Esetalasi 10:3 - Tosi Tapu

³ Ke tou fai i le aso nei se sai mo lotatou Atua ke kakau a fafine pagani fuli mo alatou fanau, o mulimuli ki le manatu a loku aliki mo latou fuli ala e lulu i mua o folafola a lotatou Atua. Ti ke fai o mulimuli ki le lao.

Esetalasi 10:3 ပူးပေါင်းရင်းမြစ်များ

Lua tosi o Sau 11:17

Na fai loa e Seosata se sai i mua o le Eteleno, mo le sau, ti mo le kakai, ke lotou liliu ko kakai a le Eteleno ; ti na fai foki e ia le sai i le vasa o le sau mo le kakai.

Lua tosi o Koloniko 29:10

Koia kua kau manatu ai ke fai se sai mo le Eteleno, o tupu ke maliu ai lona sausau lasi ia tatou.

Lua tosi o Koloniko 30:12

I Suta foki na gaoi le lima o le Atua o soli kia latou se loto tasi, ke lotou fai le fakatotonu a le sau mo le kau pule, o mulimuli ki le folafola a le Eteleno.

Lua tosi o Koloniko 34:21

Kotou ano o afa le finegalo o le Eteleno kiate au mo latou fuli ala na toe i Iselaele mo Suta, o uiga mo folafola o le tosi leinei na maua ; talie kua lasi ai le sausau o le Eteleno kua mafola kia tatou, o tupu na leaise tausi e otatou tamana le folafola a le Eteleno, ti na leaise lotou fai a nea fuli ala na tosi i le tosi leinei.

Lua tosi o Koloniko 34:27

O tupu na lave ki lou loto a folafola ana, ti na ke fakasemala i mua o le Atua i lau logo ki folafola ana o uiga mo le ganea leinei mo lona kakai, ti na ke fakasemala i oku mua, ti na ke sae ou kofu, ti na ke tagi i oku mua, ko au foki, na kau logo, e folafola le Eteleno.

Esetalasi 10:11

Kotou kofesio i le aso nei lakoutou agasala ki le Eteleno, le Atua o okoutou tamana, ti kotou fai lona finegalo ! Kotou mavae mei le kakai o le fenua ti mo fafine matapule.

Esetalasi 10:44

Na avaga latou fuli ana mo ni fafine pagani, ti na maua e le toka api ia latou ni olatou fanau

Esetalasi 10:9

Na fakatasi loa a tagata fuli o Suta mo Pesamino ki Selusalemi i aso ana e tolu. Ko le aso kau lua lena o le masina iva. Na tutuu loa le kakai katoa o lulu i le malae o le fale o le Atua, o tupu ko nea ala kua soko ti mo le ua.

Esetalasi 9:4

Na fakatasi mai loa ki oku tafa latou fuli ala na i ki folafola a le Atua o Iselaele, o tupu ko le patigataa o vosa o le popula ; ti ko au, na kau tonatona loa i le mamae o kaku ki le temi o le moliga o le afiafi.

Neemia 10:1

Ko nei latou ala na fakamaoki ia le tosi : Ko Neemia, le kovana, vosa o Akalia.

Neemia 8:14

Ti na lotou maua loa e tosi i le lao, leia na tuku e le Eteleno kia Moisese, e tonu ke nonofo a fanau o Iselaele i ni fale pola, i le lolotoga o le fakatasi lasi o le fitu o masina,

Neemia 9:38

O tupu ko nea fuli ana, e motou fai loa se sai ke tuu mau mo fakamaoki i se tosi ; ti na fakamaoki loa a ia e omatou pule, mo omatou Levi ti mo omatou tagata faisakilifisio.

Pesalemo 119:120

E lulu loku tino i loku i kiate koe, Ti e kau i ki au fakamaauaga.

Pesalemo 119:59

E kau fakakaukau ki oku ala, Ti e kau taki oku vae ki au pelesepeto.

Esaia 66:2

Ko nea fuli ana, ko loku lima leia na fai ia latou, Ti ko nea fuli a aku, e pati le Eteleno. Kae ko leinei leia e tio loa ki ai oku mata : Ki leia e mamae ti mo leia e loto fakasemala maoki, Ki leia e i ki laku folafola.

Esaia 8:20

Afa ki le Lao mo le fakamaoki ! Kapau e leaise masau felaaki, Ti e leai loa se mafoata ki le kakai.

Esekiele 9:4

Na pati loa le Eteleno kiate ia : Ano i le loto kolo, i loto o Selusalemi, ti ke fai se fakamailoga i lae o tagata ala e mamae ti mo tagi o tupu ko nea fakalialia fuli ala e fai i ai.

Tetelonome 29:12

E fai loa e le Eteleno, lou Atua, se sai mo koe i le aso nei, ti e fakaafe loa e ia a koe ke ke fakamaoki a ia ki sau fakapapau fakaalialiki,

Sosue 9:6

Na lotou ano loa kia Sosue i le nofolaga o Kilikale, ti na lotou pati loa kiate ia ti mo le kakai katoa o Iselaele : E motou au mei se fenua mamao o kole atu kia koutou ke kotou fai se sai mo matou i le aso nei.