Esaia 8:10 - Tosi Tapu

¹⁰ Kotou fai ni fakatuutuu, ti e lotou ano noa loa ; Kotou tuku ni fakatotonu, ti e leaise lotou aoga loa : Talie e kau le Atua mo matou.

Esaia 8:10 ပူးပေါင်းရင်းမြစ်များ

Senesi 21:22

I le temi lena, na ano loa Apimeleke mo Pikoli, ko le pule o lana solia, o masau kia Apalaamo, o pati : E kau le Atua mo koe i nea fuli ala e ke fai.

Lua tosi a Samuele 15:31

Na au loa o fakasa kia Tavite : Kua nofo Asitofele mo Apesalone i le kau fakafesagai. Ti na pati loa Tavite : Ei Eteleno, e kau kole atu kiate koe, ke ke fakaliliu ke noa a tokoi a Asitofele !

Lua tosi a Samuele 17:23

I le tio a Asitofele na leaise fakaaoga lana tokoi, na tuu loa a ia, o sopo ki lana asino o toe liliu ki lona kaiga i lona kolo. Na tuku loa e ia ana fakatotonu ki lona fale, ti na nonoa loa e ia lona ua o tautau. Ti na mate ai loa a ia, ti na tanu loa a ia i le tanuma o lona tamana.

Lua tosi a Samuele 17:4

Na malie le masau lena kia Apesalone mo le kau matua fuli o Iselaele.

Lua tosi o Sau 6:12

Na tali loa se tasi o ana tagata fakasausau : E leaise tasi ai ! ei sau, loku aliki ; kae ko Eliseo, le polofeta leia i Iselaele, e fakasa ia ki le sau o Iselaele a masau fuli ala e ke fai i lou kogafale moe.

Lua tosi o Koloniko 13:12

Ko leinei, e nofo le Atua mo ana tagata faisakilifisio mo matou, e lotou takitaki matou, ti e motou maua a fakatagi pupusi ke pupusi o fakafesagai kia koutou. Fanau o Iselaele, aua na kotou tau ki le Eteleno, le Atua o okoutou tamana, talie e leaise kotou malo loa.

Sopo 5:12

E motusi e ia a fakatuutuu a le kau kaka, Ti e fatifatii e ia alotou fakatuutuu i olatou lima ;

Pesalemo 21:12

Na lotou fakakaukaui le veli kiate au, Na lotou fakatupu ni fakatuutuu veveli, kae e leaise lotou mafai ia loa se nea fua.

Pesalemo 46:1

Ki le pule o le kau sua. O vosa o Kole. I le nota o le alamote. Katiko.

Pesalemo 46:11

Ke kotou tuku, ti ke kotou iloa ko au ko le Atua : E kau pule ki atu puleaga, ti e kau pule ki le malama nei.

Pesalemo 46:7

E taugaoi ni puleaga, ti e sosolo ni puleaga ; Kae ka fakasa e ia lona leo, ti e liliu o vai le malama nei i le i.

Pesalemo 46:8

E kau mo matou le Eteleno o kau tau, Ko le Atua o Sakopo, ko se kolo ulufaga a ia kia matou. - Manava.

Taagapati 21:30

E leaise tuu se poto, pe ko se atamai, Pe ko se tokoi i mua o le Eteleno.

Esaia 14:27

Kua too e le Eteleno o kau tau le fakapapau lena : Ko ai e fakafesagai loa ki ai ? Kua siki lona lima, ko ai e peluki ia loa a ia ?

Esaia 28:18

E maumaui loa lakoutou sai mo le mate, Ti e leaise toe tuu loa lakoutou sai mo le nofoaga o le kau mate ; Ka mapaa mai loa le malaia, E takatakafi loa e ia koutou ki ona vae.

Esaia 41:10

Aua na ke i ki se nea, talie e kau nofo mo koe ; Aua na ke takamilo ni mata tuania, talie ko au ko lou Atua ; E kau fakamakeke a koe, e kau au o tokoi kiate koe, E kau taofi a koe ki loku lima atamai malo.

Esaia 43:5

Aua na ke i ki se nea, talie e kau nofo mo koe ; E kau toe aumai loa mei le potu esite lou lanu, Ti e kau fakatasi mai loa a koe mei le potu uesite.

