Esaia 66:15 - Tosi Tapu

¹⁵ Talie ko leinei, e au le Eteleno i se afi, Ti e fai ana saliote pe se sasataki ; E fakaliliu e ia lona sausau ko se vela, Ti mo ana valoki ko ni ulai afi.

Esaia 66:15 ပူးပေါင်းရင်းမြစ်များ

Pesalemo 11:6

E fakato e ia ofaipe se ua ki le kau agaveli Ni malala kaka, mo se afi, mo se sufele ; Mo se matagi vevela, ko le kalise lena e tonu ke lotou inu.

Pesalemo 18:9

Na mafuta se afu i ona pogoisu, Ti na ulu mai se afi kaka mei lona gutu : Na mapusipusi mei ai ni malala kaka.

Pesalemo 21:9

E tapo loa e lou lima ou fili fuli, E tapo loa e lou lima atamai latou ala e vesia kiate koe.

Pesalemo 50:3

E au lotatou Atua, e leaise nofo fakalologo a ia ; E ano se afi kaka i ona mua, E takatakai a ia e se afa makeke.

Pesalemo 68:17

Kolea, ei mauga e tumutumu mauke, E kotou finenonofo ai Ki le mauga leia na filifili e le Atua ke nofo ai ? Io, e fai loa e le Eteleno i ai lona nofoaga o lee gato.

Pesalemo 97:3

E saele le afi i ona mua, Ti e tutu e ia ona fili i ona tafatafa.

Esaia 10:17

E liliu loa le malama o Iselaele ko se afi, Ti ko lona Sagato ko se ula, Leia e tutu ia loa o okioki ona uluvao gaoa mo talatala I le aso fai e tasi ;

Esaia 26:11

Eteleno, e mafimafi lou lima : Kae e leaise lotou tio ki ai. E lotou tio loa ki lou alofa ki le kakai, ti e lotou luma loa ; E tutu loa e le afi ou fili.

Esaia 30:30

Ti e fakagugulu loa e le Eteleno lona leo fakaii, E fakaali loa e ia lona lima leia kua fakalogo ta, I le vevela o lona sausau, I loto malie o le ula o se afi kaka, Mo le lomaki, mo le afa, ti mo le ua fatu.

Esaia 30:33

Talie kua teuteui se mata afi talu mei fualoa ; Kua teuteui a ia ki le sau, kua fai a ia ke loloto mo lau lasi ; Kua fakatuuga i ai se fafie lasi mo se afi ; E tutu loa a ia e le tukumanava a le Eteleno, ofaipe se vaitafe sulifa.

Esaia 31:9

E sola loa lona utu i lona i, Ti e lulu loa lona kau pule i mua o le manumanu ; E pati le Eteleno, leia e tuu lana afi i Sione, Ti mo lana gutuumu kaka i Selusalemi.

Esaia 5:25

Koia kua vilo ai le sausau o le Eteleno ki lona kakai, Kua falo ai lona lima kiate ia, o taai a ia. Kua lulu a mauga ; Ti kua fai a mate pe ni penu i loto malie o ala. Kae logo ai a nea fuli ana, e leaise malu lona sausau, Ti e koi falo lona lima.

Esaia 5:28

Kua matakakai ana gasau, Ti kua toso fakakitakita ana kalolo ; Kua fai a vae o ana osi pe ni fatu, Ti kua fai a teka o ana saliote pe se asesio.

Esaia 51:20

Kua konana ou vosa, ti kua lotou momoe i poko o ala fuli Ofaipe le tia i se kupega, O tupu ko le sausau o le Eteleno, Mo valoki a lou Atua.

Selemia 25:37

Kua maumaui a nofoaga malolo E le sausau kaka o le Eteleno.

Selemia 4:13

Ko leinei e saele mai le tagata maumau ofaipe ni ao ; E fai ana saliote pe se asesio, E gasolo ake ana osi i akuila. Malaia kia tatou, talie kua maumaui tatou !

