Esaia 8:19 - Tosi Tapu

¹⁹ Kapau e pati atu kia koutou : Kotou afa kia latou ala e felogoi mo le kau mate ti mo latou ala e kikite ia le apogipogi, Ala e fai ia ni mapu mo ni mumusu. Kotou tali : Pe leaise totonu koia ke afa e le kakai ki lona Atua ? Pe totonu koia ke afa ki le kau mate kae tiaki leia e mauli ?

Esaia 8:19 ပူးပေါင်းရင်းမြစ်များ

Senesi 41:24

Ti na folo loa e taulu fulumeto paao a taulu fulumeto fulumalilie e fitu. Ko lena laku moe miti ; kua oki i laku fakamatala ki le kau fai nea fakatalatupua, kae na leaise soli mai e se tasi lona fakamatala kiate au.

Lua tosi o Sau 1:3

Kae na pati loa le aselo o le Eteleno kia Elia, tagata Tisipe : Tuu ki aluga, ti ke ano o fakafetaulaki ki tagata avelogo a le sau o Samalia, ti ke pati kia latou : Pe leaise Atua i Iselaele, leia e kotou ano ai o afa kia Paale-Sepu, atua o Ekeloni ?

Lua tosi o Sau 21:6

Na momoli loa e ia lona vosa i le afi ; na sivi loa e ia a ao mo gata ke iloa ai a nea ka soko, ti na fakanofo loa e ia ni kakai ala e masau ki laumalie o kau mate ti e kikite ia a nea ala ka soko. Na asilisili fai loa e ia le nea leia e veli ki mata o le Eteleno, ke fakatupu ai lona ita.

Lua tosi o Sau 23:24

Ti na fakapuli foki e Sosiasi latou fuli ala na masau ki laumalie veli, mo latou ala na fai kikite, mo fakatata, mo taulaatua, ti mo nea fakalialia fuli ala na maua i le fenua o Suta mo Selusalemi, o tupu ke fakasoko ai a folafola o le lao, ala na tuu i le tosi leia na maua e le tagata faisakilifisio ko Ilekisa, i le fale o le Eteleno.

Uluaki tosi o Koloniko 10:13

Na mate loa Saulo, o tupu na agasala loa a ia ki le Eteleno, ti na leaise fakalogo loa a ia ki lana folafola, ti na afa loa e ia latou ala e masau ki le kau mate.

Lua tosi o Koloniko 33:6

Na momoli loa e ia ona vosa i le afi, i le vaivailiua o vosa o Inome ; na tioi loa e ia a ao mo gata ke iloa ai le nea e tonu ke fai ; na fai nea fakatemonio loa a ia, na fakanofo loa e ia ni kakai ala na felogoi mo le kau mate ti na kikite e ia le temi ka au. Na toe asilisili fai loa e ia a nea ala e veveli ki mata o le Eteleno, ke tupu ai le sausau a le Eteleno.

Pesalemo 106:28

Na lotou pipiki loa kia Paale-Peoli, Ti na lotou kai loa ki ni vikitima na momoli ki le kau mate.

Esaia 19:3

E puli loa le laumalie o Esipito i loto malie o ona, Ti e kau maumaui loa lana fakakaukau. E oso loa a ia ki taulaatua, mo le kau fai nea fakatemonio, Mo latou ala e afa ki le kau mate, ti mo latou ala e faikikite ki le apogipogi.

Esaia 26:14

Ko latou ala kua mamate e leaise toe mauli loa, E leaise toe tutuu ake loa ki aluga ni ata ; Talie na ke tautea latou, na ke tamate latou, Ti na ke maumaui a fakamanatu fuli.

Esaia 29:4

E tuku loa a koe ki lalo, ti e ke masau loa mei le kele ; Ti e taomia loa lou leo i le efu ; E ulu loa lou leo mei le kele ofaipe se leo o se tuuola, Ti e ke fakamumusu loa au masau mei le efu.

Esaia 30:2

Ala e ifo ki Esipito kae na leaise afa mai kiate au, O afa se makeke i tafa o Falaone, O afa se mumuniaga i le malu o Esipito !

Esaia 45:11

Ko leinei le folafola a le Eteleno, le Sagato o Iselaele, leia na fakatupu ia a ia : Pe kotou loto ke fakavesilii au o uiga mo le temi ka au, Ke tuku mai kiate au ni fakatotonu o uiga mo aku fanau, ti mo le gaoiaga o oku lima ?

