Esaia 9:3 - Tosi Tapu

³ Talie ko le fa amo leia na taomi ia lona ua, Mo le tokotoko leia na ta ia lona tua, Mo le laakau leia na fakapopula ia a ia, Kua ke fatii latou, ofaipe le aso o Matiane.

Esaia 9:3 ပူးပေါင်းရင်းမြစ်များ

Neemia 9:23

Na ke liuliuga loa olatou vosa ofaipe fetuu o le lagi, ti na ke fakaulu loa latou ki le fenua leia na ke fakasa ki olatou tamana, leia ke lotou maua tofiga.

Sopo 12:23

E fakaapi e ia a puleaga, ti e toe maumaui e ia latou. E fakalasi e ia a puleaga ki mamao, ti e toe aumai e ia latou ki olatou koiga afea.

Pesalemo 107:38

E tapuaki a ia kia latou, ti e lotou liliu o toka api ai, Ti e leaise toe tamate loa e ia alatou kau manu.

Pesalemo 119:162

E kau fiafia i lau folafola, Ofaipe se tasi leia na maua ia se koloa lasi.

Pesalemo 4:7

E pati le toka api : Ko ai ka fakatio ia loa matou ki le fiafia ? Ei Eteleno, fakasopo mai kia matou le malama o ou mata !

Esaia 10:26

E siki loa e le Eteleno o kau tau le suipi kiate ia, Ofaipe lana taai Matiane i le utu o Olepe ; Ti, ofaipe lana siki lana tokotoko ki le tai, E toe siki loa e ia a ia, ofaipe lana fai i Esipito.

Esaia 12:1

E ke pati loa i le aso lena : E kau fakafetai kiate koe, Eteleno ! Talie na ke sausau kiate au, Kae kua ke fakamaliu lou ita iate au, ti kua ke fakafimalie au.

Esaia 14:5

Kua fatii e le Eteleno le tokotoko a le kau agaveli, Le laakau a le kau pule ;

Esaia 25:9

I le aso lena e pati loa : Ko leinei, ko lomatou Atua, leia e motou fanaki ki ai, Ti ko ia leia e fakamauli ia matou ; Ko le Eteleno leia e motou fanaki ki ai ; Ke tou nekenekea, ti ke tou fakafiafia i lana fakamauli !

Esaia 26:15

Ei Eteleno ! fakaliuliuga le kakai ! Fakaliuliuga le kakai, fakasa lou kololia ! Soloaki ki muli a koiga fuli o le fenua !

Esaia 35:10

Ko latou ala na totogi e le Eteleno e toe liliu loa, E lotou ano loa ki Sione mo ni sua o le malo, Ti e fakapala loa olatou ulu ki se fiafia lee gato ; E fakafeofi loa kia latou le fiafia mo le nekenekea, Kae e sosola loa le mamae mo tagi.

Esaia 35:2

E se apele loa a ia i se, ti e soposopo loa a ia i le fiafia, I ni sua fakafiafia, ti mo ni kalaga o le malo ; Ti e soli loa kiate ia le kololia o Lipane Ti mo le fulumalie o le Kalemelo mo Saloni. E lotou tio loa ki le kololia o le Eteleno, Mo le fulumalie o lotatou Atua.

Esaia 54:1

Ke ke fakafiafia, fafine paa, a koe leia e leaise koi fanaunau ! Ke ke fakasa lou nekenekea mo lou fiafia, a koe leia e leaise koi mamae lou ganea ! Talie ko vosa o leia na tiakina e toka api ake loa I vosa o le fafine leia na avaga, e pati le Eteleno.

Esaia 55:12

Io, e kotou mavae loa i le fiafia, Ti e takitaki loa koutou i le tokamalie ; E fakamapaa loa e mauga lalasi mo mauga liliki ni sua fakafiafia i okoutou mua, Ti e pasipasi loa a lima o laakau fuli o le vao.

Esaia 61:10

E kau fiafia lasi loa i le Eteleno, E nekenekea loa loku laumalie i loku Atua ; Talie kua fakakofu e ia au ki ni kofu o le fakamauli, Kua ufiufi e ia au ki le taupulupulu o le maokioki, Ofaipe se tama avaga e teu ki se pala, Ofaipe se taine avaga e teu ki ona kofu fakateuteu.

Esaia 61:7

Talie e fetogi loa lokoutou luma ki se vaega liuga lua ; E fetogi loa lokoutou mamae ki se fiafia i lokotou vaega ; Io, e kotou maua loa se vaega liuga lua i lokoutou fenua, Ti e lee gato loa lokoutou fiafia.

