Esaia 7:2 - Tosi Tapu

² Na fakasa loa ki le fale o Tavite : Kua fakatuu le nofolaga tau o le kau Silia i Efalaimi. Ti na lulu loa le loto o Akasi mo lona kakai ofaipe le lu o laakau o le vao e le matagi.

Esaia 7:2 ပူးပေါင်းရင်းမြစ်များ

Lua tosi a Samuele 7:16

E tuu loa lou fale mo lou puleaga o lee gato, ti e tuu makeke loa lou ekeekeaga fakasau o lee gato.

Uluaki tosi o Sau 11:32

Kae e maua loa e Salomone se faasiga e tasi, o tupu ko laku tagata fakasausau ko Tavite, ti mo Selusalemi, le kolo leia kua kau aga o filifili i faasiga fuli o Iselaele.

Uluaki tosi o Sau 12:16

I le tio loa a le kakai o Iselaele katoa na leaise fakalogo ake loa le sau kia latou, na lotou tali loa ki le sau : Kolea leia e tou fakatasi ai mo Tavite ? E leai fua sotatou tofiga mo le vosa o Isaia ! Ki ou falela, Iselaele ! I le lakaga nei, ke ke fagai lou fale Tavite ! Ti na toe liliu loa Iselaele ki ona falela.

Uluaki tosi o Sau 13:2

Na kalaga loa a ia ki le aletale, o mulimuli ki le folafola a le Eteleno, ti na pati loa a ia : Aletale ! aletale ! ko leinei le folafola a le Eteleno : Ko leinei, e tupu loa se vosa i le fale o Tavite, ko lona igoa ko Sosiasi ; e tutu loa e ia i ou aluga a pelepitelo o potu taualuga ala e tutu ia i ou aluga ni kaloni, ti e tutu loa i ou aluga ni ivii tagata !

Lua tosi o Koloniko 25:10

Koia na tuku kese ai loa e Amatesia le solia leia na au kiate ia mei Efalaimi, o tupu ke toe fakaliliu latou ki olatou fale. Koia na tupu ai loa lolatou itaita lasi ki Suta, ti na lotou ano loa ki olatou fale mo se ita lasi ai.

Lua tosi o Koloniko 28:12

Na tutuu ake loa ni iki i vosa o pule o vosa o Efalaimi, ko Asalia, vosa o Sokanane, mo Pelekia, vosa o Mesilemote, mo Esekiasi, vosa o Salume, ti mo Amasa, vosa o Atelai, o taofi latou ala na toe liliu mei le tau,

Pesalemo 11:1

Ki le pule o le kau sua. Pesalemo a Tavite. Ko le Eteleno leia e kau afa ai se mumuniaga. Pe mafai feaki ke kotou pati mai kiate au : Sola ki okoutou mauga, ofaipe se manu lele ?

Taagapati 28:1

E sola le tagata agaveli kae e leaise tuli a ia e se tasi, Kae e loto toa le tagata agatonu ofaipe se laione muli.

Esaia 11:13

E puli loa le finenonofo o Efalaimi, Ti e tamate loa ona fili i Suta ; E leaise toe finenonofo loa Efalaimi kia Suta, Ti e leaise toe fili loa a Suta kia Efalaimi.

Esaia 22:22

E kau tuku loa ki lona tuauma le kalavi o le fale o Tavite : Ka fakamavaa loa e ia, e leaise toe tapono loa e se tasi ; Ka tapono loa e ia, e leaise toe fakamavaa loa e se tasi.

Esaia 37:27

Koia na gaegae ai olatou kakai, Ti na lotou mamate ai i le i mo le luma ; Kua lotou faipe le mutie o faisaga ti mo le vao foou, Pe le mutie o ato o fale, Ti mo le fulumeto leia e malo i mua o lona somo.

Esaia 37:35

E kau puipui loa le kolo leinei ke fakamauli a ia, O tupu ko au, o tupu ko Tavite, laku tagata fakasausau.

Esaia 6:13

Ti kapau e toe loa se vaega kau agafulu o le kakai, E lotou toe liliu mai loa ke tutu latou e le afi. Kae ofaipe le telepate mo le sene ala e fakatologa ia ola tafito mo ka sele, E toe tupu loa se sakoga maokioki i le kakai lena.

Esaia 7:13

Ti na pati loa Esaia : Kotou fakalogo mai, fale o Tavite ! Pe ko se nea noa kia koutou ke kotou fakafiu le kataki o tagata, Ke kotou toe fakafiu ia foki le kataki o loku Atua ?

Esaia 7:17

E kakau mai loa e le Eteleno kiate koe, Mo lou kakai ti mo le fale o lou tamana, Ni aso ala e leikiaise maua ni ona tatau, Talu mei le mavae a Efalaimi ia Suta, (Le sau o Asilia).

Esaia 7:5

E kau iloa a fakakaukau veveli a Silia kiate koe, Ti mo masau a Efalaimi mo le vosa o Lemalia ala e pati :

Esaia 8:12

Aua na kotou fakaigoa ko le tau a nea fuli ala e fakaigoa e le kakai leinei ko le tau ; Aua na kotou i ki le nea leia e lotou i ki ai, ti aua na kotou lulu.

Esaia 9:9

Kua maluluku ki lalo ni piliki, Kae e motou toe lagai loa latou ki ni fatu ta ; Kua tuutuu ki lalo ni pou sikomole, Kae e motou toe fetogi loa latou ki ni pou sete.

Selemia 21:12

Fale o Tavite ! E folafola le Eteleno, o pati : Kotou kamata okoutou aso i le fai o ni fakamaau i le faitotonu, Kotou fakalauatea le tagata popula i lima o lona pule, Ke aua na vilo loku sausau ofaipe se afi, Ti ke aua na ula a ia kae e leaise mafai loa lona tamate, O tupu ko le agaveli o akoutou gaoi.

Oseo 12:1

E takatakai au e Efalaimi ki ni loi, Ti mo le fale o Iselaele ki ni kaka ; Koi tuu makeke a Suta ki le Atua, Ki le Maokioki agatonu.

Mateo 2:3

I le logo a le sau ko Elote ki le nea lena, na mamae loa lona loto, mo Selusalemi katoa.