Esaia 47:12

Soko atu lau fai au fakalaulaakau Ti mo au faitoo fakatemonio, Ala na ke gaoi pakia ki ai mei lou ikiiki ; E lagi feala loa ke ke maua ia latou se nea, E lagi feala loa ke ke makeke ai.

Esaia 47:13

Kua ke pakia i le ano kia latou ala e sivi ia le lagi mo temi ! Ke lotou tutuu ake ki aluga ti ke lotou fakamauli a koe, Latou ala e iloa ia le lagi, Latou ala sivisivi ia a fetuu, Latou ala e kikite ia le nea leia ka soko o mulimuli ki masina foou, Le nea leia ka soko kiate koe !

Selemia 10:10

Kae ko le Eteleno ko le Atua maoki, Ko ia ko se Atua mauli ti ko se sau lee gato ; E galulu le malama nei i mua o lona sausau, Ti e leaise ma tatali e atu puleaga lona sausau.

Selemia 27:9

Ti ko koutou, aua na kotou fakalogo ki okoutou polofeta, mo okoutou kau kikite, mo okoutou kau moe miti, mo latou e sivi ia le lagi, ti mo latou ala fai nea fakatalatupua, ala e pati atu kia koutou : E leaise kotou tausi loa ki le sau o Papilone !

Levitiko 19:31

Aua na kotou maliu loa kia latou ala e masau ki laumalie o le kau mate, pe ko le kau kikite ; aua na kotou afa loa latou, talie na kotou kelekele loa mo latou. Ko au ko le Eteleno, ko lokoutou Atua.

Levitiko 20:6

Kapau e masau se tagata ki le kau mate mo laumalie veli, o faiaga mo latou, e kau tagaki loa oku mata ki le tagata lena, ti e kau tuuti loa a ia mei lona kakai.

Mikea 5:12

E kau motusi loa i loto malie o ou ou taulaatua mo ou fakatata, Ti e leaise ke toe tulolo loa i mua o le nea leia na fau e ou lima ;

Gaoi 16:16

I lamatou ano ki le ganea faikole, na au loa o fakafetaulaki mai kia matou se taine fakasausau leia na nofo ai se temonio faikikite, ti na lasi ai a koloa na maua e ona pule iate ia, i lana faikikite loi.

Tetelonome 18:10

Ke aua na maua iate koe se tasi leia e fakalaka ia lona vosa pe ko lona taine i le afi, se tasi leia e fai kikite, se tasi leia e fai nea fakaofolele loi, se tasi leia e fai nea fakatemonio,

Tetelonome 18:11

se tasi leia e fai tutuku, se tasi leia e afa ki laumalie veli ti mo fakasa ia le nea leia ka soko, se tasi leia e fai vesili ki le kau mate.

Uluaki tosi ki le kau Tesalonika 1:9

Talie e fakamatala, o uiga mo matou, pe na feaki lakotou tali matou ti mo lakotou tafoki ki le Atua, o tiaki a taulaatua, kae ke tausi le Atua mauli mo maoki,

Lua tosi a Petelo 2:1

Na i ai foki ni kau polofeta loi i le kakai, ti e toe i ai loa ia koutou ni toketa loi, ala e fakauluulu fakafufu ia loa ni magai lotu fakamalaia, ti i lalatou fakafiti ki le pule leia na totogi ia latou, e lotou aumai loa kia latou se maumau fakapunamauli.

Uluaki tosi a Samuele 28:11

Na pati loa le fafine : Ko ai leia e ke loto ke kau aga o fakapale mai ? Ti na tali loa a ia : Fakapale mai kiate au a Samuele.

Uluaki tosi a Samuele 28:16

Na pati loa Samuele : Kolea e ke au ai o afa mai kiate au, mo kapau kua mavae le Eteleno meiate koe ti kua fili a ia kiate koe ?

Uluaki tosi a Samuele 28:7

Ti na pati loa Saulo ki ana tagata fakasausau : Kotou afa mai se fafine e felogoi mo le kau mate, ti e kau ano loa o afa le finegalo o le Atua kiate ia. Na pati loa na tagata fakasausau kiate ia : E i ai se fafine i Ene-Toli e felogoi mo le kau mate.

Uluaki tosi a Samuele 28:8

Na tui loa e Saulo ni iki ake a teu, ke aua na iloa a ia, ti na ano loa a ia mo ni tagata e toka lua. Na lotou kaku pouli loa ki le fale o le fafine. Na pati loa Saulo : Fakasasa mai le nea leia ka soko loa, o ke afa a ia ki se tasi leia kua mate ; ti ke fai ke pale mai kiate au leia ka kau pati atu loa ki ai.