Esaia 9:15 - Tosi Tapu

¹⁵ Ko le kau takitaki o le kakai leinei e fakasese ia a ia, Ti e puli noa latou ala e fakalogo.

Esaia 9:15 ပူးပေါင်းရင်းမြစ်များ

Uluaki tosi o Sau 13:18

Ti na pati loa le tagata kiate ia : Ko se polofeta foki au ofaipe koe ; ti na masau mai se aselo kiate au mei le Eteleno, o pati : Ano o aumai a ia mo koe ki lou fale, ti ke kai e ia se pane mo inu e ia se vai. Na loi a ia kiate ia.

Sopo 22:8

Kae na tuku le fenua ki leia e makeke, Ti na ke tuku leia e lasi ke nofo i ai.

Esaia 19:15

Ti e leaise toe mafai loa e Esipito se nea fua e tasi, Mei le ulu ki le siku, Mei le lau palemie ki le fa u.

Esaia 23:9

Ko le Eteleno o kau tau, leia na fai ia le fakapapau lena, Ke taai ai le fia nealasi o nea fuli ala e gigila, Ke tuku ai ki lalo le kau lalasi fuli o le malama nei.

Esaia 28:15

E kotou pati : kua motou fai se sai mo le mate, Kua motou fai se fakapapau mo le nofoaga o le kau mate ; Ka mapaa mai loa ki fafo le malaia, e leaise lave mai loa a ia kia matou ; Talie ko lomatou solaaga ko le kaka, ti ko lomatou mumuniaga ko le loi.

Esaia 28:17

E kau fai loa ki le loto sako se lekula, Ti mo le maokioki se nivo ; Ti e maumaui loa e le ua fatu le solaaga o le kaka, Ti e lofia loa i le vai le mumuniaga o le loi.

Esaia 28:7

Kae ko latou foki, kua lotou sisiga i le vino, Ti kua lotou ninimo o tupu ko kava makeke ; Kua sisiga a tagata faisakilifisio mo polofeta i kava makeke, Kua pule le vino kia latou ; Kua lotou maua ni ninimo o tupu ko kava makeke ; Kua lotou sisiga i le faikikite, Kua lotou matuletule i le fai fakamaau.

Esaia 29:10

Talie kua liligi e le Eteleno kia koutou se laumalie o le tulemoe ; Ti kua tapono e ia okoutou mata, kau polofeta, Ti kua puloui e ia okoutou ulu, kau faikikite.

Esaia 3:12

Kua fakamakekei loku kakai e ni toe, Ti kua pule ni fafine kiate ia. Ei loku kakai ! kua fakasese a koe e latou ala e taki ia a koe, Ti kua lotou fakaliliu o fakalialia le ala leia e ke saele ai.

Esaia 3:5

E fefakaveliveliaki loa le kakai ia latou ; E popula loa le tagata ki le tagata, ti e popula loa le tagata ki lona kaiga totonu. E fia nealasi loa le tama tupulaga ki le matua, Ti e fia nealasi loa le tagata noa ki le tagata mauiga.

Esaia 43:27

Na agasala lou uluaki tamana, Ti na agatuu kiate au ou fakafofoga.

Esaia 5:13

Koia e ave fakapunamauli loa loku kakai o fakapopula : E mamate loa ona kau lalasi i le fia kai, Ti e mamate loa lona kakai toka api i le fia inu.

Esaia 59:3

Talie e kelekele okoutou lima i le toto, Ti mo okoutou maikao i agaveli ; E masau loi okoutou laugutu, E puaki e okoutou alelo le veli.

Esaia 59:4

E leaise fai e se tasi se tagi i le maoki, E leaise fai e se tasi se fakamaau i le faitotonu ; E lotou fanaki ki nea noa, ti e lotou lau ni nea salasala ; E lotou fakakaukaui le veli, ti e lotou fanaui le agasala.

Selemia 23:32

Ko leinei, e pati le Eteleno, kau vesia kia latou ala e kikite ia ni moemiti loi, Ala e fakasese ia loku kakai Ki alatou loi mo alatou kaka ; Kae na leaise kau kakau fua latou, na leaise kau tuku fua kia latou se fakatotonu, Ti e leai solatou ga aoga fua ki le kakai leinei, e pati le Eteleno.

