Esetalasi 2:2 - Tosi Tapu

² Na lotou ano loa mo Solopapele, mo Sosue, mo Neemia, mo Selasa, mo Leelasa, mo Maletoseo, mo Pilekane, mo Misepale, mo Pikevai, mo Leume, ti mo Paana. Ko le api o tagata o le kakai o Iselaele :

Esetalasi 2:2 ပူးပေါင်းရင်းမြစ်များ

Esetalasi 1:11

Ko le lasi o ipu fuli ala na aulo ti mo paaga ko afe e lima mo kau lelau e fa. Na ave loa e Solopapele a nea fuli mei Papilone ki Selusalemi i le toe liliu mei le popula.

Esetalasi 1:8

Na kakau loa e Silusi, sau o Pelesi, kia Miteletate, le tagata taupau koloa, ke too e ia latou o fakatoo kia Sesepatesale, leia ko Solopapele, ko le aliki o Suta.

Esetalasi 2:1

Ko nei latou o le fenua ala na toe liliu mei le popula, latou ala na ave popula ki Papilone e Nepukatenesale, sau o Papilone, ti na toe liliu loa ki Selusalemi i Suta, o tasi ano ki lona kolo.

Esetalasi 2:3

Ko vosa o Paleoke : ko tagata e tino lua afe tino lelau tino fitu tupu lua.

Esetalasi 3:2

Ko Sosue, vosa o Sotesatake, mo ona fetaina kau tagata faisakilifisio, mo Solopapele, vosa o Saletiele, mo ona fetaina, na tutuu ake loa ki aluga o fakatuu le aletale o le Atua o Iselaele, ke momoli ai a failaulau o mulimuli ki le nea leia e tuu i le lao a Moisese, le tagata a le Atua.

Esetalasi 4:3

Kae na tali loa Solopapele, mo Sosue, ti mo la ake kau pule famili o Iselaele kia latou : E leaise tonu ke kotou kau mo matou ki le fakatuu o le fale o lomatou Atua ; e motou fakatuu tefua loa le fale o le Eteleno, le Atua o Iselaele, ofaipe le nea leia na fakatotonu mai kia matou e Silusi, sau o Pelesi.

Esetalasi 4:8

Na fai loa e le kovana ko Leume mo le sekalaipe ko Simesai le tosi leinei ki le sau ko Aletasese, o uiga mo Selusalemi :

Esetalasi 5:2

Ti na tutuu ake loa ki aluga a Solopapele, vosa o Saletiele, mo Sosue, vosa o Sotesatake, o kamata le fau o le fale o le Atua i Selusalemi. Ti na kau mo laua le kau polofeta a le Atua, o tokoi kia laua.

Esetalasi 8:1

Ko nei a pule famili mo sakoga o latou ala na pale mai mo au mei Papilone i le sau a Aletasese :

Neemia 10:15

Mo Puni, mo Asekate, mo Pepai,

Neemia 12:47

I le temi o Solopapele mo Neemia, na soli e Iselaele katoa a vaega o le kau sua mo le kau tuu matapa, i aso taki tasi ; ti na soli ki le kau Levi a nea taputapu, ti na soli e le kau Levi ki vosa o Alone a nea taputapu.

Neemia 7:7

Na lotou ano loa mo Solopapele, mo Sosue, mo Neemia, mo Asalia, mo Laamia, mo Nasamia, mo Maletoseo, mo Pilekane, mo Misepelete, mo Pikevai, mo Neume, mo Paana. Ko le api o tagata o le kakai o Iselaele :

Akeseo 1:1

I le lua fetuu o le sau ko Taliusi, i le uluaki aso o le masina ono, na tuku loa le folafola a le Eteleno ki le polofeta ko Akeseo, mo Solopapele, vosa o Saletiele, kovana o Suta, kia Sosue, vosa o Sotesatake, tagata faisakilifisio lasi, i kupu anei :

Akeseo 1:12

Ko Solopapele, vosa o Saletiele, mo Sosue vosa o Sotesatake, le tagata faisakilifisio lasi, ti mo le toega fuli o le kakai, na logo loa ki le leo o le Eteleno, lolatou Atua, ti mo folafola a Akeseo, le polofeta, o mulimuli ki le kauga leia kua tuku kiate ia e le Eteleno, lolatou Atua. Ti na maua loa e le kakai se i ki le Eteleno.

Akeseo 1:14

Na fafagu loa e le Eteleno le laumalie o Solopapele, vosa o Saletiele, kovana o Suta, ti mo le laumalie o Sosue, vosa o Sotesatake, le tagata faisakilifisio lasi, ti mo le laumalie o le toega katoa o le kakai. Na lotou au loa, ti na lotou kamata loa le gaoi i le fale o le Eteleno o kau tau, lolatou Atua,

Akeseo 2:2

Masau kia Solopapele, vosa o Saletiele, ko le kovana o Suta, mo Sosue, vosa o Sotesatake, le tagata faisakilifisio lasi, ti mo le toega o le kakai, o pati kia latou :

Akeseo 2:21

Masau kia Solopapele, kovana o Suta, o pati : E kau luui loa le atu lagi mo le kele ;

Akeseo 2:4

I temi nei ke ke lotomakeke, Solopapele ! e folafola le Eteleno. Ke ke lotomakeke, Sosue, vosa o Sotesatake, pule faisakilifisio ! Ke ke lotomakeke, kakai katoa o le fenua ! e pati le Eteleno. Ti ke kotou gaoi ! Talie e kau nofo mo koutou.

Sakalia 3:1

Na fakatio loa e ia au kia Sosue, le tagata faisakilifisio lasi, leia na tuu i mua o le aselo o le Eteleno, ti mo Satana leia na tuu i lona fetuu atamai o fakalakasala a ia.

Sakalia 3:3

Ka ko leinei, na kofu e Sosue ni kofu fakalialia, i lana tuu i mua o le aselo.