Esaia 8:20 - Tosi Tapu

²⁰ Afa ki le Lao mo le fakamaoki ! Kapau e leaise masau felaaki, Ti e leai loa se mafoata ki le kakai.

Esaia 8:20 ပူးပေါင်းရင်းမြစ်များ

Esetalasi 10:3

Ke tou fai i le aso nei se sai mo lotatou Atua ke kakau a fafine pagani fuli mo alatou fanau, o mulimuli ki le manatu a loku aliki mo latou fuli ala e lulu i mua o folafola a lotatou Atua. Ti ke fai o mulimuli ki le lao.

Pesalemo 119:130

Ko le matala ki au folafola e tuku ia le malama, E tuku e ia le atamai ki le kau agamalu.

Pesalemo 78:5

Na fakatuu e ia se fakamaoki ia Sakopo, Na tuku e ia se lao i Iselaele, Ti na fakatotonu e ia ki omatou tamana ke ako a ia ki alatou fanau,

Taagapati 4:18

Ko le ala o le kau agatonu e faipe le malama gigila, Leia e asilisili gigila lona malama o kaku ki le loto malie o le aso.

Esaia 1:10

Pule o Sotoma, kotou fakalogo mai ki le folafola a le Eteleno ! Kakai o Komola, fakalogo mai lou taliga ki le lao o lomatou Atua !

Esaia 8:16

Kofukofu le fakamaoki leinei, Fakamaumau le levelasio leinei iate koe, ke gato i aku tisipulo.

Esaia 8:22

Ti e toe tio loa a ia ki le kele, Ti ko leinei, ko le mamae, mo le fakapouli, mo tuania fakaii : E tuku loa a ia ki se fakapouli matotolu.

Selemia 6:16

E folafola le Eteleno, o pati : Kotou tutuu i ala, o tio, Ti kotou vesili pe kofea a ala afea, Pe kofea le ala malie ; kotou saele i ai, Ti e kotou maua loa le malolo o okoutou laumalie ! Kae e lotou tali : E leaise motou saele loa i ai.

Selemia 8:9

Kua luma le kau poto, Kua lotou sevaia, kua tapo latou e le masele. Ko leinei, na lotou tiaki le folafola a le Eteleno, Ti ko le poto fea leia e lotou maua ?

Oseo 6:3

Tou iloa, tou afa ke iloa le Eteleno ; Ko lana au e maoki ofaipe le au o le mafoata. E au loa a ia kia tatou ofaipe le ua, Ofaipe le ua o le temi mafana leia e fakavai ia le kele.

Mikea 3:6

O tupu ko le nea lena, e kotou maua loa le pouli…, ti e leaise kotou toe maua loa se tio ! E kotou maua loa le fakapouli… kae leai ni folafola mei le Atua ! E to loa le laa ki polofeta ana, E fakapouli loa le malama o le ao kia latou.

Malakia 4:2

Kae kia koutou ala e i ki loku suafa, e sopo loa Le laa o le faitotonu, Ti e nofo loa le mauli i lalo o ona kapakau. E kotou mavae loa, ti e kotou soposopo loa ofaipe ni uviki pipi o se fale manu,

Mateo 22:29

Na tali loa Sesu kia latou : E kotou nofo i le faisala, talie e leaise kotou matala fua ki le tosi ti mo le mafimafi o le Atua.

Mateo 6:23

kae kapau e veli lou fa mata, e fakapouli loa lou tino katoa. Kapau loa ko le malama leia e maua iate koe e fakapouli, e feaki loa le lasi o le fakapouli lena !

Maleko 10:3

Na tali loa Sesu kia latou : Kolea na fakatotonu atu e Moisese kia koutou ?

Luka 10:26

Na pati loa Sesu kiate ia : Kolea le nea e tuu i le lao ? Kolea e ke lau i ai ?

Soane 5:39

E kotou sufe le Tosi tapu talie e kotou manatu e kotou maua i ai le mauli lee gato. Ko le Tosi tapu leia e fakamaoki kiate au.

Gaoi 17:11

Ti na loto malie ake le kau Sutea lena ia latou ala o Tesalonika ; ti na lotou tali loa le folafola i se loto oli, o lotou afa i le Tosi tapu i aso taki tasi, ke iloa le maoki o nea ala e fakasa ake kia latou.

Loma 1:22

I lalatou pati e lotou poto, kua lotou liliu o valea ;

Lua tosi a Petelo 1:19

Ti e motou fakamaoki ki le folafola kikite, leia e tonu ke kotou tokaga lasi ki ai, ofaipe se malama leia e mu i se ganea fakapouli, o kaku ki le mafoa mai o le ao, ti ke sopo le fetuu ao i okoutou loto.

Lua tosi a Petelo 1:9

Kae ko leia e leaise nofo ai a nea ana e kivi a ia, e leaise tio mamao a ia, ti kua galoi e ia le fakamea o ana agasala afea.