Esetalasi 4:2 - Tosi Tapu

² Ti na lotou au loa kia Solopapele mo le kau pule famili, o pati kia latou : E motou tokoi loa kia koutou talie e motou fetapa ki lokoutou Atua ofaipe koutou, ti e motou momoli kiate ia ni sakilifisio talu mei le temi o Esale-Atone, sau o Asilia, leia na aumai ia matou ki leinei.

Esetalasi 4:2 ပူးပေါင်းရင်းမြစ်များ

Senesi 10:11

Na au loa Asule mei le fenua lena. Na fakatuu loa e ia Ninive, mo Leopoti-Ile, mo Kela,

Lua tosi o Sau 17:24

Na aumai loa e le sau o Asilia ni kakai mei Papilone, mo Kuta, mo Ava, mo Amate, mo Sefalevaimi, ti na fakanonofo loa e ia latou i kolo o Samalia, o fetogi ai fanau a Iselaele. Na lotou maua loa Samalia, ti na lotou nonofo loa i ona kolo.

Lua tosi o Sau 17:41

Na i a puleaga ana ki le Eteleno mo tausi ki olatou fakatata ; ti na fai e alatou fanau mo fanau o alatou fanau o kaku mai ki le aso leinei a nea ala na fai e olatou tamana.

Lua tosi o Sau 19:37

I se aso na tulolo ai loa a ia i le fale o Niseloke, lona atua, na taai loa a ia e Atalameleke mo Saletesele, ko ona vosa, ki le seleta, ti na la sosola loa ki le fenua o Alalate. Ti na sau loa Esale-Atone, lona vosa, o fetogi a ia.

Esetalasi 1:5

Ko pule famili o Suta mo Pesamino, mo le kau faisakilifisio, mo le kau Levi, ti mo latou fuli ala na fafagu olatou loto e le Atua, na tutuu ake loa ke ano o laga le fale tapu o le Eteleno i Selusalemi.

Esetalasi 2:2

Na lotou ano loa mo Solopapele, mo Sosue, mo Neemia, mo Selasa, mo Leelasa, mo Maletoseo, mo Pilekane, mo Misepale, mo Pikevai, mo Leume, ti mo Paana. Ko le api o tagata o le kakai o Iselaele :

Esetalasi 3:12

Kae na toka api le kau faisakilifisio mo le kau Levi, mo se kau pule famili kua matutua, ala na tio ki le uluaki fale tapu, na fetagisi leo lasi loa, i lalatou tio ki le teki o le fakatafito o le fale. Kae na kalaga fakafiafia loa se tasi ake toka api,

Esetalasi 3:2

Ko Sosue, vosa o Sotesatake, mo ona fetaina kau tagata faisakilifisio, mo Solopapele, vosa o Saletiele, mo ona fetaina, na tutuu ake loa ki aluga o fakatuu le aletale o le Atua o Iselaele, ke momoli ai a failaulau o mulimuli ki le nea leia e tuu i le lao a Moisese, le tagata a le Atua.

Neemia 9:32

Ti ko leinei, ei lomatou Atua, Atua lasi, mo mafimafi, mo fakaii, a koe leia e taupau ia lau sai ti e manava alofa, aua na ke tio ki mamae fuli ala na motou tali ofaipe se ganea noa, a mamae ala na motou tali e matou, mo omatou sau, mo omatou pule, mo omatou tagata faisakilifisio, mo omatou polofeta, mo omatou tamana ti mo le kakai katoa, mei le temi o sau o Asilia o kaku mai ki le aso nei.

Pesalemo 73:8

E lotou gologolo, ti e lotou masau fakaitaita ke fakamakeke, E lotou fai ni masau matasoka.

Esaia 37:37

Ti na tuu loa Sanekelipe, sau o Asilia, mo lana solia, o toe liliu ; ti na nofo loa a ia i Ninive.

Esaia 37:38

I se aso leia na lolotoga punou ai a ia i le fale o Niseloke, lona atua, na tamate loa a ia e ona vosa ko Atelameleke mo Saletesele ki le seleta, ti na la sosola loa ki le fenua o Alalate. Ti na pule loa lona vosa, ko Esale-Atone, o fetogi a ia.

Oseo 14:3

E leaise fakamauli loa matou e le tagata Asilia, e leaise motou eke loa i ni osi, Ti e leaise motou toe pati loa ki le gaoiaga o omatou lima : Lomatou Atua ! Talie ko ou tafa a la e maua ai e le toe sala matua le manava alofa.

Kalate 2:4

Ti ko le nea lena o tupu ko fetaina loi ala na ulu fakafufu mai kia matou, o lama le mauli lauatea leia kua motou maua ia Sesu-Kilisito, mo le manatu ke lotou fakapopulai matou.

Lua tosi kia Timoteo 3:8

O tatau mo Sanese mo Sapelese ala na fakafesagai kia Moisese, e fakafesagai foki a tagata ana ki le maoki. Kua fakapouli olatou atamai, ti e leaise aoga lalatou tui.