Esaia 8:16 - Tosi Tapu

¹⁶ Kofukofu le fakamaoki leinei, Fakamaumau le levelasio leinei iate koe, ke gato i aku tisipulo.

Esaia 8:16 ပူးပေါင်းရင်းမြစ်များ

Lua tosi o Sau 11:12

Ti na aumai loa ki fafo e le tagata faisakilifisio ko Soasi le vosa o le sau, ti na teki loa e ia ki lona fa ulu le pala fakasau, ti na tuku loa e ia kiate ia le tosi o le lao. Na lotou pani loa a ia ki le lolo ke fakanofo a ia ke sau, ti na lotou pasipasi loa, o kalaga : Ke mauli le sau !

Pesalemo 25:14

E tuku e le Eteleno lona finegalo fufu kia latou ala e i kiate ia, Ti e fakasa e ia kia latou lana sai.

Esaia 50:4

Ko le Aliki, le Eteleno, na soli mai kiate au se alelo poto, O tupu ke kau iloa le masau e aoga ki leia e gaegae. E fafagu e ia, i usu fuli, e fafagu e ia loku taliga, O tupu ke kau fakalogo ofaipe le fakalogo a ni tisipulo.

Esaia 54:13

E liliu loa ou vosa fuli ko tisipulo a le Eteleno, Ti e lasi loa le manuia o ou vosa.

Esaia 8:20

Afa ki le Lao mo le fakamaoki ! Kapau e leaise masau felaaki, Ti e leai loa se mafoata ki le kakai.

Taniela 12:4

Ko koe Taniela, taupau fakafufu a folafola anei, ti ke fakamau le tosi o kaku ki le temi fakamuli. I le temi loa lena, e lau loa e se kakai i le tosi, ti e tupu loa le poto o lasi.

Taniela 9:24

Kua fakatuutuu ni vasaa e kau fitu ki lou kakai ti mo le kolo maokioki, ke fakagato ai a agaveveli, mo fakaoki ai a agasala, mo fakamolemole ai le agatuu, mo aumai ai le faitotonu lee gato, mo fakasoko ai a nea ala na tio mo folafola ki ai le kau polofeta, ti mo toe fakatapui ai le fale tapu.

Mateo 13:11

Na tali loa Sesu kia latou : Talie kua tuku kia koutou ke kotou iloa a misitelio o le Puleaga o le atu lagi, kae na leaise tuku le nea lena kia latou.

Maleko 10:10

I lalatou nonofo i fale, na toe fakavesilii loa a ia e le kau tisipulo ki le nea lena.

Maleko 4:34

Na leaise masau fua a ia kia latou o sala fakatata ; kae ka lotou tefua, na fakamatala e ia a nea fuli ki ana tisipulo.

Uluaki tosi ki le kau Kolinto 2:14

Kae e leaise tali e le tagata fakanatula a nea o le Laumalie o le Atua, talie ko se valea latou kiate ia, ti e leaise mafai ke iloa e ia latou, talie koi iloa fakalaumalie fai latou.

Tetelonome 4:45

Ko nei a fakamaoki, mo lekula, mo fakatotonu ala na fakasa e Moisese ki fanau a Iselaele, i le oki o le mavae mei Esipito.

Epelo 3:5

Kia Moisese, na agatonu a ia i le fale katoa o le Atua, ofaipe se tagata fakasausau, ke fakamaoki ki le nea leia e tonu ke fakasa ;

Apokalipisi 10:4

I le gugulu o leo o mana e fitu, na kau teuteu loa ke kau tosi, kae na kau logo loa ki se leo mei le lagi na pati mai kiate au : Fakamau ke mau le nea leia kua pati ki ai a mana e fitu, ti aua na ke tosi a ia.

Apokalipisi 19:10

Ti na kau fakamapee loa ki lalo i ona vae ke su kiate ia ; kae na pati mai loa a ia kiate au : aua na ke fai le nea a ia ! Talie ko au ko se tagata fakasausau ofaipe koe mo ou fetaina ala e maua ia le fakamaoki o Sesu. Su ki le Atua. Talie ko le fakamaoki o Sesu ko le laumalie a ia o le folafola kikite.

Apokalipisi 2:17

Ko leia e maua ia ni taliga ke logo a ia ki le nea leia e fakasa e le Laumalie ki atu Ekelesia : Ki leia e malo loa e kau soli loa kiate ia le mane fakapulipuli, ti e kau soli loa kiate ia se fa fatu tea ; ti e tosi loa se igoa foou i le fa fatu lena, leia e leaise iloa e se tasi, gato fai ki leia e tali ia le igoa lena.

Apokalipisi 5:1

Ti na sili a ia, na kau tio loa i le lima atamai o leia na ekeeke i le ekeekeaga fakasau ki se tosi kua tosi i loto mo tafa, ti kua fakamau ki ni fakamau e fitu.

Apokalipisi 5:5

Ti na pati mai loa se tasi o le kau matua kiate au : Aua na ke tagi ; ko leinei, ko le laione o le faasiga o Suta, le afusa o Tavite, kua malo ke fakamavaa ia le tosi mo ona fakamau e fitu.