Esaia 65:9 - Tosi Tapu

⁹ E kau fakasomo loa se sakoga ia Sakopo, Ti meia Suta se tasi ke maua ia oku mauga ; E maua loa e aku filifiliia le fenua, Ti e nonofo loa aku tagata fakasausau i ai.

Esaia 65:9 ပူးပေါင်းရင်းမြစ်များ

Esaia 27:6

I temi ka au, e tauaka loa Sakopo, E toe sosomo loa ni se i Iselaele ti mo ni uli, Ti e fakaapele loa e ia le malama nei ki ona fua.

Esaia 30:19

Io, kakai o Sione, kakai o Selusalemi, E leaise ke toe tagi loa ! E soli atu loa e ia kiate koe lona kalasia, mo ka ke kalaga loa ; I le temi fai leia e logo ai loa a ia ki lau kalaga, e tali atu loa a ia kiate koe.

Esaia 32:18

E nofo loa loku kakai i le nofoaga o le tokamalie, I ni fale makeke, I ni fale malolo.

Esaia 45:19

Na leaise kau masau fakafufu I se ganea fakapouli o le kele ; Na leaise kau pati ki le sakoga o Sakopo : Kotou afa au i se ganea leia e leaise kau nofo ai ! Ko au, le Eteleno, e kau fakasa le maoki, E kau fakasa le nea leia e totonu.

Esaia 45:25

E maua loa e vosa o Iselaele Le faitotonu mo le kololia i le Eteleno.

Esaia 49:8

Ko leinei le folafola a le Eteleno : I le temi o le kalasia e kau tali loa kiate koe, I le aso o le fakamauli e kau tokoi loa kiate koe ; E kau taupau loa a koe, ti e kau fakanofo loa a koe ke fai ia se sai mo le kakai, Ke toe lagai ia le fenua ki aluga, Ti ke tufa ia a tofiga na tiaki ;

Esaia 57:13

Ka ke tagi loa, pe fakamauli loa a koe e ou taulaatua mauke ? E ave loa latou fuli e le matagi, e seu loa latou e se tukumanava. Kae ko leia e fanaki kiate au e maua ia loa le fenua, Ti e maua ia loa loku mauga maokioki.

Esaia 60:21

E maokioki loa lou kakai katoa, E lotou maua loa le fenua o lee gato ; Ko le uli a ia na kau to ia, le gaoiaga o oku lima, Ke tausi ki loku kololia.

Esaia 65:15

E kotou tuku loa okoutou igoa ko se takuga malaia ki aku kau filifiliia ; E fakamamate loa koutou e le Aliki, le Eteleno, Kae soli loa e ia ki ana tagata fakasausau se igoa foou.

Esaia 65:22

E leaise lotou fakatuu loa ni fale ke nofo ai e se tasi kese, Ti e leaise lotou to loa ni faisaga vite ke kai e se tasi kese le fua ; Talie e fai loa a aso o loku kakai pe aso o laakau, Ti e fiafia loa aku kau filifiliia i le gaoiaga o olatou lima.

Esekiele 36:24

E kau too loa koutou i loto malie o atu puleaga, ti e kau fakatasii loa koutou i fenua fuli, ti e kau aumai loa koutou ki lokoutou fenua.

Sofoni 3:20

I le aso lena, e kau toe aumai loa koutou ; I le aso lena, e kau fakatasi loa koutou ; Talie e kau fakaliliu loa koutou ko se tupuaga o le fakavikiviki mo le kololia I lotolotoga o kakai fuli o le malama nei, Mo ka kau toe aumai loa lokoutou kau popula i mua o okoutou mata, E pati le Eteleno.

Mateo 24:22

Ti kana leaise fakateiki a aso ana, e leaise sao loa se tasi ; kae o tupu ko le kau filifiliia e fakateiki loa a aso ana.

Loma 11:28

O uiga mo le Evaselio, kua lotou fili o tupu ko koutou ; kae o uiga mo le filifili, e alofaia latou o tupu ko olatou tamana.