Esaia 66:19 - Tosi Tapu

¹⁹ E kau tuku loa se fakamailoga ia latou, Ti e kau kakau loa latou ala na sao ia latou ki atu puleaga, Ki Talesisi, ki Pule mo Lute, ala e faikalolo, Ki Tupale mo Savani, Ki atu motu mamao, Ala na leikiaise logo masau kiate au i se aso, Ti na leikiaise tio ki loku kololia ; Ti e lotou fakasa loa loku kololia i atu puleaga.

Esaia 66:19 ပူးပေါင်းရင်းမြစ်များ

Senesi 10:13

Na fakatupu loa e Misilaime le kau Lutime, mo le kau Anamime, mo le kau Leapimi, mo le kau Nafetuimi,

Senesi 10:2

Ko vosa o Safeti : Ko Komele, mo Makoke, mo Matai, mo Savani, mo Tupale, mo Meseke, mo Tilasi.

Senesi 10:22

Ko vosa o Semi : Ko Elame, mo Asule, mo Alepakesate, mo Lute, mo Alame.

Senesi 10:4

Ko vosa o Savani : Ko Eliseka, mo Talasisi, mo Kitimi, mo Totanimi.

Senesi 9:27

Ke fakalasi e le Atua a koloa o Safeti, ti ke agai a ia i falela o Semi, ti ke fakasausau a Kanaane kia Safeti !

Uluaki tosi o Koloniko 1:11

Na tupu loa meia Miselaime le kau Lutime, mo le kau Ananime, mo le kau Leapimi, mo le kau Nefetulimi,

Uluaki tosi o Koloniko 1:7

Ko vosa o Savani : Ko Eliseka, mo Talesisa, mo Kitimi, mo Lotanime.

Uluaki tosi o Koloniko 16:24

Kotou fakamatala i atu puleaga lona kololia, I lotolotoga o kakai fuli ana nea malilie !

Pesalemo 72:10

E totogi loa e sau o Talesisi mo sau o atu motu ni tukusau ; Ti e fai loa e sau o Sepa mo Sapa ni moliga.

Esaia 11:12

E siki loa e ia se manumanu ki atu puleaga, E fakatasi loa e ia le kau popula o Iselaele, Ti e aumai loa e ia le kau mavetevete o Suta, Mei potupotu e fa o le malama nei.

Esaia 18:3

Koutou fuli, kakai o le malama nei, kakai o le kele, Kotou tio ki le manumanu leia kua tuu i aluga o mauga, Kotou fakalogo ki le fakatagi pupusi leia kua tagi !

Esaia 18:7

I le temi lena, e aumai loa ni moliga ki le Eteleno o kau tau, E le kakai makeke mo tagata lalasi, E le kakai fakaii talu mei lona tupu, E le puleaga makeke leia na takatakafi ia a nea fuli, E le fenua leia e tafe ai a vaitafe. E aumai loa latou ki le ganea leia e agai ai le suafa o le Eteleno o kau tau, Ki le mauga o Sione.

Esaia 2:16

Ki vaka faikoloa fuli o Talesisi, Ti mo nea fuli ala e fulumalie ki le mata.

Esaia 29:24

Ko latou ala na sese olatou loto e maua ia loa le atamai, Ti ko latou ala na gugu e maua ia loa le akonaki.

Esaia 42:12

Ke tuku le kololia ki le Eteleno, Ti ke fakasa ona fakavikiviki i atu motu !

Esaia 42:4

E leaise loto gaegae loa a ia ti e leaise manavanava loa a ia, O kaku ki lana fakatuu le faitotonu i le malama nei, Ti ke amanaki malie a atu motu ki lana lao.

Esaia 43:6

E kau pati loa ki le noleto : Soli mai ! Ti e kau pati loa ki le potu saute : Aua na taofi ! Kotou aumai oku vosa mei fenua mamao, Ti mo oku taineliki mei potupotu o le malama nei,

Esaia 49:1

Atu motu, kotou fakalogo mai kiate au ! Kakai mamao, kotou tokaga ! Na kalagai au e le Eteleno talu mei loku tupu, Na tuku e ia loku igoa talu mei laku mavae i le manava o loku tinana.

Esaia 49:12

Ko nei latou, e lotou au mei mamao, Ko iki mei le potu noleto mo le potu uesite, Ko iki mei le fenua o Sinime.

Esaia 49:22

Koia na folafola ai le Aliki, le Eteleno : Ko leinei, e kau siki loa loku lima ki atu puleaga, E kau toso loa laku manumanu ki atu kakai ; Ti e lotou aumai loa ou vosa i olatou lima, Ti e lotou amo loa ou taineliki i olatou tuauma.

Esaia 51:5

Kua ofi fua laku faitotonu, ti kua vave sa fua laku fakamauli, Ti e fakamaau loa e oku lima a kakai ; E amanaki malie loa a atu motu kiate au, E lotou fanaki loa ki loku lima.

Esaia 52:10

E fakasa e le Eteleno le lima o lona maokioki I mata o atu puleaga fuli ; Ti e tio loa a potupotu fuli o le malama nei Ki le fakamauli a lotatou Atua.

