Esaia 65:7 - Tosi Tapu

⁷ O akoutou agaveli, e pati le Eteleno, ti mo agaveli o okoutou tamana, Ala na tutu ia le iseso i aluga o mauga, ti na nukinuki kiate au i aluga o mauga liliki ; E kau fuafua loa kia latou le totogi totonu o alatou gaoi i le temi kua sili.

Esaia 65:7 ပူးပေါင်းရင်းမြစ်များ

Uluaki tosi o Sau 22:43

Na saele loa a ia i le ala katoa o Asa, lona tamana ; ti na leaise maliu kese loa a ia mei ia, o fai le nea leia e totonu ki mata o le Eteleno.

Uluaki tosi o Sau 22:44

Kae na leaise puli loa a potu taualuga ; na toe soko atu le momoli e le kakai ni sakilifisio mo ni kaloni i potu taualuga.

Lua tosi o Sau 12:3

Kae na leaise puli loa a ganea taualuga ; na soko atu e le kakai lalatou momoli ni sakilifisio mo ni nea fakamanogi i ganea ana.

Lua tosi o Sau 14:4

Kae na leaise puli loa a ganea taualuga ; na soko atu e le kakai lalatou momoli ni sakilifisio mo ni nea fakamanogi i ganea ana.

Lua tosi o Sau 15:35

Kae na leaise puli loa a ganea taualuga ; na soko atu e le kakai le momoli o ni sakilifisio mo ni nea fakamanogi i ganea ana. Na fau loa e Sotame le matapa aluga o le fale o le Eteleno.

Lua tosi o Sau 16:4

Na momoli foki e ia ni sakilifisio mo ni nea fakamanogi i ganea taualuga, i mauga ti mo lalo o laakau sesega fuli.

Lua tosi o Koloniko 21:11

Na toe fai foki e Solame ni ganea taualuga i mauga o Suta ; na toe eke fakamakeke foki e ia le kakai o Selusalemi ke fai feauaki ki taulaatua, ti na fakasesei loa e ia a Suta.

Ekesote 20:5

Aua na ke punou loa i mua o nea ana, pe ke tausi loa kia latou, talie ko au ko le Eteleno, lou Atua, ko au ko se Atua finenonofo, leia e tautea ia le agaveli o tamana ki fanau, o kaku ki le tolu mo le fa o tautupu o latou ala e agatuu kiate au,

Esaia 10:12

Kae, kao oki malie loa le gaoi a le Aliki I le mauga o Sione mo Selusalemi, Ti o kau tautea loa le sau o Asilia o tupu ko fua o lona loto fia nealasi, Ti mo le matasoka o le tio o ona mata fia taualuga.

Esaia 13:11

E kau tautea loa le malama nei o tupu ko lana agasala, Ti mo le kau agaveli o tupu ko alatou agaveveli ; E kau fakagato loa le fia nealasi o le kau fia taualuga, Ti e kau tuuti loa le fia tagata o le kau agamakeke.

Esaia 22:14

Na fakasa mai a ia kiate au e le Eteleno o kau tau : E maoki, e leaise fakamolemole loa le agasala lena kia koutou i mua o lokoutou mamate, E pati le Aliki, le Eteleno o kau tau.

Esaia 26:21

Talie ko leinei, e ulu le Eteleno mei lona nofoaga, Ke tautea le kakai o le malama nei o tupu ko ana agasala ; Ti e fakasa loa e le fenua le toto leia na maligi, Ti e leaise toe fufu loa e ia le kakai leia na tamate.

Esaia 28:21

Talie e tuu loa le Eteleno ki aluga ofaipe lana tuu ki aluga i le mauga o Pelatesimi ; E ita loa a ia ofaipe lana ita i le vaivailiua o Kapaone ; Ke fakasoko lana gaoi, lana gaoi faikese, Ke fakasoko lana gaoi, lana gaoi fakatalatupua.

Esaia 29:14

Koia e kau toe taai ai loa le kakai leinei Ki ni nea fakatalatupua mo ni milakulo ; Ti e puli loa le poto o lona kau poto, Ti e puli loa le atamai o ona kau tagata atamai.

Esaia 3:11

Malaia ki le tagata agaveli ! E nofo loa a ia i le veli, Talie e kai loa e ia le fua o ona lima.

