Esaia 7:19 - Tosi Tapu

¹⁹ E lotou au loa, ti e lotou nonofo fuli loa i ganea lavaki fuli, Mo pu o utu, Mo laakau uluvao fuli, Ti mo faisaga sesega fuli.

Esaia 7:19 ပူးပေါင်းရင်းမြစ်များ

Lua tosi o Koloniko 33:11

Koia na kakau ai loa e le Eteleno kia latou a pule solia a le sau o Asilia, ala na too ia loa Manase o tuku ki ukamea, o fakapiki ni ukamea ki lona gutu mo saisai a ia ki ni tini o ave ki Papilone.

Esaia 2:19

E ulu loa ki ana o utu, Ti mo loloto o le kele, O tupu ke lotou sao i le sausau o le Eteleno ti mo le makeke o lona agai, Mo ka tuu ake loa a ia o fakaii le malama nei.

Esaia 2:21

Kae lotou ulu loa ki mafaa o utu Ti mo pu o fatu, O tupu ke lotou sao i le sausau o le Eteleno ti mo le makeke o lona agai, Mo ka tuu ake loa a ia o fakaii le malama nei.

Esaia 5:6

E kau tuku loa a ia ke lusa ; e leaise toe koti loa ona laa, pe toe fai loa ki ai se gaoi ; E sosomo loa a vao mo malualoi i ai ; Ti e kau fakatotonu loa ki ao, Ke aua na lotou toe fakato ia se ua ki ai.

Esaia 55:13

E tupu loa le sipele i le ganea leia na tuu ai le laakau talatala, Ti e tupu loa le mila o fetogi le vao veli ; Ti e liliu loa le nea lena ko se kololia ki le Eteleno, Ko se fakamanatu lee gato, leia e leaise toe puli loa.

Esaia 7:24

E ulu loa ki ai mo ni gasau ti mo ni kalolo, Talie e apele loa le fenua katoa i uluvao gaoa mo talatala.

Esaia 7:25

Ti e leaise toe ano loa i ganea taualuga fuli ala na gaoi ai ki le piosi, O tupu ko le i ki uluvao gaoa mo talatala : E tuku loa ki ai le pipi, ti e takatakafi loa e le ovi le kele.

Selemia 16:16

E pati le Eteleno : Ko leinei, e kau kakau loa ni kau faifeua toka api, ti e lotou fagotai loa latou ; Ti ka oki le nea lena, e kau kakau loa ni kau kapu manu toka api, ti e lotou kapu loa latou Mei mauga fuli, mo mauga liliki fuli, Ti mo ana o utu.

Mikea 7:17

E lotou epo loa le efu, ofaipe le gata, Ofaipe manu totolo o le kele ; E maua loa latou e le i, i tafa olatou kolo tau ; E lotou lulu loa i mua o le Eteleno, lotatou Atua ; E lotou i loa kiate koe.

Sakalia 10:8

E kau vekai ia loa latou ti e kau fakatasi loa latou, talie e kau totogi latou, Ti e lotou liuliuga loa ofaipe le temi mua.

Mateo 7:16

E kotou iloa loa latou i olatou fua. Pe tau ni fuai vite i ni laakau talatala, pe ko ni fiki i ni malualoi ?