Esaia 66:14 - Tosi Tapu

¹⁴ E kotou tio loa ki ai, ti e fiafia loa lokoutou loto, Ti e toe maua loa e okoutou ivi se makeke ofaipe le laakau sesega. E fakasa loa e le Eteleno lona mafimafi ki ana tagata fakasausau, Kae e fakamamafa loa e ia lona sausau ki ona fili.

Esaia 66:14 ပူးပေါင်းရင်းမြစ်များ

Esetalasi 7:9

Talie na mavae a ia mei Papilone i le uluaki aso o le uluaki masina, ti na kaku loa a ia ki Selusalemi i le uluaki aso o le masina lima, talie na nofo le lima o lona Atua mo ia.

Esetalasi 8:18

Ti na nofo ia matou le lima o le Eteleno, koia na lotou aumai ai loa Selepia, ko se tagata poto i vosa o Makeli, vosa o Levi, vosa o Iselaele, ti na au loa mo ia ona vosa mo ona fetaina, ko tagata e tino agafulu tupu valu ;

Esetalasi 8:22

Talie na kau luma i le kole ki le sau ke tuku mai se solia mo ni osi ke puipui ia matou i le ala, talie kua motou pati ki le sau : E puipui loa e le lima o lomatou Atua latou fuli ala e afa ia a ia, kae e vilo loa lona makeke mo lona sausau kia latou fuli ala e tiaki ia a ia.

Esetalasi 8:31

Na motou mavae loa i le vaitafe o Aava, o ano ki Selusalemi, i le aso kau agafulu tupu lua o le uluaki masina. Na nofo ia matou le lima o lomatou Atua, ti na puipui e ia matou mei le fili ti mo tutamaki fuli o le ala.

Pesalemo 107:42

E tio ki ai le kau agatonu ti e lotou fiafia, Kae e tapono e ia a gutu o le kau agasala.

Taagapati 17:22

Ko le loto leia e fiafia ko se faitoo malie, Kae ko le loto mamae e fakatupu ia le malo o ivi.

Taagapati 3:8

Ko le malolo loa a ia ki ou kanomate, Ti mo le fakafoou ki ou ivi.

Esaia 10:5

Malaia ki Asilia, ko le laakau o loku sausau ! Ko le laakau a ia i lona lima, ko le nea gaoi a ia o loku sausau.

Esaia 13:5

Kua lotou au mei se fenua mamao, Mei potupotu o le lagi : Ko le Eteleno mo nea gaoi o lona sausau ka maumau ia loa le fenua katoa.

Esaia 26:19

Ke toe mauuli ou mate ! Ke toe tutuu ake ki aluga oku mate ! Kotou alaala ti kotou fiafia, kakai o le efu ! Talie ko lou sasau ko se sasau fakamauli, Ti e toe soli loa e le kele le malama o le aso ki le kau mate.

Esaia 26:20

Ano, ei loku kakai, ulu ki lou kogafale, Ti ke tapono le matapa i ou muli ; Mumuni i se ga temi toetoe fua, O kaku ki le oki o le ita.

Esaia 30:27

Ko leinei, e au le suafa o le Eteleno mei mamao ; Kua vevela lona sausau, ofaipe se vela makeke ; Kua apele ona laugutu i le sausau, Ti kua fai lona alelo pe se afi kaka.

Esaia 33:20

Tio ki Sione, le kolo o otatou aso lalasi ! E tio loa ou mata ki Selusalemi, nofoaga fimalie, Falela leia e leaise toe siki loa, Leia e leaise toe too loa ona pou i se aso, Ti e leaise toe tatala loa ona maea.

Esaia 34:2

Talie kua mamae le Eteleno ki atu puleaga fuli, Ti ka vilo lona sausau ki alatou kau solia fuli : Kua tuku e ia latou ke maumaui, Kua tuku e ia latou ke tamate.

Esaia 35:2

E se apele loa a ia i se, ti e soposopo loa a ia i le fiafia, I ni sua fakafiafia, ti mo ni kalaga o le malo ; Ti e soli loa kiate ia le kololia o Lipane Ti mo le fulumalie o le Kalemelo mo Saloni. E lotou tio loa ki le kololia o le Eteleno, Mo le fulumalie o lotatou Atua.

Esaia 41:20

O tupu ke lotou tio, ke lotou iloa, Ke lotou tokaga, ti ke lotou matala Ko le lima o le Eteleno leia na fai ia a nea ana, Ko le Sagato o Iselaele leia na fakatupu ia latou.

Esaia 42:13

E saele mai le Eteleno ofaipe se tagata toa, E fakasa e ia lona sausau ofaipe se tagata tau ; E siki e ia lona leo, e laku e ia ni kalaga makeke, E fakasa e ia lona makeke ki ona fili.

Esaia 58:11

E liliu loa le Eteleno ko lou tagata taki o lee gato, E fagai loa e ia lou laumalie o makona i potu malo, Ti e toe soli loa e ia se makeke ki ou kogatino ; E ke fai loa pe se oloto fakavai, Pe se matapuna o vai mauli leia e leaise toe masa ona vai.

Esaia 59:18

E liufaki loa e ia ki le tagata taki toka tasi o mulimuli ki ana gaoi, Le sausau kia latou ala na vesia kiate ia, Le totogi ki ona fili, E tuku loa e ia le totogi ki atu motu.

Esaia 66:5

Kotou fakalogo ki le folafola a le Eteleno, Koutou ala e i ki lana folafola. Ko leinei le nea e pati ki ai okoutou fetaina, Ala e vesia kia koutou ti e fakalialia kia koutou O tupu ko loku suafa : Ke fakasa e le Eteleno lona kololia, Ti ke motou tio ki lokoutou fiafia ! Kae e lotou luma loa.

Sakalia 10:7

E fai loa Efalaimi pe se tagata toa ; E maua loa e lolatou loto le fiafia leia e tuku e le vino ; E tio loa ki ai olatou vosa ti e lotou fiafia lasi loa, E fakavikiviki loa olatou loto ki le Eteleno.

Malakia 3:18

Ti e kotou toe tio loa ki le kesekese O le tagata agatonu mo le tagata agaveli, O leia e tausi ki le Atua Ti mo leia e leaise tausi kiate ia.

Soane 16:22

Ko koutou foki, e kotou nonofo i le aso nei i le mamae ; kae e kau toe tio loa kia koutou, ti e fiafia loa okoutou loto, ti e leaise too loa e se tasi lokoutou fiafia meia koutou.

Epelo 10:27

kae ko se talitali fakaii ki le fakamaau ti mo se afi kaka leia e tutu ia loa le kau fili o le Atua.