Esaia 66:4 - Tosi Tapu

⁴ Ko au foki, e kau fiafia loa i lolatou mamae, Ti e kau kakau mai loa kia latou le nea leia e lotou i ki ai ; Talie na kau kalaga, ti na leaise lotou tali mai, Talie na kau masau, ti na leaise lotou fakalogo mai ; Kae na lotou fai le nea leia e veli ki oku mata, Ti na lotou filifili le nea leia e kau vesia ki ai.

Esaia 66:4 ပူးပေါင်းရင်းမြစ်များ

Lua tosi o Sau 21:2

Na fai loa e ia le nea leia e veli ki mata o le Eteleno, o mulimuli ki aga fakalialia a puleaga ala na kapu e le Eteleno i mua o fanau a Iselaele.

Lua tosi o Sau 21:6

Na momoli loa e ia lona vosa i le afi ; na sivi loa e ia a ao mo gata ke iloa ai a nea ka soko, ti na fakanofo loa e ia ni kakai ala e masau ki laumalie o kau mate ti e kikite ia a nea ala ka soko. Na asilisili fai loa e ia le nea leia e veli ki mata o le Eteleno, ke fakatupu ai lona ita.

Pesalemo 81:12

Kae na leaise fakalogo fua loku kakai ki loku leo, Na leaise fakalogo fua Iselaele kiate au.

Taagapati 1:24

O tupu na kau kalaga atu kia koutou kae na leaise kotou tali mai ; O tupu na kau falo atu loku lima kae na leaise tokaga se tasi ki ai,

Taagapati 10:24

Ko le nea leia e tuania ia e le tagata agaveli, e soko kiate ia ; Kae e tuku ki le kau agatonu le nea leia e lotou oli ki ai.

Esaia 50:2

Na kau au : kolea na leaise kau maua ai se tasi ? Na kau kalaga : kolea na leaise tali mai ai se tasi ? Pe kua toetoe loku lima ke totogi koutou ? Pe leaise feauga loku makeke ke saofaki koutou ? Ko leinei, i laku valoki, e kau fakamalo le tai, E kau fakaliliu a vaitafe o toafa ; E gaegagae olatou ika, sala vai, Ti e lotou mamate i le fia inu.

Esaia 59:15

E puli le maoki, Ti ko leia e fakamamao i le veli e kaia ona koloa. E tio le Eteleno ki le nea a ia, ti na veli ai ki ona mata, Leia e puli le faitotonu.

Esaia 59:7

E makape olatou vae ki le veli, Ti e lotou fakatavili o liligi le toto mea ; Ko alatou manatu ko ni manatu o le agasala, Ti e maua i olatou ala le kaia mo le maumau.

Esaia 65:12

E kau tuku loa koutou ki le seleta, Ti e kotou peluki fuli loa a tuli ke tamate koutou ; Talie na kau kalaga atu, ti na leaise kotou tali mai ; Na kau masau, ti na leaise kotou fakalogo ; Kae na kotou fai le nea leia e veli ki oku mata, Ti na kotou filifili le nea leia e kau vesia ki ai.

Esaia 65:2

Na kau falo oku lima i aso fuli ki se kakai agatuu, Leia e saele i se ala veli, o mulimuli ata ki ana manatu ;

Esaia 65:3

Ki se kakai leia e leaise gato lana fakatupu loku ita, Leia e momoli ia ni failaulau i oloto, Ti e tutu ia le iseso i aluga o piliki ;

Esaia 65:7

O akoutou agaveli, e pati le Eteleno, ti mo agaveli o okoutou tamana, Ala na tutu ia le iseso i aluga o mauga, ti na nukinuki kiate au i aluga o mauga liliki ; E kau fuafua loa kia latou le totogi totonu o alatou gaoi i le temi kua sili.

Selemia 35:17

Koia e folafola le Eteleno, le Atua o kau tau, le Atua o Iselaele, o pati : Ko leinei, e kau kakau mai loa ki Suta mo le kakai katoa o Selusalemi a malaia fuli ala kua kau fakasa kia latou, talie kua kau masau kia latou kae na leaise lotou fakalogo, ti kua kau kalaga kia latou kae na leaise lotou tali.

Selemia 7:13

Ti ko leinei, e pati le Eteleno, O tupu na kotou fai a nea fuli ana, O tupu na kau masau atu kia koutou i le usu kae na leaise kotou fakalogo mai kiate au, O tupu na kau kalagai koutou kae na leaise kotou fakalogo mai kiate au,

Selemia 7:30

Talie na fai e fanau a Suta le nea leia e veli ki oku mata, E pati le Eteleno ; Na lotou fakatuu alatou nea fakalialia i le fale leia e fetapa ai ki loku suafa, O tupu ke fakakelekelei ai latou.

Esekiele 11:8

E kotou i ki le seleta, Kae e kau kakau mai loa kia koutou le seleta, E pati le Aliki, le Eteleno.

Esekiele 14:4

Koia ke ke masau kia latou, ti ke pati kia latou : E folafola le Aliki, le Eteleno, o pati : Ko tagata fuli o le fale o Iselaele e amo ia ona taulaatua i lona loto, ti e pipiki ona mata ki le nea leia na fakavilo ia a ia ki lana agaveli, - kapau e au a ia o masau ki le polofeta, - ko au, le Eteleno, e kau tali loa kiate ia, logo ai le lasi o ona taulaatua,

Esekiele 20:25

Na kau tuku foki kia latou ni pelesepeto ala na leaise malilie, mo ni fakatotonu ala na leaise feala ke lotou mauli ai.

Mateo 24:24

Talie e mafuta loa ni kilisito loi mo ni polofeta loi ; ti e lotou fai loa ni nea fakamanamana lalasi mo ni milakulo ke fakasesei ai, mo ka na feala, latou foki ala kua filifili.

Uluaki tosi a Samuele 8:19

Na fakafiti loa le kakai ke fakalogo ki le leo o Samuele. Na lotou pati loa : Leai ! kae ke i ai loa se sau ke pule kia matou,