Esaia 9:7 - Tosi Tapu

⁷ E kakau e le Eteleno se folafola kia Sakopo, Ti kua vilo a ia ki Iselaele.

Esaia 9:7 ပူးပေါင်းရင်းမြစ်များ

Lua tosi a Samuele 7:16

E tuu loa lou fale mo lou puleaga o lee gato, ti e tuu makeke loa lou ekeekeaga fakasau o lee gato.

Lua tosi o Sau 19:31

Talie e somo ake loa i Selusalemi se ga toetoega, ti e au loa mei le mauga o Sione ni iki ala na sao i le tau. Ko lena le nea leia e fai loa e le Aliki i le lasi o lona alofa.

Pesalemo 2:8

Kole mai kiate au ti e kau soli atu loa kiate koe a atu puleaga ko lou tofiga, Mo potupotu o le kele ma au.

Esaia 11:1

Ti e somo ake loa se ga laa i le tafito o Isaia, Ti e tupu ake loa se uli i ona aka.

Esaia 16:5

Kae e tuu mau loa le ekeekeaga o le sau i le manava alofa ; Ti e eke loa i ai se Tuifakamaau agatonu mo alofa ki le faitotonu Mei le sakoga o Tavite.

Esaia 2:4

E liliu loa a ia ko le tui fakamaau o atu puleaga, Ko le alepiti o ni kakai toka api. E lotou fai loa ni piosi ki alatou seleta, Mo ni sele gaoi ki alatou tao : E leaise toe tau loa se puleaga ki se puleaga, Ti e leaise toe ako loa le tau.

Esaia 26:11

Eteleno, e mafimafi lou lima : Kae e leaise lotou tio ki ai. E lotou tio loa ki lou alofa ki le kakai, ti e lotou luma loa ; E tutu loa e le afi ou fili.

Esaia 37:32

Talie e toe somo ake loa se ga toetoega i Selusalemi, ti mo ni iki na sao i le mauga o Sione. Ko lena le nea leia e fai loa e le alofa o le Eteleno o kau tau.

Esaia 40:10

Ko leinei, le Aliki, le Eteleno e au i lona mafimafi, Ti e pule lona lima ; Ko leinei, e au a ia mo le totogi, Ti e muamua a fakapale iate ia.

Esaia 42:13

E saele mai le Eteleno ofaipe se tagata toa, E fakasa e ia lona sausau ofaipe se tagata tau ; E siki e ia lona leo, e laku e ia ni kalaga makeke, E fakasa e ia lona makeke ki ona fili.

Selemia 23:5

Ko leinei, e pati le Eteleno, e soko mai loa a aso, Ala e kau fakatupu ai loa kia Tavite se uli agatonu. E nofo loa a ia ko se sau poto mo manuia, E fai loa e ia le faitotonu mo le maoki i le fenua.

Taniela 2:35

Ti na fatifati fakatasi loa le ukamea, mo le kele, mo le sila, mo le siliva, mo le aulo, ti na lotou liliu loa ofaipe le penu leia e agina mei le sasaaga fulumeto i le temi vevela. Na ave loa a ia e le matagi, ti na leaise toe maua loa se nea i le ganea lena. Kae ko le fa fatu leia na taai ia le fakatata na liliu loa ko se mauga lasi, ti na fakaapele loa e ia le malama nei katoa.

Taniela 2:44

I le temi o sau ana, e fakatupu loa e le Atua o le atu lagi se puleaga leia e leaise toe maumaui loa i se aso, ti e leaise toe tuku loa ki le pule a se tasi ake puleaga ; e fatifatii loa e ia, ti e maumaui loa e ia a la ake puleaga fuli, kae e tuu loa a ia totonu, o lee gato.

Taniela 7:14

Na soli loa kiate ia le pule, mo le kololia, mo le sau ; ti na tausi loa kiate ia a kakai fuli, mo puleaga, ti mo tagata mei masau kesekese fuli. Ko lana pule ko se pule lee gato, leia e leaise toe gato loa, ti e leaise toe maumau loa lona puleaga i se aso.

Taniela 7:27

Ko le sau, mo le pule, ti mo le kololia o puleaga fuli i lalo o le lagi, e soli loa ki le kakai o le kau sagato a le Taualuga. Ko lona puleaga ko se puleaga lee gato, ti e tausi loa a pule fuli kiate ia mo fakalogo loa kiate ia.

Akeseo 2:9

E lasi ake loa le kololia o le fale fakamuli leinei I le kololia o le uluaki fale, E pati le Eteleno o kau tau ; Ti ko le ganea leinei e kau tuku ai loa le tokamalie, E pati le Eteleno o kau tau.

Mateo 1:23

Ko leinei, e tinae loa le taupoou, e fanaui loa e ia se vosa, ti e soli loa kiate ia le igoa ko Emanuele, ko lona uiga ko le Atua mo tatou.

Soane 12:34

Na tali loa le kakai kiate ia : Kua motou ako i le lao e nofo le Kilisito o lee gato ; e feaki loa lau pati : E tonu ke siki ake ki aluga le Vosa o le tagata mei le kele ? Ko ai le Vosa o le tagata lena ?

Epelo 1:8

Kae na pati a ia ki le Alo : Ko lou ekeekeaga fakasau, ei Atua, e lee gato ; Ko le tokotoko o lou pule ko se tokotoko maokioki ;

Epelo 7:24

Kae ko ia, talie e mauli a ia o lee gato, e maua e ia se tulaga fakapelepitelo leia e leaise feala ke tuku ki se tasi.

Apokalipisi 19:11

Ti na oki a ia, na kau tio loa kua mavaa le lagi, ti ko leinei, na sa loa se osi tea. Ko leia na eke i ai e igoa ko Agatonu mo Maoki, ti e fakamaaui e ia, ti e tau a ia i le faitotonu.