Esaia 7:4 - Tosi Tapu

⁴ Ti ke pati loa kiate ia : Ke ke fimalie, aua na ke tuania fua se nea, Ti ke aua na oso noa lou loto i mua o ga potu ugaafi afu ana e lua, Mo mua o le itaita o Letisini, mo le kakai o Silia, ti mo le vosa o Lemalia.

Esaia 7:4 ပူးပေါင်းရင်းမြစ်များ

Lua tosi o Sau 15:27

I le fetuu kau lima tupu lua o le sau o Asalia i Suta, na sau loa Pekase, vosa o Lemalia, i Samalia ki Iselaele. Na sau loa a ia i fetuu e kau lua.

Lua tosi o Koloniko 20:17

E leaise kotou tau loa i le tau lena : Ke kotou ano fua, ke kotou tutuu i ai, ti e kotou tio loa ki le saofaki leia ka tuku atu loa e le Eteleno kia koutou. Suta mo Selusalemi, aua na kolua tuania ti aua na kolua i, i apogipogi, kotou ulu ki fafo o fakafetaulaki kia latou, ti e kau loa le Eteleno mo koutou !

Esaia 10:24

Kae ko leinei le folafola a le Aliki, le Eteleno o kau tau : Ei loku kakai, leia e nofo i Sione, Aua na ke i ki le tagata Asilia ! E taai e ia a koe ki le laakau, Ti e siki e ia lana tokotoko kiate koe, ofaipe le nea leia na fai e le kau Esipito.

Esaia 30:15

Talie na folafola le Aliki, le Eteleno, le Sagato o Iselaele, o pati : I le tafoki mai kiate au mo le nofo iate au, e kotou maua ai le mauli ; I le agamalu mo le tui kiate au, e kotou maua ai le makeke. Kae na leaise kotou loto ki ai !

Esaia 30:7

Talie e noa ti e lee aoga le tokoi a Esipito ; Koia e kau fakaigoa ai le nea lena ko se logoa noa.

Esaia 35:4

Kotou pati kia latou ala kua loto gaegae : Kotou loto makeke, aua na kotou i ; Ko leinei lokoutou Atua, e au loa le tautea, Le totogi a le Atua ; E au loa a ia totonu, ti e fakamauli loa e ia koutou.

Esaia 37:6

Ti na pati loa Esaia kia latou : Ko leinei le nea leia e kotou fakasa loa ki lokoutou pule : Ko leinei le folafola a le Eteleno : Aua na ke i o tupu ko masau ala kua ke logo ki ai, o tupu ko masau ala kua tauvelei ai au e tagata fakasausau a le sau o Asilia.

Esaia 41:14

Aua na ke i ki se nea, kelemutu o Sakopo, Toetoega gaegae o Iselaele ; E kau au o tokoi kiate koe, e pati le Eteleno, Ti ko le Sagato o Iselaele ko lou fakamauli.

Esaia 7:1

Na soko loa i le temi o Akasi, vosa o Sotame, vosa o Osiasi, sau o Suta, na pale loa Letisini, sau o Silia, mo Pekase, vosa o Lemalia, sau o Iselaele, ke taui Selusalemi, kae na leaise la mafai ia.

Esaia 7:8

Talie ko le ulu o Silia ko Tamaso, Ti ko le ulu o Tamaso ko Letisini. Koi toe fai a fetuu e kau ono tupu lima, Ti e leaise toe nofo loa Efalaimi ko se kakai.

Esaia 7:9

Ko le ulu o Efalaimi ko Samalia, Ti ko le ulu o Samalia ko le vosa o Lemalia. Kapau e leaise kotou tui, Ti e leaise kotou tologa loa.

Esaia 8:4

Talie i mua o le poto o le toe i le pati : Loku tamana ! loku tinana ! e ave loa a koloa o Tamaso mo koloa o Samalia ki le sau o Asilia.

Esaia 8:6

O tupu na tiaki e le kakai leinei a vai o Siloe ala e tafe mamalie, Kae na lotou fiafia ia Letisini mo le vosa o Lemalia,

Tagi laulau a Selemia 3:26

E malie ke talitali fakalologo Ki le tokoi a le Eteleno.

Amosi 4:11

Na kau fakamaveuveu a nea fuli ia koutou Ofaipe Sotoma mo Komola, ala na maumaui e le Atua ; Ti na kotou faipe se ga ugaafi leia na too i le vela. Kae logo ai le nea lena, na leaise kotou toe liliu mai kiate au, e pati le Eteleno…

Apakuki 2:3

Talie ko se folafola kikite leia kua oki lona temi i le fakatuutuu, E saele a ia ki lona fakasoko, ti e leaise loi loa a ia ; Kapau e tuvai a ia, talitali ki ai, Talie e soko loa a ia, E soko maoki loa a ia.

Sakalia 3:2

Na folafola loa le Eteleno kia Satana : Ke valoki a koe, Satana, e le Eteleno ! Ke valoki a koe e le Eteleno, leia kua filifili ia Selusalemi ! Pe leaise ko se ugaafi kaka a koe kua tatai mei le afi ?

Mateo 10:28

Aua na kotou i kia latou ala e tamate ia le tino kae e leaise mafai ke lotou tamate ia le laumalie ; kotou i tafito ki leia e tamate ia le laumalie ti mo le tino i Ifeli.

Mateo 24:6

E kotou logo loa ki le masaui o ni tau ka soko mai ti mo le fakamatala o ni tau na soko i mua : Aua na kotou i, talie e tonu ke soko a nea ana. Kae e leaise ko le aso fakamuli loa a ia.

Tetelonome 20:3

E pati loa a ia : Fakalogo mai, Iselaele ! I le aso nei e kotou ano loa o taui okoutou fili. Ke aua na kotou loto gaegae ; ke aua na kotou i, ke aua na kotou lulu, ke aua na kotou liliko i olatou mua.

Uluaki tosi a Samuele 17:32

Na pati loa Tavite kia Saulo : Ke aua na loto gaegae se tasi, o tupu ko le Filisitini leinei ! E ano loa lau tagata fakasausau, o tau mo ia.