteleno.

Neemia 2:20

Ti na kau fai loa le tali leinei kia latou : E fakamanuia loa e le Atua o le atu lagi lamatou gaoi. Ko matou ko ana tagata fakasausau, koia e motou tutuu ai loa ki aluga, ti e motou laga loa ; kae ko koutou e leai sokoutou tofiga, e leai sokoutou vaega, ti e leai sokotou fakamanatu i Selusalemi.

Esaia 44:28

E kau pati kia Silusi : Ko laku tagata tausi manu a ia, Ti e fakasoko loa e ia loku finegalo katoa ; E pati loa a ia ki Selusalemi : Ke toe laga a ia ! Ki le fale tapu : Ke toe fakavae a ia !

Esaia 45:4

O tupu ko loku alofa ki laku tagata fakasausau ko Sakopo, Ti mo Iselaele, laku filifiliia, Na kau kalagai a koe i lou igoa totonu, Na kau masau kiate koe i le loto malie, i mua o lau iloa au.

Mateo 10:16

Ko leinei, e kau kakau koutou ofaipe ni ovi ki loto malie o ni lupo. Kotou poto ofaipe ni gata, ti kotou agamalie ofaipe ni lupe tea.

Soane 4:9

Na pati loa le fafine samalia kiate ia : Kolea e ke kole mai ai kiate au ke ke inu, a koe leia ko le Sutea, kiate au leia ko se fafine Samalia ? Talie na leaise malilie le kau Sutea mo le kau Samalia.

Gaoi 8:21

E leaise ke maua sou vaega fua i le nea lena, talie e leaise sako lou loto i mua o le Atua !