Esaia 7:23 - Tosi Tapu

²³ I le aso lena, E tiaki loa ke vaoa A ganea fuli ala e maua ai loa ni tafito vite e afe, Ala na totogi ki sikele siliva e afe : E sosomo loa i ai a vao talatala mo vao sukisukia.

Esaia 7:23 ပူးပေါင်းရင်းမြစ်များ

Senesi 3:18

E tupu loa i le kele ni laakau talatala mo ni vao veli, ti e ke kai loa le mutie o faisaga.

Esaia 32:10

I se fetuu e tasi mo ni ga aso, E kotou lulu loa, taineliki fakafulufulumalie ; Talie kua oki le taukai vite, E leaise soko loa le tau o le fuata.

Esaia 5:10

Talie e maua loa i le faisaga vite, leia e alepate kau agafulu lona lasi, se pate fai e tasi ; Ti e fakatupu loa e le omele pulapula se efa fai e tasi.

Esaia 5:6

E kau tuku loa a ia ke lusa ; e leaise toe koti loa ona laa, pe toe fai loa ki ai se gaoi ; E sosomo loa a vao mo malualoi i ai ; Ti e kau fakatotonu loa ki ao, Ke aua na lotou toe fakato ia se ua ki ai.

Esaia 7:24

E ulu loa ki ai mo ni gasau ti mo ni kalolo, Talie e apele loa le fenua katoa i uluvao gaoa mo talatala.

Selemia 4:26

E kau tio, ti ko leinei, kua toafa le Kalemelo ; Ti kua maumaui ona kolo fuli, i mua o le Eteleno, I mua o lona sausau kaka.

Esekiele 12:20

E maumau loa a kolo ala na apiapi, Ti e liliu loa le fenua ko se toafa. Ti e kotou iloa loa ko au ko le Eteleno.

Oseo 2:12

Ti ko leinei e kau fakasa loa lona matagafua ki mata o ana feauaki, ti e leaise saofaki loa a ia e se tasi mei loku lima.

Oseo 9:6

Talie ko leinei, e lotou ano o tupu ko le maumau o le fenua ; E fakatalitali loa latou e Esipito, E soli loa e Mofi ni tanuma kia latou ; Ko le nea leia e mauiga kia latou, lalatou siliva, e kai loa e vao, Ti e kava loa a vao talatala i olatou falela.

Mateo 21:33

Kotou fakalogo mai ki se tasi folafola fakatata. Na i ai se tagata, ko se pule kaiga, leia na to ia loa se vite. Na a takatakai loa e ia le vite, ti na kenu loa e ia se nea tatau vite, ti na fakatuu loa e ia se tule ; ti oki, ti na lue loa e ia lana vite ki ni tagata faivite, ti na mavae loa a ia i le fenua.

Epelo 6:8

kae kapau e fakatupu e ia ni malualoi mo ni laakau talatala, e leaise aoga a ia, ti e leaise tuvai lona fakamalaia ; ti e fakaoki loa a ia o tutu i le afi.