Esaia 66:1 - Tosi Tapu

¹ Ko leinei le folafola a le Eteleno : Ko le lagi ko loku ekeekeaga fakasau, Ti ko le malama nei ko loku tekitekiaga vae. Ko le fale fea leia e feala ke kotou fakatuu mai loa kiate au, Ti ko le potu fea leia e kotou soli mai loa ke kau malolo ai ?

Esaia 66:1 ပူးပေါင်းရင်းမြစ်များ

Uluaki tosi o Sau 8:27

Kaea koia ! Pe nofo maoki loa le Atua i le malama nei ? Ko leinei, e leaise ke o fua i le lagi mo le atu lagi ! Ti e feaki ake loa le fale leinei kua kau fakatuu kiate koe ?

Uluaki tosi o Koloniko 28:2

Na tuu loa le sau ko Tavite, o pati kia latou : Kotou fakalogo mai, ei oku fetaina, mo loku kakai ! na kau manatu ke fakatuu se fale malolo ki le aleka o le sai a le Eteleno, leia ko le nofoaga o lotatou Atua, ti na kau sapena ke kau fakatuu a ia.

Lua tosi o Koloniko 2:5

Ko le fale leia e kau fakatuu e tonu ke lasi, talie e lasi ake lomatou Atua i atua fuli.

Lua tosi o Koloniko 6:18

Pe feala koia ke nofo maoki le Atua mo le tagata i le kele ? Ko leinei, e leaise o fua a ia i le lagi mo le lagi o atu lagi : Ti e feaki ake loa ke o a ia i le fale leinei kua kau fakatuu !

Pesalemo 11:4

E nofo le Eteleno i lona fale maokioki, E maua e le Eteleno lona ekeekeaga fakasau i le lagi ; E tio ona mata, E tilo e ona laumata a vosa o le tagata.

Pesalemo 132:7

Tou ano ki lona nofoaga, Tou punou i mua o lona tekitekiaga vae !…

Pesalemo 99:9

Kotou fakasa le mafimafi o le Eteleno, lotatou Atua, Ti kotou punou i lona mauga maokioki ! Talie e maokioki le Eteleno, lotatou Atua !

Esaia 57:15

Talie e folafola le Taualuga, Leia e lee gato lona nofoaga ti e maokioki lona suafa : E kau nofo i potu taualuga ti mo le maokioki ; Kae e kau nofo foki mo le tagata fakasemala mo agamalu, O tupu ke toe fakamauli a loto fakasemala, O tupu ke toe fakaofo a loto agamalu.

Esaia 60:13

E au loa kiate koe le kololia o Lipane, Le sipele, mo le oleme ti mo le pui, latou fuli fakatasi, Ke teuteu ai loku sagatualio, Ti e kau fakakololia loa le ganea leia e malolo ai oku vae.

Selemia 23:24

Pe tuu loa se tasi i se ganea munia, Kae leaise kau tio kiate ia ? e pati le Eteleno. Pe leaise kau fakaapele ia a atu lagi mo le kele ? e pati le Eteleno.

Malakia 1:11

Talie mei le sopo o le laa o kaku ki lona galo, E lasi loku suafa i lotolotoga o atu puleaga, Ti e tutu i ganea fuli le iseso ki loku suafa, Ti e fai mai kiate au ni failaulau mea ; Talie e lasi loku suafa i lotolotoga o atu puleaga, E pati le Eteleno o kau tau.

Mateo 12:6

Kae e kau pati atu kia koutou, e i ai se tasi i leinei e lasi ake i le fale tapu.

Mateo 24:2

Kae na pati loa a ia kia latou : E kotou tio ki nea fuli ana ? E kau pati maoki atu kia koutou, e leaise toe maua loa i leinei se fatu i aluga o se fatu, leia na leikiaise ti ki lalo.

Gaoi 17:24

Ko le Atua leia na fakatupu ia le malama nei mo nea fuli i ai, leia ko le Aliki o le lagi mo le kele, e leaise nofo fua a ia i ni fale tapu ala e fau e le lima o le tagata ;