Esetalasi 3:2 - Tosi Tapu

² Ko Sosue, vosa o Sotesatake, mo ona fetaina kau tagata faisakilifisio, mo Solopapele, vosa o Saletiele, mo ona fetaina, na tutuu ake loa ki aluga o fakatuu le aletale o le Atua o Iselaele, ke momoli ai a failaulau o mulimuli ki le nea leia e tuu i le lao a Moisese, le tagata a le Atua.

Esetalasi 3:2 ပူးပေါင်းရင်းမြစ်များ

Senesi 12:7

Na sa loa le Eteleno kia Apalamo, o pati : E kau soli loa le fenua leinei ki lou sakoga. Ti na fakatuu loa e Apalamo i le ganea lena se aletale ki le Eteleno, leia na sa kiate ia.

Uluaki tosi o Koloniko 23:14

Kae na lau loa a vosa o Moisese, le tagata a le Atua, i le faasiga o Levi.

Uluaki tosi o Koloniko 3:17

Ko vosa o Sekoniasi : ko Asile, leia na tupu mei ai a Saletiele,

Uluaki tosi o Koloniko 3:19

Ko vosa o Petasa ko Solopapele mo Simei. Ko vosa o Solopapele : ko Mesulame mo Anania ; mo Selomite, lola tuagaane ;

Lua tosi o Koloniko 6:6

kae kua kau filifili Selusalemi ke agai ai loku suafa, ti kua kau filifili Tavite ke pule ki loku kakai ko Iselaele !

Esetalasi 10:18

I le kau tagata faisakilifisio, na i ai loa ni iki ala na avaga mo ni fafine pagani : ko ni vosa o Sosue, vosa o Sotesatake, ti mo ona fetaina, Maasesa, mo Eliesele, mo Salipe, ti mo Ketalia,

Esetalasi 10:20

I vosa o Imele : ko Anani mo Sepatesa ;

Esetalasi 10:21

I vosa o Alime ko Maasesa, mo Elia, mo Semaesa, mo Seiele, ti mo Osiasi ;

Esetalasi 10:22

I vosa o Pasule, ko Elioenai, mo Maasesa, mo Isemaele, mo Netaneele, mo Sosapate, ti mo Eleasa.

Esetalasi 2:2

Na lotou ano loa mo Solopapele, mo Sosue, mo Neemia, mo Selasa, mo Leelasa, mo Maletoseo, mo Pilekane, mo Misepale, mo Pikevai, mo Leume, ti mo Paana. Ko le api o tagata o le kakai o Iselaele :

Esetalasi 3:8

I le lua o fetuu, talu mei le aso leia na lotou kaku ai ki le fale o le Atua i Selusalemi, i le masina lua, ko Solopapele, vosa o Saletiele, mo Sosue, vosa o Sotesatake, mo ola fetaina, le kau faisakilifisio mo le kau Levi, ti mo latou fuli ala na toe liliu mai mei le popula ki Selusalemi, na lotou gaoi loa ti na lotou tuku loa ki le kau Levi, mei le fetuu kau lua o fai ki aluga, ke leoleo ia a gaoi o le fale o le Eteleno.

Esetalasi 5:2

Ti na tutuu ake loa ki aluga a Solopapele, vosa o Saletiele, mo Sosue, vosa o Sotesatake, o kamata le fau o le fale o le Atua i Selusalemi. Ti na kau mo laua le kau polofeta a le Atua, o tokoi kia laua.

Neemia 12:1

Ko nei le kau faisakilifisio mo le kau Levi leia na toe liliu mai mei le popula mo Solopapele, vosa o Saletiele, mo Sosue : ko Selasa, mo Selemia, mo Esetalasi,

Neemia 12:8

Ko le kau Levi : ko Sosue, mo Pinui, mo Katemiele, mo Selepia, mo Suta, mo Matania, leia na takitaki ia mo ona fetaina a sua o le fakafetai ;

Pesalemo 78:68

Na filifili loa e ia le faasiga o Suta, Le mauga o Sione leia na alofa a ia ki ai.

Ekesote 27:1

E ke fai loa le aletale ki le akasia ; ko lona loa ko meta e lua vaelua, ti ko lona laulasi ko meta e lua vaelua. E potupotu tatau loa le aletale, ti ko lona taualuga e meta tasi vaelua.

Akeseo 1:1

I le lua fetuu o le sau ko Taliusi, i le uluaki aso o le masina ono, na tuku loa le folafola a le Eteleno ki le polofeta ko Akeseo, mo Solopapele, vosa o Saletiele, kovana o Suta, kia Sosue, vosa o Sotesatake, tagata faisakilifisio lasi, i kupu anei :

Akeseo 1:12

Ko Solopapele, vosa o Saletiele, mo Sosue vosa o Sotesatake, le tagata faisakilifisio lasi, ti mo le toega fuli o le kakai, na logo loa ki le leo o le Eteleno, lolatou Atua, ti mo folafola a Akeseo, le polofeta, o mulimuli ki le kauga leia kua tuku kiate ia e le Eteleno, lolatou Atua. Ti na maua loa e le kakai se i ki le Eteleno.

Akeseo 1:14

Na fafagu loa e le Eteleno le laumalie o Solopapele, vosa o Saletiele, kovana o Suta, ti mo le laumalie o Sosue, vosa o Sotesatake, le tagata faisakilifisio lasi, ti mo le laumalie o le toega katoa o le kakai. Na lotou au loa, ti na lotou kamata loa le gaoi i le fale o le Eteleno o kau tau, lolatou Atua,

Akeseo 2:21

Masau kia Solopapele, kovana o Suta, o pati : E kau luui loa le atu lagi mo le kele ;

Akeseo 2:23

I le aso lena, e pati le Eteleno o kau tau, E kau too loa a koe, Solopapele, vosa o Saletiele, Laku tagata fakasausau, e pati le Eteleno, Ti e kau taupau loa a koe ofaipe se fakamailoga ; Talie na kau filifili a koe, e pati le Eteleno o kau tau.

Sakalia 3:1

Na fakatio loa e ia au kia Sosue, le tagata faisakilifisio lasi, leia na tuu i mua o le aselo o le Eteleno, ti mo Satana leia na tuu i lona fetuu atamai o fakalakasala a ia.

Sakalia 3:8

Koia fakalogo mai Sosue, tagata faisakilifisio lasi, a koe mo ou kaukau nea ala e tonatona i ou mua ! - talie ko ni tagata ala ka liliu loa ko ni fakamailoga. - Ko leinei, e kau fakasa loa laku tagata fakasausau, le Pulapula.

Sakalia 6:11

E ke too loa se siliva mo se aulo, ti e ke fau loa ki ai ni pala, ala e ke teki loa ki le ulu o Sosue, vosa o Sosatake, ko le tagata faisakilifisio lasi.

Numelo 28:2

Kotou tokaga loa o aumai kiate au, i olatou temi totonu, loku moliga, le nea kai o aku sakilifisio tutu e le afi, ala e manogi malie kiate au.

Luka 3:27

vosa o Soanane, vosa o Lesa, vosa o Solopapele, vosa o Salatiele, vosa o Neli,

Tuifakamaau 6:24

Ti na fakatuu loa e Seteone i le ganea lena se aletale ki le Eteleno, ti na tuku loa e ia ki ai le igoa ko le Eteleno o le tokamalie : koi tuu a ia i le aso nei i Ofala o Apiesele.