Esaia 30:13

E liliu loa le sala lena kia koutou Ofaipe se mafaa i se paa taualuga leia e talitali fai ke solo ; E sa loa se makita i le mafaa, ti e fokifa fai kua solo a ia i le temi e tasi :

Esaia 30:14

E maumau a ia ofaipe se ipu kele, Leia na taai fakaveliveli ke momo, Ti e leaise toe maua loa sona ga tipi ke too ai se malamalai afi i le gutuumu, Pe ke asu ai se ga vai i le fa tane.

Esaia 57:12

E kau fakasa loa lou anoaga totonu, Ti e leaise aoga loa au gaoi kiate koe.

Esaia 57:7

E ke teuteu lou moeaga i se mauga taualuga, Ti e ke pale foki ki ai o momoli au failaulau.

Esaia 59:18

E liufaki loa e ia ki le tagata taki toka tasi o mulimuli ki ana gaoi, Le sausau kia latou ala na vesia kiate ia, Le totogi ki ona fili, E tuku loa e ia le totogi ki atu motu.

Esaia 65:6

Ko leinei le nea leia na kau fakapapau i loku loto : E mamao iate au le fakalologo, e kau fakaamo loa kia koutou le tua, Io, e kau fakaamo loa kia latou le tua,

Esaia 66:4

Ko au foki, e kau fiafia loa i lolatou mamae, Ti e kau kakau mai loa kia latou le nea leia e lotou i ki ai ; Talie na kau kalaga, ti na leaise lotou tali mai, Talie na kau masau, ti na leaise lotou fakalogo mai ; Kae na lotou fai le nea leia e veli ki oku mata, Ti na lotou filifili le nea leia e kau vesia ki ai.

Selemia 13:25

Ko lena lou anoaga, le vaega leia kua kau fakafuafua kiate koe, E pati le Eteleno, O tupu kua ke galoi au, Ti kua ke tuku lau fanaki ki le loi.

Selemia 13:27

Kua kau tio ki au fai tono, mo ou oli veli, Mo au faiaga i mauga liliki mo faisaga, Ti kua kau tio ki au nea fakalialia. Malaia kiate koe, Selusalemi ! E ke talitali loa kiafea, ke fakamea a koe ?

Selemia 16:18

E kau uluaki soli loa kia latou le totogi o lalatou agaveli mo lalatou agasala o liuga lua, O tupu na lotou fakakelekele loku fenua, O tupu na lotou fakaapele loku tofiga Ki alatou taulaatua mamate ti mo olatou atua fakalialia.

Selemia 5:29

Pe leaise kau tautea loa a nea ana, e pati le Eteleno, Pe leaise kau totogi loa ki se puleaga felaaki ?

Selemia 5:9

Pe leaise kau tautea loa a nea ana, e pati le Eteleno, Pe leaise kau totogi loa ki se puleaga felaaki ?

Esekiele 18:6

Leia e leaise kai i aluga o mauga ti e leaise siki ona mata ki taulaatua o le fale o Iselaele, leia e leaise tono mo le avaga o lona oloi ti e leaise fakafeofi ki se fafine i lona masaki fakafafine,

Taniela 9:8

Aliki, a matou le luma, mo omatou sau, mo omatou pule, mo omatou tamana, talie kua motou agasala kiate koe.

Oseo 11:2

Kae na lotou fakamamao ia latou ala na kalagai ia latou ; Na lotou fai ni sakilifisio kia Paale, Ti na lotou momoli se iseso ki taulaatua.

Oseo 2:13

E kau fakagato loa lona fiafia katoa, mo ona aso lalasi, mo ona masina foou, mo ona sapato, ti mo ona katoaga fakaalialiki fuli.

Levitiko 26:39

Ti ko latou ala e sao loa i le mate i fenua ana, e tautea loa ki le gaegae o tupu ko alatou agasala ti mo agasala o olotou tupuna.

Numelo 32:14

Ti ko leinei, e kotou toe fetogi ia okoutou tamana ofaipe ni uli o tagata agasala, ke asilisili veli ai le sausau o le Eteleno ki Iselaele.

Luka 6:38

Kotou soli, ti e soli atu loa kia koutou : E liligi loa ki okoutou fatafata se fua lasi, kua lomi, kua tutui, kua apelepipi ; talie e fua loa kia koutou ki le fua leia na kotou fakaaoga.

Uluaki tosi ki le kau Tesalonika 2:16

Ti e lotou ponopono matou ke aua na motou fakasa ki le kau pagani le folafola leia e fakamauli ai latou. O tupu ke fakakatoa ai alatou agasala. Kae e maua loa latou e le sausau o le Atua.