Esaia 9:4 - Tosi Tapu

⁴ Talie ko taka fuli ala na taka ki ai i le tau, Ti mo teu tau fuli ala na kelekele i le toto, E laku loa ki ulaula, Ke tutu latou e le afi.

Esaia 9:4 ပူးပေါင်းရင်းမြစ်များ

Senesi 27:40

E ke mauli loa ki lau seleta, Ti e ke fakasausau loa ki lou taina. Kae i se aso e ke lauatea loa meiate ia, Ti e ke fatii loa le laakau o le popula leia e teki loa e ia ki lou ua, Ti e ke tiaki loa a ia ki mamao.

Pesalemo 125:3

Talie e leaise nofo loa le tokotoko o le agaveli i le vaega o le kau agatonu, O tupu ke aua na falo a lima o le kau agatonu ki le agaveli.

Pesalemo 81:6

Na fakatuu loa e ia a ia ko se lao kia Sosefo, I le aso leia na saele ai loa a ia o taui le fenua o Esipito… E kau logo ki se leo leia na leaise kau iloa :

Esaia 10:16

Koia e kakau loa e le Aliki, e le Aliki o kau tau, Le fakalaulautetea ki ana kau solia makeke ; Ti e malaga loa se vela lasi i le lolotoga o lona kololia, Io, se vela o tatau mo leia o le afi.

Esaia 10:5

Malaia ki Asilia, ko le laakau o loku sausau ! Ko le laakau a ia i lona lima, ko le nea gaoi a ia o loku sausau.

Esaia 14:25

E kau fatii loa le Asilia i loku fenua ; E kau takatakafi loa a ia ki oku vae i oku mauga ; Ti e too loa lana laakau taki i loku kakai ko Iselaele, Ti e too loa lana kavega i olatou tuauma.

Esaia 16:4

Tuku le kau popula o Moape ke nofo i lou fenua ; Ke ke liliu kia latou ko se ulufaga i le tagata tukipo ! Talie e gato loa le popula, ti e oki loa le maumaui, Ti e puli loa leia e takatakafi ia le fenua.

Esaia 47:6

Na kau ita ki loku kakai, Ti na kau fakakelekele loku tofiga ; Ti na kau tuku latou ki ou lima : Kae na leaise ke maua fua kia latou se manava alofa, Ti na ke fakamamafa lau laakau ki le matua.

Esaia 49:26

E kau fagai loa latou ala na fakaveliveli kiate koe ki lolatou tino totonu ; E lotou konana loa i lolatou toto totonu ofaipe se vino ; Ti e iloa loa e tagata fuli ko au ko le Eteleno, lou fakamauli, Leia na totogi ia a koe, le mafimafi o Sakopo.

Esaia 51:13

Pe kua ke galoi loa le Eteleno, leia na fai ia a koe, Leia na folasi ia a atu lagi ti na fakatuu ia a fakatafito o le kele ? Ti e ke lulu loa i le aso katoa i mua o le ita o le tagata fakaveliveli, Talie e afa e ia ke maumaui ? Kofea loa le ita o le tagata fakaveliveli ?

Esaia 52:2

Ke ke tu le efu iate koe, ke ke tuu ki aluga, Ke ke eke ki lou ekeekeaga, Selusalemi ! Ke ke tatala a va i lou ua, Taine o Sione leia na popula !

Esaia 54:14

E fakamakeke loa a koe e le faitotonu ; Kapu iate koe le tuania, talie e leaise tonu ke i ki se nea ; Ti mo le lulu, talie e leaise fakafeofi loa a ia kiate koe.

Esaia 9:5

Talie kua tupu kia matou se toe, kua soli mai kia matou se vosa, Ti e teki loa le pule i lona tuauma ; E fakaigoa loa a ia ko Fulumalie, Tokoi, Atua mafimafi, Tamana lee gato, Aliki o le tokamalie.

Selemia 30:8

I le aso lena, e pati le Eteleno o kau tau, E kau fatii loa lana laakau taki i lou ua, E kau motumotusi loa ou sai, Ti e leaise toe pule loa le kau matapule kiate koe.

Selemia 48:17

Kotou tagi kiate ia, koutou fuli ala e takatakai ia a ia, Koutou fuli ala e iloa ia lona igoa ! Kotou pati : Pe na feaki loa le fati o le tokotoko fakasau makeke lena, Le laakau mamalu lena ?

Levitiko 26:13

Ko au ko le Eteleno, ko lokoutou Atua, leia na fakamavae ia koutou mei le fenua o Esipito, o tupu ke aua na kotou toe liliu o popula kia latou. Na kau motusi a tini o Esipito ala na sai ia koutou, ti na kau fakasaele ia koutou i le fia tagata.

Naume 1:13

E kau fatii loa i le aso nei lana amoga iate ia, Ti e kau motusi loa ou sai…