Selemia 4:3

Talie e folafola le Eteleno ki tagata o Suta mo Selusalemi, o pati : Kotou faala kia koutou se faisaga foou ; Ti aua na kotou muluki i laakau talatala.

Selemia 46:15

Kolea e ave ai au tagata toa ? E leaise lotou tuu makeke, talie e fakasisiga latou e le Eteleno.

Esekiele 38:17

Koia e folafola ai le Aliki, le Eteleno, o pati : Pe ko koe leia na kau masau ki ai i mua I aku tagata fakasausau le kau polofeta o Iselaele, Ala na kikite i le temi a ia, i lolotoga o fetuu, E kau aumai loa a koe kia latou ?

Esekiele 5:15

E ke soko loa ko se nea nukinukii, mo se nea fakalumaluma, mo se faifaitakiaga ti mo se nea fakaii ki puleaga fuli ala e takatakai ia a koe, mo ka kau fakasoko loa kiate koe aku fakamaauaga i se sausau lasi mo ni valoki mamafa, - ko au, le Eteleno, leia e masau, -

Taniela 11:40

I le temi o le fakaoki, e toe malaga loa le sau o le saute kiate ia. Kae e oso loa le sau o le noleto kiate ia ofaipe se afa makeke, mo ni saliote, mo ni tagata ekeosi, ti mo se fua vaka tau lasi ; ti e ulu loa le sau o le noleto mo lana solia ki ni fenua mauke, ti e mafolafola loa a ia ofaipe se vaitafe leia kua puke.

Taniela 7:10

Na tafe se vaitafe afi mei ona mua. Na lau i afe mo afe latou ala na tausi kiate ia, ti mo miliona mo miliona latou ala na tutuu i ona mua. Na ekeeke loa a tui fakamaau, ti na fakamavaa loa ni tosi.

Oseo 8:7

Talie na lotou muluki le matagi, e lotou kai loa le afa ; E leaise lotou maua loa se taulu fulumeto e tasi ; Ko le nea leia e somo ake loa e leaise maua loa i ai se falina ; Ti kapau e maua loa se falina, e kai loa a ia e le kau matapule.

Amosi 7:4

Na fakasa mai loa kiate au e le Aliki, le Eteleno, le tio leinei : Ko leinei, na fakasa e le Aliki, le Eteleno, le tautea ki le afi ; Ti na kai e le afi le vanu loloto, Ti na kai foki e ia le faisaga.

Naume 1:6

Ko ai e tuu loa i mua o lona sausau ? Ko ai e tuu loa i mua o lona sausau lasi ? E mafola lona sausau ofaipe le afi, Ti e mafaafaa a utu i ona mua.

Apakuki 3:8

Pe ita le Eteleno ki vaitafe ? Pe mu lou ita ki vaitafe ? Pe ko le tai leia e ke liligi ki ai lou sausau Ke ke eke ai ki au osi, Ti mo lau saliote o le malo ?

Sakalia 6:1

Na kau toe siki ake loa oku mata, o tio, ti ko leinei, na ulu loa ni saliote e fa mei le vasa o mauga e lua ; ti ko mauga ko ni mauga sila.

Mateo 22:7

Na ita lasi ai le sau ; ti na kakau loa e ia lana kau solia ke ano o tamate le kau tukipo lena, ti mo tutu lolatou kolo.

Tetelonome 28:20

E kakau mai loa e le Eteleno kiate koe le malaia, mo le mamae, mo le tautea, i au gaoi fuli, o kaku ki lou maumaui mo lou mate fakafokifa, o tupu ko le fakalialia o au gaoi mo lau tiaki ia le Eteleno.

Lua tosi a Petelo 3:7

kae e taofi e le folafola lena le atu lagi mo le malama nei o le temi nei ke maumaui e le afi, i le aso o le fakamaau mo le maumaui o le kau agaveli.