Esaia 66:24 - Tosi Tapu

²⁴ Ti ka mavae loa mei ai, e tio loa Ki mate o latou ala na agatuu kiate au ; Talie e leaise mamate loa olatou ilo, ti e leaise toe mate loa lolatou afi ; Ti e lotou liliu loa ko se nea fakalialia ki le kakai katoa.

Esaia 66:24 ပူးပေါင်းရင်းမြစ်များ

Pesalemo 110:6

E fai e ia le fakamaau i lotolotoga o atu puleaga : kua apele le potu katoa i mate ; E fatifati e ia ni ulu i le fenua katoa.

Esaia 1:28

Kae e maumaui loa latou fuli ala e agatuu mo latou fuli ala e agasala, Ti e mamate loa latou fuli ala e tiaki ia le Eteleno.

Esaia 1:31

E fai loa le tagata makeke pe le taenato, Ti ko lana gaoi pe se masikai afi ; E la ulaula loa, leia mo leia fakatasi, Ti e leai loa se tasi ke tamate ia.

Esaia 14:11

Kua ifo lou laukau ki le nofoaga o le kau mate, O fakatasi mo le musika o au lute ; Kua tuku i ou lalo se moelaga ilo, Ti ko lou kie kafu ko ilo.

Esaia 24:20

Kua matuletule le malama nei ofaipe se tagata kona, Kua matule a ia ofaipe se fale pola ; Kua taomi a ia e lana agasala, Kua siga a ia ki lalo, Ti e leaise toe tuu ake a ia ki aluga.

Esaia 26:11

Eteleno, e mafimafi lou lima : Kae e leaise lotou tio ki ai. E lotou tio loa ki lou alofa ki le kakai, ti e lotou luma loa ; E tutu loa e le afi ou fili.

Esaia 34:10

E leaise toe mate loa a ia i le ao mo le pouli, E malaga loa lona afu o lee gato. E lavaki loa a ia i tautupu mo tautupu, E leaise fakalaka loa i ai se tasi i se aso.

Esaia 34:3

Kua tiaki olatou kau mate ki fafo, Kua namuku olatou mate, Ti kua tafe le toto i mauga.

Esaia 48:22

E leaise tokamalie ki le kau agaveli, e pati le Eteleno

Esaia 5:25

Koia kua vilo ai le sausau o le Eteleno ki lona kakai, Kua falo ai lona lima kiate ia, o taai a ia. Kua lulu a mauga ; Ti kua fai a mate pe ni penu i loto malie o ala. Kae logo ai a nea fuli ana, e leaise malu lona sausau, Ti e koi falo lona lima.

Esaia 51:8

Talie e kai loa latou e ilo ofaipe se kofu, Ti e kai loa latou e ugogo ofaipe le fului ovi. Kae e tuu loa laku faitotonu o lee gato, Ti e mafola loa laku fakamauli i tautupu ki tautupu.

Esaia 65:15

E kotou tuku loa okoutou igoa ko se takuga malaia ki aku kau filifiliia ; E fakamamate loa koutou e le Aliki, le Eteleno, Kae soli loa e ia ki ana tagata fakasausau se igoa foou.

Esaia 66:16

Talie e fai e le Eteleno ana fakamaauaga ki le afi, Ti e tautea e ia a kanofi fuli ki le seleta ; Ti e toka api loa latou ala e tamate loa e le Eteleno.

Taniela 12:2

Ko se toka api o latou ala e momoe i le kele, e aala ake loa, ko iki ki le mauli lee gato ti ko iki ki le luma mo le nukinuki lee gato.

Sakalia 14:12

Ko leinei le malaia leia e taai loa ki ai e le Eteleno a kakai fuli Ala na tau loa ki Selusalemi. E pala loa olatou tino kae koi lotou tutuu i olatou vae, Ti e maluluku loa i le pala olatou mata i olatou pokoi mata, Ti e vilo loa i le pala lolatou alelo i lolatou gutu.

Mateo 3:12

E too e ia i lona lima lana laakau sasa fulumeto, ti e fakamea loa e ia lona sasaaga fulumeto, ti e tanaki loa e ia lana fulumeto ki le fale tanaki magiti, kae e tutu loa e ia a kaui fulumeto i se afi leia e leaise toe mate.

Apokalipisi 21:8

Kae ki le kau manava veli, mo le kau tui gataa, mo le kau aga fakalialia, mo le kau tukipo, mo le kau fai feauaki, mo le kau fai nea fakatalatupua, mo le kau tausi taulaatua, ti mo le kau gutu loiloi fuli, e tuku loa lolatou vaega i le tai kaka o le afi mo le sulifa, leia ko le lua mate.