Esaia 9:18 - Tosi Tapu

¹⁸ Io, e tutu loa e le sausau o le Eteleno o kau tau le fenua, Ti e fai loa le kakai pe se nea kai a le afi ; E leaise saofaki loa e se tasi lona taina.

Esaia 9:18 ပူးပေါင်းရင်းမြစ်များ

Uluaki tosi o Sau 16:21

Ti na mavae lua loa le kakai o Iselaele : na loto le vaelua o le kakai ke fakanofo Tipeni, vosa o Kinate, ti na loto le tasi ake vaelua kia Omeli.

Pesalemo 37:20

Kae e mamate le kau agaveli ; Ti ko fili o le Eteleno, ofaipe faisaga mutie fulumalilie, E lotou pupuli loa, e lotou pupuli loa ofaipe le afu.

Pesalemo 68:2

E tuu le Atua ki aluga, e mavetevete ona fili, Ti e sosola latou e vesia kiate ia i ona mua.

Pesalemo 83:14

Loku Atua ! Fakaliliu latou o tatau mo le sasataki, mo le mutie malo, leia e ave e le matagi,

Esaia 1:31

E fai loa le tagata makeke pe le taenato, Ti ko lana gaoi pe se masikai afi ; E la ulaula loa, leia mo leia fakatasi, Ti e leai loa se tasi ke tamate ia.

Esaia 1:7

Kua maumaui lokoutou fenua, Kua tutu okoutou kolo e le afi, Ko ni kakai kese ala kua kai ia a koloa o lokoutou fenua i okoutou mata, E lotou kaia a ia mo maumaui, ofaipe ni kau kaikivao.

Esaia 26:11

Eteleno, e mafimafi lou lima : Kae e leaise lotou tio ki ai. E lotou tio loa ki lou alofa ki le kakai, ti e lotou luma loa ; E tutu loa e le afi ou fili.

Esaia 27:4

Kua oki loku ita ; Kae kapau e tonu ke kau taui a vao veveli mo vao sukisuki, E kau taui loa latou, ti e kau tutu fakatasi loa latou i le afi.

Esaia 3:5

E fefakaveliveliaki loa le kakai ia latou ; E popula loa le tagata ki le tagata, ti e popula loa le tagata ki lona kaiga totonu. E fia nealasi loa le tama tupulaga ki le matua, Ti e fia nealasi loa le tagata noa ki le tagata mauiga.

Esaia 30:30

Ti e fakagugulu loa e le Eteleno lona leo fakaii, E fakaali loa e ia lona lima leia kua fakalogo ta, I le vevela o lona sausau, I loto malie o le ula o se afi kaka, Mo le lomaki, mo le afa, ti mo le ua fatu.

Esaia 30:33

Talie kua teuteui se mata afi talu mei fualoa ; Kua teuteui a ia ki le sau, kua fai a ia ke loloto mo lau lasi ; Kua fakatuuga i ai se fafie lasi mo se afi ; E tutu loa a ia e le tukumanava a le Eteleno, ofaipe se vaitafe sulifa.

Esaia 33:12

E liliu loa a kakai Ko ni umu lase Ko ni laakau talatala na tuuti O laku ki le afi ke ulaula i ai.

Esaia 33:14

Kua i le kau agasala i Sione, Kua maua e se lulu le kau agatuu ki le Atua : Ko ai leia ia tatou e mafai ke nofo i se afi kaka ? Ko ai leia ia tatou e mafai ke nofo i ni ulaula lee gato ?

Esaia 5:24

Koia e lotou fai loa pe se kalosii afi leia e susunu ia le lau malo, Pe se ula leia e kai ia o okioki le mutie malo, E popo loa olatou aka, Ti e pupuli loa olatou se ofaipe le efu ; O tupu na lotou tiaki le lao a le Eteleno o kau tau, Ti na lotou vesia ki le folafola a le Maokioki o Iselaele.