Esaia 52:15

Koia e liliu loa a ia ki le toka api ko se tupuaga o le fiafia ; I ona mua e tapono loa e ni sau olatou gutu ; Talie e lotou tio loa ki le nea leia na leaise fakamatala kia latou, E lotou logo loa ki le nea leia na leaise lotou logo ki ai.

Esaia 55:5

Ko leinei, e ke kalagai loa ni puleaga ala e leaise ke iloa, Ti e feoso mai loa kiate koe ni puleaga ala e leaise iloa ia a koe, O tupu ko le Eteleno lou Atua, O tupu ko le Sagato o Iselaele leia e fakakololia ia a koe.

Esaia 60:9

Talie amanaki malie a atu motu kiate au, Ti e muamua a vaka faikoloa o Talesisi, O aumai mei mamao au fanau, Mo alatou paaga ti mo alatou aulo, O tupu ko le suafa o le Eteleno, lou Atua, O tupu ko le Sagato o Iselaele, leia e fakakololia ia a koe.

Esaia 62:10

Kotou ulu, kotou ulu i matapa ! Kotou teuteu se ala ki le kakai ! Kotou fakalauatea ! Kotou fakalauatea le ala, kotou too a fatu ! Kotou toso se manumanu ki kakai !

Esaia 65:1

Na kau tali latou ala na leaise kole ia se nea, Na kau tuku ke maua au e latou ala na leaise afa ia au ; Na kau pati : Ko leinei au, ko leinei au ! Ki se puleaga leia na leaise fakaigoa ki loku suafa.

Selemia 46:9

Kotou pale, osi ! Kotou makape, saliote ! Ke lotou sa mai, a tagata toa, Latou o Etiopia mo Puti ala e too ia le paletau, Ti mo latou o Lute ala e faikalolo !

Esekiele 27:10

Na kau i lau solia ni tagata mei Pelesi, mo Luti, mo Puti, Ko ni tagata tau latou ; Na lotou tautau alatou paletau mo olatou puloga tau i ou fale solia. Na lotou tuku le mauiga kiate koe.

Esekiele 27:13

Na ke fai koloa mo Savani, mo Tupale, mo Meseke ; Na lotou soli kiate koe ni kau popula, mo ni nea gaoi sila, Ke totogi ai ou koloa.

Esekiele 30:5

Ko Etiopia, mo Puti, mo Luti, mo Alapia katoa, mo Kupi, Ti mo vosa o le fenua leia e kau mo latou, E vivilo loa mo latou i le seleta ;

Esekiele 32:26

I lena e i ai Meseke, mo Tupale, mo ala kau solia katoa, Ti kua takatakai o la tanuma e tanuma o ala kau solia. Na tamate a kau pagani fuli ana e le seleta, O tupu na lotou liligi le i i le fenua o le kau mauli.

Esekiele 39:1

Ti ko koe, vosa o le tagata, kikite ki Koke ! E ke pati loa : E folafola le Aliki, le Eteleno, o pati : Ko leinei, e kau mamafa kiate koe Koke, Pule o Loseke, mo Meseke, mo Tupale !

Esekiele 39:6

E kau kakau loa le afi ki Makoke, Ti mo latou ala e nonofo fimalie i atu motu ; Ti e lotou iloa loa ko au ko le Eteleno.

Taniela 11:18

E ave loa ona mata ki fenua o le mata tai, ti e maua loa e ia se i ; kae e fakagato loa e se pule tau lana agaveli ti e fakalumai loa a ia.

Sofoni 2:11

E mamafa loa le Eteleno kia latou, Talie e tuuti loa e ia a atua fuli o le malama nei ; Ti e atolasio loa kiate ia le tagata taki toka tasi i lona fenua, I motu fuli o atu puleaga.

Sofoni 3:10

Mei leia atu fetuu o vaitafe o Etiopia, E aumai loa e laku kau atolasio, laku kau mavetevete, ni moliga kiate au.

Malakia 1:11

Talie mei le sopo o le laa o kaku ki lona galo, E lasi loku suafa i lotolotoga o atu puleaga, Ti e tutu i ganea fuli le iseso ki loku suafa, Ti e fai mai kiate au ni failaulau mea ; Talie e lasi loku suafa i lotolotoga o atu puleaga, E pati le Eteleno o kau tau.

Mateo 28:19

Kotou ano, kotou fai ni tisipulo i puleaga fuli, o papitema latou i le suafa o le Tamana, mo le Alo mo le Laumalie Maokioki,

Maleko 16:15

Ti na pati loa a ia kia latou : Kotou ano i le malama nei katoa, ti kotou fakamafola le logo malie ki tagata fuli.

Luka 2:34

Na tapuaki loa Simeone kia latou, o pati kia Malia, lona tinana : Ke ke iloa, kua fakatuu le fanau leinei ke tukia ai ti ke toe lagai ai se toka api i Iselaele, ti ke liliu a ia ko se fakamailoga ki ai,

Loma 15:21

Ko latou ala na leikiaise fakasa a ia ki ai e tio loa, Ti ko latou ala na leikiaise logo kiate ia e matala loa.

Efeso 3:8

Kiate au, leia e ikiiki oki i le kau sagato katoa, kua tuku ki ai le kalasia lena ke kau fakasa ia ki le kau pagani a koloa loloto o Kilisito,