Esaia 7:14 - Tosi Tapu

¹⁴ Koia e tuku atu loa e le Aliki totonu kia koutou se fakamailoga ; Ko leinei, e tinae loa le taupoou, ti e fanaui loa e ia se tama, Ti e soli loa e ia kiate ia le igoa ko Emanuele.

Esaia 7:14 ပူးပေါင်းရင်းမြစ်များ

Senesi 16:11

Na pati loa le aselo o le Eteleno kiate ia : Ko leinei kua ke tinae, ti e ke fanaui loa se tama, ti e ke soli loa kiate ia le igoa ko Isemaele ; talie kua logo le Eteleno ki lau tagi i lou mamae.

Senesi 29:32

Na tinae loa a Lea, ti na fanaui loa e ia se tama, o fakaigoa loa e ia ko Lupeni, talie na pati loa a ia : Kua tio le Eteleno ki loku fakataulaloi. I le aso nei e alofa loa loku avaga kiate au.

Senesi 3:15

E kau tuku loa le vesia iate koe mo le fafine, i lou sakoga mo lona sakoga : E takafi loa e le sakoga o le fafine lou ulu, kae e ke uuti loa lona mulivae.

Senesi 30:6

Na pati loa Lasele : Kua tuku mai e le Atua kiate au lana faitotonu, talie kua logo a ia ki loku leo, ti kua soli mai e ia se vosa kiate au. Ti na fakaigoa loa e ia le toe ko Tane.

Senesi 30:8

Na pati loa Lasele : Na kau tau i mua o le Atua ki loku taina, ti kua kau malo. Ti na fakaigoa loa e ia le toe ko Nefetali.

Senesi 4:25

Na toe iloa loa e Atama lana avaga ; ti na fanaui loa e lana avaga se tama, ti na fakaigoa loa e ia a ia ko Seti, talie na pati loa a ia : kua toe soli mai e le Atua kiate au se tasi a vosa ke fetogi ia Apele leia na tamate e Kaino.

Uluaki tosi o Sau 13:3

Ti na tuku loa e ia se fakamailoga i le aso lena, o pati : Ko leinei le fakamailoga leia kua masau ki ai le Eteleno : E mafaa lua loa le aletale ti e mavete loa le mugalafu leia i aluga.

Pesalemo 46:8

E kau mo matou le Eteleno o kau tau, Ko le Atua o Sakopo, ko se kolo ulufaga a ia kia matou. - Manava.

Esaia 38:7

Ti ko leinei le fakamailoga e tuku atu e le Eteleno ke ke iloa ai e fakasoko loa e le Eteleno le folafola leia kua fakasa e ia.

Esaia 8:10

Kotou fai ni fakatuutuu, ti e lotou ano noa loa ; Kotou tuku ni fakatotonu, ti e leaise lotou aoga loa : Talie e kau le Atua mo matou.

Esaia 8:8

E ulu loa a ia ki Suta, e tafe loa a ia ki tafa, o fakalofia a nea fuli, Ti e kaku loa a ia ki le ua. E folasi loa e ia ona kapakau O fakaapele lou fenua katoa, ei Emanuele !

Esaia 9:6

E fakamafola loa e ia lana pule ki atu puleaga, E tuku loa e ia le tokamalie lee gato ki le ekeekeaga fakasau o Tavite, mo lona puleaga, Ti e fakamakeke loa e ia a ia ti mo poupou a ia ki le lao mo le faitotonu, I le temi nei o lee gato : Ko lena le nea e fai loa e le Eteleno o kau tau i lona alofa lasi.

Selemia 23:6

I lona temi, e fakamauli loa a Suta, E maua loa e Iselaele le fimalie i lona nofoaga ; Ti ko leinei le igoa leia e fakaigoa loa a ia ki ai : Le Eteleno lomatou faitotonu.

Selemia 31:22

E kaku loa kiafea lau eva, taine agatuu ? Talie e fakatupu e le Eteleno se nea foou i le malama nei : E afa loa e le fafine le tagata.

Selemia 44:29

Ti ko leinei, e pati le Eteleno, se fakamailoga leia e kotou iloa ai loa e kau tautea loa koutou i le ganea leinei, o tupu ke kotou fakasoko loa aku folafola kia koutou ki lokoutou malaia.

Mikea 5:2

Koia leia e tuku ai loa e ia lona kakai O kaku ki le temi leia e fanau ai loa leia e tonu ke liliu o tinana, Ti ko le toega o ona fetaina E toe liliu mai loa ki fanau o Iselaele.

Mateo 1:23

Ko leinei, e tinae loa le taupoou, e fanaui loa e ia se vosa, ti e soli loa kiate ia le igoa ko Emanuele, ko lona uiga ko le Atua mo tatou.

Luka 1:31

Ti ko leinei, e ke tinae loa, ti e ke fanaui loa se tama, ti e ke soli loa kiate ia le igoa ko Sesu.

Luka 1:35

Na tali loa le aselo kiate ia : E au loa le Laumalie Maokioki kiate koe, ti e fakamalumalu loa a koe e le mafimafi o le Taualuga. Koia e fakaigoa ai loa le fanau maokioki leia e tupu loa meiate koe ko le Alo o le Atua.

Luka 2:12

Ti ko leinei le fakamailoga leia e kotou iloa ai loa a ia : E kotou maua loa se toe memea leia kua kofukofu, ti kua fakamoe i se kaiaga manu.

Luka 20:44

Koia na fakaigoa ai e Tavite a Kilisito ko le Aliki ; pe feaki ke liliu a ia ko lona vosa ?

Soane 1:14

Ti na tupu tagata le folafola, ti na nofo a ia ia tatou, o apele i le kalasia mo le maoki ; ti na motou tio ki lona kololia, ko se kololia ofaipe le kololia o le Alo fuatasi na au mei le Tamana.

Loma 9:5

ti mo le kau pateliaka foki, ala na tupu mei ai le tino o Kilisito, leia e taualuga i nea fuli, ko le Atua manuia o lee gato. Amene !

Uluaki tosi kia Timoteo 3:16

Ti e maoki, e lasi le misitelio o le alofa o le Atua : Kua fakasa le Atua i le kanofi, kua fakamaoki a ia i le Laumalie, kua tio kiate ia le kau aselo, kua fakamafola a ia ki puleaga, kua tui kiate ia i le malama nei, ti kua siki ake a ia ki le kololia.

Tuifakamaau 6:36

Na pati loa Seteone ki le Atua : Kapau e ke loto ke saofaki Iselaele e loku lima, o mulimuli ki le nea na ke pati ki ai, ko leinei :

Uluaki tosi a Samuele 1:20

I le fetuu lena, na tinae loa a Ana, ti na fanaui loa e ia se tama, leia na fakaigoa loa e ia ko Samuele, talie na pati loa a ia : Na kau kole a ia ki le Eteleno.

Uluaki tosi a Samuele 4:21

Na fakaigoa loa e ia le toe ko Ikapote, o pati : Kua puli le kololia i Iselaele ! O tupu kua too le aleka o le Atua, o tupu kua mate le tamana o lona avaga mo lona avaga.