Esaia 50:11

Ko leinei, ko koutou fuli ala e tafu ia se afi, Ti e too ia ni taume ulaula, Kotou ano ki loto malie o lakoutou afi mo akoutou taume ulaula ! Ko loku lima leia e fakasoko ia loa a nea ana kia koutou ; E kotou momoe loa i le mamae.

Selemia 9:3

E lotou maua le alelo kita ofaipe se kalolo ti e lotou fana le loi ; E leaise lotou makeke i le fenua o tupu ko le maoki ; Talie e lotou ano mei le agaveli ki le agaveli, Ti e leaise lotou iloa au, e pati le Eteleno.

Oseo 13:3

Koia e lotou fai ai loa pe le kokofu o le usu, Pe le sasau leia e puli vave, Pe le penu leia e ave e le matagi i sasaaga fulumeto, Pe le afu leia e ulu mei se katupa.

Soele 2:20

E kau fakamamao loa ia koutou le fili o le noleto, E kau kapu loa a ia ki se kele malo mo toafa, E kau ti loa lona atu mua ki le tai mate, Mo lona atu muli ki le tai metitelanea. Ti e mafola loa lona pala, E malaga ake loa lona namuku i le aele, O tupu na fai e ia ni nea veveli lalasi.

Soele 2:3

E ano se afi kaka i ona mua ; Ti e muli iate ia se ula vevela ; Na fai le fenua i mua pe se oloto o Eteni, Kae talu mei ai, ko se toafa fakaii a ia : E leaise sao se nea iate ia !

Amosi 7:4

Na fakasa mai loa kiate au e le Aliki, le Eteleno, le tio leinei : Ko leinei, na fakasa e le Aliki, le Eteleno, le tautea ki le afi ; Ti na kai e le afi le vanu loloto, Ti na kai foki e ia le faisaga.

Apetiasi 1:18

E liliu loa le fale o Sakopo ko se afi, Ti ko le fale o Sosefo ko se ulai afi ; Kae e liliu loa le fale o Esau ko se tuuga penu, Leia e lotou tutu loa o okioki, Ti e leaise toe loa se nea i le fale o Esau, Talie kua masau le Eteleno.

Naume 1:10

Talie e fui loa latou ofaipe ni vao talatala, Ti e lotou konana loa i le vino, E tutu loa latou, Ofaipe le penui fulumeto malo, katoa.

Naume 1:6

Ko ai e tuu loa i mua o lona sausau ? Ko ai e tuu loa i mua o lona sausau lasi ? E mafola lona sausau ofaipe le afi, Ti e mafaafaa a utu i ona mua.

Malakia 4:1

Talie ko leinei, e au le aso, Kaka ofaipe se gutuumu. Ko le kau fia nea lasi fuli mo le kau agaveli fuli e fai loa pe le penu ; E tutu loa latou e le aso leia e au, E pati le Eteleno o kau tau. E leaise toe loa ia latou se aka pe ko se taulu.

Mateo 25:41

Ti oki, ti e pati loa a ia kia latou ala e tutuu loa i lona fetuu sema : Kotou fakamamao atu iate au, kau malaia ; kotou ano ki le afi lee gato leia na teuteui ki le Tiapolo mo ana aselo.

Tetelonome 32:22

Talie kua tutu le afi o loku sausau, Ti e mu loa a ia o kaku ki le tafito o le nofoaga o le kau mate ; E tutu loa e ia le kele mo ona nea fuli, E tutu loa e ia a tafito o mauga.

Epelo 6:8

kae kapau e fakatupu e ia ni malualoi mo ni laakau talatala, e leaise aoga a ia, ti e leaise tuvai lona fakamalaia ; ti e fakaoki loa a ia o tutu i le afi.

Apokalipisi 14:11

Ti e pale loa le afu o le afi leia e fakamamae ia latou o kaku ki sekulo mo sekulo ; ti e leaise tuku se malolo i se ao mo se po kia latou ala e su ki le manu fekai mo lona fakatata, ti mo leia e maua ia le fakamailoga o lona igoa.