Esaia 8:17 - Tosi Tapu

¹⁷ E kau amanaki malie ki le Eteleno, Leia kua tapono ia ona mata ki le fale o Sakopo ; E kau tuku laku fanaki kiate ia.

Esaia 8:17 ပူးပေါင်းရင်းမြစ်များ

Senesi 49:18

E kau fanaki ki le Eteleno, ko loku tokoi !

Sopo 13:24

Kolea leia e ke fufu ai ou mata, Ti e ke too ai au ko lou fili ?

Sopo 14:14

Ka na feala ke toe mauli le tagata leia kua mate, E kau maua loa le amanaki malie i le temi katoa o oku mamae, O kaku ki le temi e fetogi ai loa loku anoaga.

Sopo 35:14

Logo ai e ke pati e leaise ke tio kiate ia, E tuku lau tagi i ona mua : talitali kiate ia !

Pesalemo 130:5

E kau amanaki malie ki le Eteleno, e amanaki malie loku laumalie, Ti e kau talitali ki lana fakapapau.

Pesalemo 27:14

Ke ke amanaki malie ki le Eteleno ! Ke ke fakamakeke, ti ke fakamakeke lou loto ! Ke ke amanaki malie ki le Eteleno !

Pesalemo 33:20

E amanaki malie omatou laumalie ki le Eteleno : Ko lomatou tokoi a ia, ti mo lomatou paletau.

Pesalemo 37:34

Ke ke amanaki malie ki le Eteleno, ti ke ke tausi lona ala, Ti e siki loa e ia a koe o tupu ke ke maua le fenua ; E ke tio loa e motusi le kau agaveli.

Pesalemo 39:7

Io, e evaeva le tagata ofaipe se malu, E taugaoi noa a ia ; E tanaki e ia, kae e leaise iloa e ia pe ko ai e maua ia loa.

Pesalemo 40:1

Ki le pule o le kau sua. A Tavite. Pesalemo.

Esaia 1:15

Ka kotou falo mai okoutou lima, e kau fulusi kese oku mata ia koutou ; Ka kotou liuliuga a faikole, e leaise kau fakalogo atu kia koutou : E apele okoutou lima i le toto.

Esaia 25:9

I le aso lena e pati loa : Ko leinei, ko lomatou Atua, leia e motou fanaki ki ai, Ti ko ia leia e fakamauli ia matou ; Ko le Eteleno leia e motou fanaki ki ai ; Ke tou nekenekea, ti ke tou fakafiafia i lana fakamauli !

Esaia 26:8

Koia kua motou talitali ai kiate koe, ei Eteleno ! i le ala o au fakamaauaga ; E oli lomatou laumalie ki lou suafa, ti mo lou tukualofa.

Esaia 30:18

Koia e oli le Eteleno ke soli atu kia koutou lona kalasia, Ti e tuu loa a ia ki aluga o soli atu kia koutou lona manava alofa ; Talie ko le Eteleno ko se Atua faitotonu : Manuia latou fuli ala e amanaki malie kiate ia !

Esaia 33:2

Eteleno, alofa mai kia matou ! E motou amanaki malie kiate koe. Ke ke liliu ko lomatou tokoi i usu fuli, Ti mo lomatou fakamauli i le temi o le mamae !

Esaia 45:15

Kae ko se Atua a koe leia e mumuni, Atua o Iselaele, le fakamauli !

Esaia 50:10

Ko ai ia koutou e i ki le Eteleno, Ke fakalogo a ia ki le leo o lana tagata fakasausau ! Ko leia e saele i le fakapouli ti e sala malama, Ke fanaki a ia ki le suafa o le Eteleno, Ti ke pipiki a ia ki lona Atua !

Esaia 54:8

I se ga temi ikiiki o le ita, na kau fufu oku mata iate koe, Kae i se alofa lee gato e kau aloalo malie loa kiate koe, E pati le Eteleno, leia na totogi ia a koe.

Esaia 57:17

O tupu ko lona manumanu agasala, na kau ita ti na kau taai a ia ; Na kau mumuni i loku mamae ; Ti na muli le tagata agatuu i le ala o lona loto.