Esaia 65:14

Ko leinei, e sua loa aku tagata fakasausau i le fiafia o olatou loto ; Kae e kotou tagi loa i le mamae o lokoutou laumalie, Ti e kotou tagi laulau loa i le mamae okoutou loto.

Esaia 65:18

Kae ke kotou fakafiafia ti ke kotou nekenekea o lee gato, O tupu ko le nea leia ka kau fakatupu loa ; Talie ka kau fakatupu loa Selusalemi ki le nekenekea, Ti mo lona kakai ki le fiafia.

Esaia 66:10

Kotou fiafia mo Selusalemi, Kotou fai kiate ia le tupuaga o lolatou nekenekea, Koutou fuli ala e alofa kiate ia ; Kotou soposopo mo ia i le fiafia, Koutou fuli ala e mamae o tupu ko ia ;

Selemia 31:7

Talie e folafola le Eteleno, o pati : Kotou kalaga fakafiafia kia Sakopo, Kotou sua fakafiafia i mua o atu puleaga ! Kotou kalaga leo lasi, kotou sua ni fakafetai, ti kotou pati : Eteleno, fakamauli lou kakai, le toetoega o Iselaele !

Oseo 4:7

Na lotou liuliuga o toka api, kae na lotou toe asilisili agasala kiate au. Koia e kau fetogi ai loa lolatou kololia ki se luma.

Levitiko 26:13

Ko au ko le Eteleno, ko lokoutou Atua, leia na fakamavae ia koutou mei le fenua o Esipito, o tupu ke aua na kotou toe liliu o popula kia latou. Na kau motusi a tini o Esipito ala na sai ia koutou, ti na kau fakasaele ia koutou i le fia tagata.

Sakalia 10:8

E kau vekai ia loa latou ti e kau fakatasi loa latou, talie e kau totogi latou, Ti e lotou liuliuga loa ofaipe le temi mua.

Sakalia 2:11

I le aso lena e api loa a puleaga ala e pipiki loa ki le Eteleno, Ti e liliu loa ko loku kakai. E kau nofo loa i loto malie o ou, Ti e ke iloa loa na kakau mai au kiate koe e le Eteleno o kau tau.

Sakalia 8:23

Koia e folafola ai le Eteleno o kau tau, o pati : I aso ana, e too loa e ni tagata e tino agafulu mei masau kesekese fuli o atu puleaga se tagata Sutea e toka tasi i le tapatapa o lona kofu, o pati : E motou ano loa mo koe, talie kua motou iloa kua nofo le Atua mo koutou.

Luka 11:22

Kae, kapau e oso mai se tasi leia e makeke ake iate ia, o malo iate ia, e too e le tagata lena a masafu tau fuli ala na fanaki a ia ki ai, kae e tufa e ia ana nea.

Gaoi 8:8

Ti na i ai loa se fiafia lasi i le kolo lena.

Filipe 4:4

Kotou fiafia tuumau i le Aliki, e kau toe liuga atu a ia, kotou fiafia.

Uluaki tosi a Petelo 1:8

E kotou alofa kiate ia, kae e leikiaise kotou tio kiate ia. E kotou tui kiate ia kae e leikiaise kotou tio kiate ia i le temi nei. Koia e kotou fiafia ai i se fiafia fakakololia leia e leaise feala ke fakasa e ni masau,

Tuifakamaau 5:3

Sau, kotou fakalogo mai ! Kau aliki, kotou fakalogo mai okoutou taliga ! E kau sua loa, io, e kau sua loa ki le Eteleno, E kau sua loa ki le Eteleno, le Atua o Iselaele.

Tuifakamaau 7:22

I le temi katoa na pupusi ai loa a talai manu e le kau tagata e tino lelau tolu, na fai loa e le Eteleno i le nofolaga tau o Matiane ke fetauaki le kau Matiane o mamate. Na sola loa le toega o le kau Matiane o kaku ki Pete-Sita i le ala o Selela, ti toe kaku ki le kolo ko Apele-Meola, i tafa o Tapati.

Tuifakamaau 8:12

Na sosola loa Sepaki mo Salamuna ; na tuli loa laua e Seteone, ti na tapo loa e ia a sau e lua o Matiane ko Sepaki mo Salamuna, ti na veuki loa e ia le solia katoa.

Uluaki tosi a Samuele 30:16

Na taki loa e le tagata a Tavite o kaku ki le kau Amaleke. Ti ko leinei, kua mavetevete le kau Amaleke i le potu fenua lena, o kai, mo inu ti mo mako, o tupu ko le lasi o koloa leia kua lotou maua mei le fenua o le kau Filisitini mo le fenua o Suta.