Esaia 9:12 - Tosi Tapu

¹² Talie e leaise toe liliu mai le kakai ki leia e taai ia a ia, Ti e leaise afa e ia le Eteleno o kau tau.

Esaia 9:12 ပူးပေါင်းရင်းမြစ်များ

Lua tosi o Sau 16:6

I le temi lena, na too loa e Letisini, sau o Silia, le kolo o Elati ; na kapu loa e ia i ai le kau Sutea, ti na nonofo loa le kau Silia i ai o kaku mai ki le aso nei.

Lua tosi o Koloniko 28:18

Na fai loa e le kau Filisitini se ulu tau ki kolo i le laumalie mo le potu saute o Suta ; na lotou too loa Pete-Semesi, mo Asaloni, mo Keteloti, mo Soko mo kolo ala na fakalogo ki ai, mo Timena mo kolo ala na fakalogo ki ai, mo Kimeso mo kolo ala na fakalogo ki ai, ti na lotou nonofo loa i ai.

Pesalemo 79:7

Talie na lotou kai Sakopo o oki, ti na maumaui lona nofoaga.

Esaia 10:4

E tulolo loa ni iki i loto malie o le kau popula, Ti e vivilo loa ni iki i lotolotoga o le kau mate. Kae logo ai a nea fuli ana, e leaise malu le sausau o le Eteleno, Kae koi falo aifai lona lima.

Esaia 11:14

E la lele fakatasi loa ki mauga liliki o le kau Filisitini i le potu uesite, Ti e la maumaui loa mo kaia loa a koloa o vosa o le potu esite ; Ko Etome mo Moape ko le nea kai o ona lima ; Ti e fakalogo loa a vosa o Amone kia laua.

Esaia 31:1

Malaia kia latou ala e ifo ki Esipito o afa se tokoi i ai, Latou ala e fanaki ki ni osi, Ti e tui ki le lasi o saliote mo le makeke o le kau solia ekeosi, Kae e leaise lotou tio ki le Sagato o Iselaele, Ti e leaise lotou afa le Eteleno !

Esaia 5:25

Koia kua vilo ai le sausau o le Eteleno ki lona kakai, Kua falo ai lona lima kiate ia, o taai a ia. Kua lulu a mauga ; Ti kua fai a mate pe ni penu i loto malie o ala. Kae logo ai a nea fuli ana, e leaise malu lona sausau, Ti e koi falo lona lima.

Esaia 9:17

Talie e kaikai le agaveli ofaipe le afi, Leia e tutu ia a uluvao gaoa mo talatala ; E tutu e ia le vaomatua matotolu, leia e mafuta ai ni afu matotolu.

Selemia 10:25

Liligi lou sausau ki atu puleaga ala e leaise iloa ia a koe, Ti mo kakai ala e leaise fetapa ki lou suafa ! Talie e lotou kai Sakopo, e lotou kai a ia, e lotou tutu a ia ke okioki, E lotou maumaui lona nofoaga.

Selemia 15:7

E kau fute latou ki le matagi i matapa o le fenua ; E kau too alatou fanau, ti e kau maumaui loku kakai, Leia na leaise tafoki mei ona ala.

Selemia 35:11

I le temi leia na pale mai ai Nepukatenesale, sau o Papilone, o taui le fenua leinei, na motou pati : Tou ano, tou mavae o ano ki Selusalemi, o mamao mei le solia a le kau Kaletea, mo le solia a le kau Silia. Ko le tupuaga lena o lomatou nonofo i Selusalemi nei.

Selemia 4:8

Koia ke kotou tui ni taga, ke kotou tagi ti ke kotou tagi laulau, Talie e leaise toe maliu loa le sausau kaka o le Eteleno ia tatou.

Esekiele 16:27

Ti ko leinei, kua kau siki loku lima kiate koe, ti kua kau fakaikiiki le vaega leia na kau fakatuutuu kiate koe, ti kua kau tuku a koe ke faitalisa ki ai ou fili, a taineliki o le kau Filisitini, ala na luma ki au agatukipo.

Esekiele 6:14

E kau siki loa loku lima kia latou, Ti e kau fakaliliu loa le fenua ke toe lavaki ake mo malo ake I le toafa o Tipela, I ganea fuli ala e lotou nonofo ai. Ti e lotou iloa loa ko au ko le Eteleno.

Oseo 7:10

E fakamaoki le fia nealasi o Iselaele kiate ia ; E leaise lotou toe liliu mai ki le Eteleno, lolatou Atua, Ti e leaise lotou afa a ia, logo ai a nea fuli ana.

Amosi 4:10

Na kau kakau ki loto malie o koutou le taumasaki veli leia na maua i Esipito ; Na kau tamate okoutou tagata tupulaga ki le seleta, Ti na kau tuku ke too akoutou osi ; Na kau fakasauga okoutou pogoiisu ki le namuku o okoutou nofolaga solia. Kae logo ai le nea lena, na leaise kotou toe liliu mai kiate au, e pati le Eteleno.

Amosi 4:11

Na kau fakamaveuveu a nea fuli ia koutou Ofaipe Sotoma mo Komola, ala na maumaui e le Atua ; Ti na kotou faipe se ga ugaafi leia na too i le vela. Kae logo ai le nea lena, na leaise kotou toe liliu mai kiate au, e pati le Eteleno…

Amosi 4:6

Ti ko au, na kau kakau atu kia koutou le oge ki okoutou kolo fuli, Le oge i le nea kai ki okoutou nofoaga fuli. Kae logo ai le nea lena, e leaise kotou toe liliu mai kiate au, e pati le Eteleno.

Amosi 4:8

Na ano ni kolo e lua, e tolu foki, ki se tasi ake a kolo o inu i ai se ga vai, Kae na leaise lotou mau foki. Kae logo ai le nea lena, na leaise kotou toe liliu mai kiate au, e pati le Eteleno.

Amosi 4:9

Na kau tautea koutou ki le mamate mo le masunu ; Na kai e seseivaka Okoutou oloto mauke, mo okoutou vite, mo okoutou fiki, mo okoutou oliveto. Kae logo ai le nea lena, na leaise kotou toe liliu mai kiate au, e pati le Eteleno.

Sofoni 1:6

Mo latou ala na maliu kese i le Eteleno, Ti mo latou ala e leaise afa ia le Eteleno, Latou ala e leaise afa ia lona finegalo.

Sofoni 3:2

E leaise logo fua a ia ki se leo, E leaise tali fua e ia se valoki, E leaise fanaki a ia ki le Eteleno, E leaise fakafeofi a ia ki lona Atua.

Tetelonome 31:17

I le aso lena, e mu loa loku sausau kiate ia. E kau tiaki loa latou, ti e kau tapono loa oku mata kia latou. E kai loa a ia e atu puleaga, ti e soko loa kiate ia ni malaia lasi mo ni mamae veli. E pati loa a ia : Kua soko malaia anei kiate au talie e leaise nofo loku Atua mo au.