Esaia 59:2

Kae ko akoutou agatuu ala e fakatuu ia se paa ia koutou mo lokoutou Atua ; Ko akoutou agasala ala e fufu ia ona mata kia koutou, Ti e tapono ia a ia ke fakalogo kia koutou.

Esaia 64:4

E ke ano ki mua o leia e fai ia le faitotonu i le fiafia, Ki mua o latou ala e saele i ou ala ti e manatu kiate koe. Kae na ke ita, o tupu na motou agasala ; Ti e motou mamae i ai o fualoa o kaku ki le aso e fakamauli ai loa matou.

Esaia 64:6

E leaise tasi leia e fetapa ki lou suafa, Leia e ala ake i le usu o pipiki kiate koe : Koia na ke fufu ai ou mata kia matou, Ti na ke tuku ai matou ke mamate i amatou agasala.

Esaia 64:7

Kae, ei Eteleno, ko koe ko lomatou tamana ; Ko matou ko le kele kula, ti ko koe leia na fau ia matou, Ko matou fuli ko le gaoiaga o ou lima.

Selemia 33:5

I le aso leia e kotou ano ai loa o tau ki le kau Kaletea, Ti e lotou apele ai loa i mate o tagata, Ti e kau tamate ai loa i loku sausau mo loku ita lasi ; Ti e kau fufu loa oku mata ki le kakai o Selusalemi, O tupu ko le lasi o lana agaveli.

Oseo 12:6

Ko le Eteleno ko le Atua o kau tau ; Ko lona suafa ko le Eteleno.

Mikea 3:4

Ti e lotou kalaga loa ki le Eteleno, Kae e leaise tali loa a ia kia latou ; E fufu loa e ia kia latou ona mata i le temi lena, Talie na lotou fai ni gaoi veveli.

Mikea 7:7

Kiate au, e kau maliu loa ki le Eteleno, E kau tuku loa laku amanaki malie ki le Atua o loku fakamauli ; E tali loa loku Atua ki aku kole.

Apakuki 2:3

Talie ko se folafola kikite leia kua oki lona temi i le fakatuutuu, E saele a ia ki lona fakasoko, ti e leaise loi loa a ia ; Kapau e tuvai a ia, talitali ki ai, Talie e soko loa a ia, E soko maoki loa a ia.

Luka 2:38

I lana kaku totonu mai i le ola lena, na fakafetai a ia ki le Atua, ti na masau a ia kia Sesu kia latou fuli ala na talitali ki le saofaki o Selusalemi.

Luka 24:27

Ti na kamata loa a ia meia Moisese ti mo le kau polofeta fuli, o fakamatala kia laua i le Tositapu katoa a nea o uiga mo ia.

Tetelonome 32:20

Koia na pati ai loa e ia : E kau fufu loa oku mata kia latou, Ti e kau tio loa pe kolea le nea leia ka soko loa kia latou ; Talie ko se tautupu agatuu, Ko ni vosa ala e leaise feala ke fanaki ki ai.

Uluaki tosi ki le kau Tesalonika 1:10

ti ke talitali mei le atu lagi ki lona Alo, leia na toe fakatuuake e ia mei le kau mate, Sesu, leia e fakamauli ia tatou mei le sausau ka au.

Lua tosi ki le kau Tesalonika 3:5

Ke takitaki e le Aliki okoutou loto ki le alofa o le Atua ti mo le kataki fualoa o Kilisito !

Epelo 2:13

Ti e toe pati a ia : E kau fanaki loa kiate koe. Ti e toe pati foki a ia : Ko leinei au, ko au mo fanau ala na soli mai e le Atua kiate au.

Epelo 9:28

E tatau foki mo Kilisito, kua momoli e ia a ia o tua tasi ke amo ai a agasala a se kakai toka api. Ti e toe sa loa a ia i se tua lua o leai ke fufulu ai a agasala, kae ke fakamauli ai latou ala e talitali kiate ia.