Esaia 8:8 - Tosi Tapu

⁸ E ulu loa a ia ki Suta, e tafe loa a ia ki tafa, o fakalofia a nea fuli, Ti e kaku loa a ia ki le ua. E folasi loa e ia ona kapakau O fakaapele lou fenua katoa, ei Emanuele !

Esaia 8:8 ပူးပေါင်းရင်းမြစ်များ

Lua tosi o Sau 17:3

Na pale ake loa Salemanasale, sau o Asilia, o taui a ia ; ti na popula loa Ose kiate ia, o totogi loa se tukusau ki le sau o Asilia.

Lua tosi o Koloniko 12:4

Na too loa e ia a kolo tau o Suta ti na pale loa a ia o kaku ki Selusalemi.

Esaia 10:6

Na kau tuku a ia ke oso ki se puleaga agaveli, Na kau tuku a ia ke saele ki le kakai a laku sausau, Ke maumau mo kaia ona koloa, Ti ke takatakafi a ia ofaipe le pela o ala.

Esaia 30:28

E fai lana tukumanava pe se vaitafe kua puke o kaku ki le ua, Ke ti ki aluga a atu puleaga ki le foe o le malaia, Pe se fakagutu kaka I kauvae o atu puleaga.

Esaia 43:2

Kapau e ke ano i atu vai, e kau nofo loa mo koe ; Ti kapau e ke ano i ni vaitafe lalasi, e leaise ke ogo loa ; Kapau e ke saele i le afi, e leaise ke vela loa, Ti e leaise tutu loa a koe e le ula.

Esaia 7:14

Koia e tuku atu loa e le Aliki totonu kia koutou se fakamailoga ; Ko leinei, e tinae loa le taupoou, ti e fanaui loa e ia se tama, Ti e soli loa e ia kiate ia le igoa ko Emanuele.

Esaia 7:17

E kakau mai loa e le Eteleno kiate koe, Mo lou kakai ti mo le fale o lou tamana, Ni aso ala e leikiaise maua ni ona tatau, Talu mei le mavae a Efalaimi ia Suta, (Le sau o Asilia).

Esaia 8:10

Kotou fai ni fakatuutuu, ti e lotou ano noa loa ; Kotou tuku ni fakatotonu, ti e leaise lotou aoga loa : Talie e kau le Atua mo matou.

Selemia 47:2

E folafola le Eteleno, o pati : Ko leinei, e malaga mai ni atu vai lalasi i le potu noleto, Ofaipe se liua kua puke ; E lotou fakalomaki le fenua mo nea fuli i ai, A kolo mo olatou kakai. Kua fai e tagata tagi ; Kua tagi laulau a kakai fuli o le fenua,

Selemia 48:40

Talie folafola le Eteleno, o pati : Ko leinei, e lele a ia ofaipe se akuila, Ti e folasi e ia ona kapakau ki Moape.

Selemia 51:42

Kua ake le tai ki Papilone : Kua ufiufi Papilone e ni galu lalasi.

Esekiele 17:3

E ke pati loa : E folafola le Aliki, le Eteleno, o pati : Na au loa i Lipane se akuila lasi, na kapakau lalasi mo loloa, ti na apele i fulu na lanu kesekese, ti na fatii loa e ia le tumutumu o se sete.

Esekiele 26:19

Talie e folafola le Aliki, le Eteleno, o pati : Ka kau fakaliliu ai loa a koe ko se kolo lavaki, Ofaipe kolo ala e leaise maua ia ni kakai, Ka kau aumai ai loa kiate koe le moana loloto, Ti e uufi loa a koe e atu vai lalasi,

Taniela 11:10

Ko vosa o le sau o le potu noleto e teuteu ia loa se tau. E lotou tanaki loa ni kau tau lasi. E ano loa se tasi o vosa ke tau mo lana kau tau. Ti e lotou mafola loa ofaipe se vaitafe leia kua puke. Kae i lana toe liliu ki lona fenua, e soko atu loa e ia le tau o kaku ki le kolo tau o le sau o le saute.

Mikea 1:9

Talie e mamae lona lavea, E mafola a ia o kaku ki Suta, E ulu a ia o kaku ki le matapa o loku kakai, O kaku ki Selusalemi.

Mikea 5:5

E lotou fai loa ki alatou seleta lalatou nea kai ki le fenua o Asilia, Ti mo le fenua o Nimelote i loto o ona matapa. E saofaki loa e ia tatou i le tagata Asilia i ai, Mo ka au loa a ia ki lotatou fenua, Ti mo ka ulu loa a ia ki lotatou kele.

Mateo 1:23

Ko leinei, e tinae loa le taupoou, e fanaui loa e ia se vosa, ti e soli loa kiate ia le igoa ko Emanuele, ko lona uiga ko le Atua mo tatou.