Esaia 7:14

Koia e tuku atu loa e le Aliki totonu kia koutou se fakamailoga ; Ko leinei, e tinae loa le taupoou, ti e fanaui loa e ia se tama, Ti e soli loa e ia kiate ia le igoa ko Emanuele.

Esaia 8:8

E ulu loa a ia ki Suta, e tafe loa a ia ki tafa, o fakalofia a nea fuli, Ti e kaku loa a ia ki le ua. E folasi loa e ia ona kapakau O fakaapele lou fenua katoa, ei Emanuele !

Esaia 9:6

E fakamafola loa e ia lana pule ki atu puleaga, E tuku loa e ia le tokamalie lee gato ki le ekeekeaga fakasau o Tavite, mo lona puleaga, Ti e fakamakeke loa e ia a ia ti mo poupou a ia ki le lao mo le faitotonu, I le temi nei o lee gato : Ko lena le nea e fai loa e le Eteleno o kau tau i lona alofa lasi.

Selemia 42:11

Aua na kotou i ki le sau o Papilone, leia e kotou i ki ai ; aua na kotou i kiate ia, e pati le Eteleno, talie e kau nofo mo koutou o fakamauli koutou ti mo saofaki koutou mei lona lima.

Selemia 46:28

Ko koe, laku tagata fakasausau ko Sakopo, aua na ke i ! e pati le Eteleno ; Talie e kau nofo mo koe. E kau fakapuli loa a atu puleaga fuli ala na kau fakamavetevete a koe ki ai, Kae ko koe, e leaise kau fakapuli loa a koe ; E kau tautea loa a koe i le faitotonu, Talie leaise mafai ke kau tuku a koe sala tautea.

Tagi laulau a Selemia 3:37

Ko ai e pati loa e soko se nea, Kae na leaise fakatotonu a ia e le Aliki ?

Soele 3:9

Kotou fakasa a nea ana i lotolotoga o atu puleaga ! Kotou teuteu ki le tau ! Kotou fafagu a tagata toa ! Ke lotou fakafeofi mai, ke lotou pale mai, Tagata tau fuli !

Akeseo 1:13

Na pati loa Akeseo, le tagata fakasausau a le Eteleno, ki le kakai, o mulimuli ki le fakatotonu a le Eteleno : e pati le Eteleno : E kau nofo mo koutou.

Numelo 14:9

Ko leia fua, ke aua na kotou agatuu ki le Eteleno ti ke aua na kotou i ki le kakai o le fenua lena, talie e tou kai loa latou i se maaga e tasi. Kua leaise malu fua leia ke lotou fakamalumalu ai, kae e nofo le Eteleno mo tatou, aua na kotou i kia latou.

Mateo 1:23

Ko leinei, e tinae loa le taupoou, e fanaui loa e ia se vosa, ti e soli loa kiate ia le igoa ko Emanuele, ko lona uiga ko le Atua mo tatou.

Mateo 28:20

ti kotou ako latou ke lotou fai a nea fuli ala na kau fakatotonu atu kia koutou. Ti ko leinei, e kau nofo mo koutou i aso fuli, o kaku ki le fakaoki o le malama nei.

Loma 8:13

Kapau e kotou mauli o mulimuli ki le kanofi, e kotou mamate loa ; kae kapau i le Laumalie e kotou tamate a gaoi o le tino, e kotou mauli loa.

Loma 8:31

Kolea loa ke tou pati ki nea ana ? Kapau e kau le Atua mo tatou, ko ai loa ka fakafesagai mai kia tatou ?

Tetelonome 20:1

Ka ke ano loa o tau ki ou fili, ti ke tio loa ki ni osi, mo ni saliote mo se kakai leia e api ake iate koe, ke aua na ke i loa kia latou ; talie ko le Eteleno, lou Atua, leia na fakamavae ia a koe mei Esipito, e kau loa mo koe.

Sosue 1:5

E leaise tuu loa se tasi i ou mua, i le temi o lou mauli. E kau nofo loa mo koe, ofaipe laku nofo mo Moisese : E leaise kau tukunoa loa a koe, e leaise kau tiaki loa a koe.

Uluaki tosi a Soane 4:4

Ko koutou, fanau liliki, e kotou au mei le Atua, ti kua kotou malo i le kau polofeta loi, talie ko leia e nofo ia koutou e lasi ake i leia e nofo i le malama nei.