Selemia 23:9

Ki le kau polofeta. Kua fatifati loku loto iate au, Ti kua lulu oku ivi fuli. Kua kau faipe se tagata kona, Pe se tagata kua kona i se vino, O tupu ko le Eteleno, o tupu ko ana folafola maokioki.

Selemia 5:31

E faikikite le kau polofeta i le loi, Ti e kau fakatasi mo latou le kau faisakilifisio, o pule faifaitalisa, Ti e fiafia loku kakai i le nea lena. Kolea e kotou fai loa i le fakaoki ?

Tagi laulau a Selemia 2:14

Na fakasa e au polofeta kiate koe ni folafola loi mo kaka ; Na leaise lotou fakasa lau agaveli, O tupu ke tulei kese iate koe le popula ; Na lotou tuku atu kiate koe ni folafola loi mo kaka.

Esekiele 13:19

E kotou fakanoai au i mua o loku kakai, Ki ni ga lukuga falina mo ni ga potu pane, O kotou tamate ni laumalie ala e leaise tonu ke mate, Kae kotou fakamauli ni laumalie ala e leaise tonu ke mauli, O kotou kakaai ai loku kakai, leia e fakalogo ki le loi.

Esekiele 13:22

O tupu e kotou fakamamae le loto o le tagata agatonu ki ni loi, Leia na leaise kau fakamamaei, Ti e tupu e kotou fakamakeke a lima o le tagata agaveli Ke aua na mavae a ia i lona ala veli ke mauli ai,

Oseo 9:8

Ko Efalaimi ko se tagata leo ki loku Atua ; Ko le polofeta… ko se kupega a le tagata kapu manulele e tuu i ona ala fuli. Ko se fili i le fale o lona Atua.

Amosi 2:4

E folafola ai le Eteleno, o pati : O tupu ko agaveli e tolu a Suta, E fa foki, e leaise kau toe fetogi laku fakatotonu, Talie na lotou maumaui le lao a le Eteleno, Ti na leaise lotou taupau ana fakatotonu, Talie na fakasese latou e taulaatua loi Ala na atolasio ki ai olatou tamana.

Mikea 3:5

Koia e folafola ai le Eteleno ki le kau polofeta ala e fakasese ia loku kakai, Ala e fakasa ia le tokamalie mo kapau e maua e olatou nifo se nea ke uuti, Ala e fakasa ia le tau mo kapau e leaise soli ake se nea ki olatou gutu :

Malakia 2:9

Ti ko au, e kau fakaliliu loa koutou ko ni nea noa mo fakalialia Ki mata o le kakai katoa, Talie na leaise kotou taupau oku ala, Ti na kotou tio ki mata o tagata Mo ka kotou too le lao.

Mateo 24:24

Talie e mafuta loa ni kilisito loi mo ni polofeta loi ; ti e lotou fai loa ni nea fakamanamana lalasi mo ni milakulo ke fakasesei ai, mo ka na feala, latou foki ala kua filifili.

Mateo 7:15

Kotou tokaga ki le kau polofeta kaka. E lotou au kia koutou kua kofu ofaipe ni ovi, kae i loto ko ni lupo fekai latou.

Uluaki tosi a Soane 4:1

Alofaaga, aua na kotou tui ki laumalie fuli ; kae kotou asiasii latou, ke iloa pe lotou au mei le Atua, talie kua api le kau polofeta loi kua taka i le malama nei.

Apokalipisi 19:20

Ti na fakapilisoni loa le manu fekai, mo le polofeta loi, leia na fai ia i mua o le manu a nea fakaofolele ala na sese ai latou ala na maua ia le fakamailoga o le manu fekai ti na su ki lona fakatata. Ti na ti mauli loa laua toka lua ki le moana kaka o le afi mo le sulifa.

Uluaki tosi a Samuele 9:6

Na pati loa le tagata fakasausau kia Saulo : Ko leinei, e nofo i le kolo leinei se tagata a le Atua, ti ko se tagata logologona a ia ; e soko a nea fuli ala e pati a ia ki ai. Ta ano loa kiate ia, e lagi fakasa mai loa e ia kia taua le ala leia e tonu ke ta too ia.