Esaia 66:23 - Tosi Tapu

²³ I masina foou fuli ti mo sapato fuli, E au loa a kakai fuli o atolasio kiate au, e pati le Eteleno.

Esaia 66:23 ပူးပေါင်းရင်းမြစ်များ

Lua tosi o Sau 4:23

Ti na pati loa lona avaga : Kolea kua ke loto ai ke ke ano kiate ia i le aso nei ? E leaise ko se masina foou pe ko se aso sapato. Na tali loa le fafine : E leaise veli se nea.

Pesalemo 22:28

E manatu loa potupotu fuli o le malama nei ki le Eteleno, ti e lotou tafoki loa kiate ia. E punou loa famili fuli o atu puleaga i ou mua.

Pesalemo 65:2

I le fanaki, ei Atua ! e fakafetai loa kiate koe i Sione, Ti e fakasoko loa a fakapapau fuli na fai kiate koe.

Pesalemo 65:3

Ei koe, leia e fakalogo ki kole ! E au loa tagata fuli kiate koe,

Pesalemo 86:9

Ei Aliki, e au loa a atu puleaga fuli ala na ke fakatupu O punou i ou mua, ti mo fakakololia ki lou suafa.

Esaia 19:21

Ti e iloa loa le Eteleno e le kau Esipito, Ti e iloa loa le kau Esipito e le Eteleno i le aso lena ; E lotou fai loa ni sakilifisio mo ni moliga, Ti e lotou fai loa ni fakapapau ki le Eteleno ti e lotou fakasoko loa latou.

Esaia 19:23

I le temi foki lena, e i ai loa se ala mei Esipito ki Asilia : E ano loa le kau Asilia ki Esipito, ti mo le kau Esipito ki Asilia ; Ti e tausi loa le kau Esipito mo le kau Asilia ki le Eteleno.

Esaia 2:2

E soko loa, i aso fakamuli, E fakatuu loa le mauga o le fale o le Eteleno I le tumutumu o mauga, Ti e malaga loa a ia i aluga o mauga liliki, Ti e tau mai loa ki ai a atu puleaga fuli.

Esaia 27:13

I le aso lena, e pupusi loa le fakatagi pupusi lasi, Ti e toe liliu mai loa latou ala na ave popula ki Asilia, Pe na sosola ki Esipito ; Ti e lotou su loa ki le Eteleno, I le mauga maokioki, i Selusalemi.

Esaia 49:7

Koia e pati ai le Eteleno, le fakamauli, le Sagato o Iselaele, Ki leia e vesiainai, leia e fakalialia ki ai le kakai, Ki le tagata popula a le kau makeke : E tio loa ni sau kiate ia, ti e lotou tutuu loa ki aluga ; E tio foki ni aliki kiate ia, ti e lotou punou loa i ona mua, O tupu ko le Eteleno, leia e agatonu, O tupu ko le Sagato o Iselaele, leia na filifili ia a koe.

Esekiele 20:40

Talie e folafola le Aliki, le Eteleno, o pati : I loku mauga maokioki, i le mauga taualuga o Iselaele, e tausi loa au i ai e le fale katoa o Iselaele, mo latou fuli ala e nonofo i le fenua ; ti e kau tali malie loa latou i ai, ti e kau afa loa akoutou moliga, a uluaki fua o okoutou nea alofa, mo nea fuli ala e kotou momoli mai loa kiate au.

Esekiele 45:17

E tokaga loa le tama aliki ki failaulau, mo moliga nea kai, mo moliga vino, mo aso lalasi o masina foou, mo sapato, mo aso lalasi fuli o le fale o Iselaele. E momoli loa e ia le sakilifisio fakamolemole o agasala, mo le moliga nea kai, mo le failaulau, mo sakilifisio fakafetai, mo sakilifisio ki le fakamolemole o agasala o le fale o Iselaele.

Esekiele 46:1

E folafola le Aliki, le Eteleno, o pati : E mapono loa le matapa o le malae loto, i le fetuu esite, i aso e ono ala e gaoi ai ; kae e fakamavaa loa a ia i le aso o le sapato, ti e toe fakamavaa foki a ia i le aso o le masina foou.

Esekiele 46:6

I le aso o le masina foou, e momoli loa e ia se pipi tagata muli, mo ni akeno lee mele e ono, mo se ovi tagata lee mele ;

Sakalia 14:14

E tau loa a Suta i Selusalemi, Ti e tanaki loa a koloa o puleaga fuli ala e takatakai ia Selusalemi : Le aulo, mo le paaga, mo ni kofu, o lasi ai.

Sakalia 14:16

Ko latou fuli ala e toe loa i atu puleaga fuli Ala na ano o tau ki Selusalemi E pale loa i fetuu fuli O atolasio ki le sau, le Eteleno o kau tau, Ti mo fakamanatu le aso o tapenakulo.

Sakalia 14:18

Kapau e leaise pale loa le famili o Esipito ki Selusalemi, kapau e leaise au a ia o atolasio, E leaise to loa le ua kiate ia ; E taai loa a ia ki le malaia leia e taai loa ki ai e le Eteleno a puleaga Ala e leaise pale loa o fakamanatu le aso o tapenakulo.

Sakalia 14:19

Ko lena loa le tautea o Esipito, Le tautea o puleaga fuli Ala e leaise pale loa o fakamanatu le aso o tapenakulo.

Malakia 1:11

Talie mei le sopo o le laa o kaku ki lona galo, E lasi loku suafa i lotolotoga o atu puleaga, Ti e tutu i ganea fuli le iseso ki loku suafa, Ti e fai mai kiate au ni failaulau mea ; Talie e lasi loku suafa i lotolotoga o atu puleaga, E pati le Eteleno o kau tau.

Soane 4:23

Kae e au le ola, ti kua soko foki a ia, leia e atolasio ai loa le kau atolasio maoki ki le Tamana i le laumalie mo le maoki ; talie ko lena le kau atolasio leia e afa e le Tamana.

Apokalipisi 15:4

Ko ai e leaise i loa kiate koe, Aliki, ti e leaise fakakololia loa ki lou suafa ? Talie e ke maokioki toka tasi. Ti e au loa a puleaga fuli, o su kiate koe, talie kua ke fakasa au fakamaau.