Esaia 65:6 - Tosi Tapu

⁶ Ko leinei le nea leia na kau fakapapau i loku loto : E mamao iate au le fakalologo, e kau fakaamo loa kia koutou le tua, Io, e kau fakaamo loa kia latou le tua,

Esaia 65:6 ပူးပေါင်းရင်းမြစ်များ

Pesalemo 107:17

Na mamae le kau vale o tupu ko lolatou mauli i le agasala Ti mo alatou agaveli ;

Pesalemo 109:14

Ke manatui tuumau e le Eteleno le agaveli o ona tamana, Ti ke aua na soloi le agasala o lona tinana !

Pesalemo 50:21

Ko lena le nea leia e ke fai, ti na kau fakaleemu. Na ke pati i lou loto e kau tatau mo koe ; Kae e kau valoki loa a koe, ti e kau tuku loa nea fuli ki ou mua.

Pesalemo 50:3

E au lotatou Atua, e leaise nofo fakalologo a ia ; E ano se afi kaka i ona mua, E takatakai a ia e se afa makeke.

Pesalemo 56:8

I le lasi o lalatou agaveli, e lotou manatu e lotou sao loa : I lou sausau, ei Atua, ke ke laku latou ki le kele !

Pesalemo 79:12

Liufaki ki fatafata o latou ala i omatou tafatafa o tua fitu, A lauveli ala na lotou fai ia kiate koe, Aliki !

Ekesote 17:14

Na pati loa le Eteleno kia Moisese : Tosi le nea lena i se tosi, o tupu ke tausi lona fakamanatu, ti ke fakasa kia Sosue e kau soloi loa le igoa o Amaleke i le lalo lagi.

Esaia 26:21

Talie ko leinei, e ulu le Eteleno mei lona nofoaga, Ke tautea le kakai o le malama nei o tupu ko ana agasala ; Ti e fakasa loa e le fenua le toto leia na maligi, Ti e leaise toe fufu loa e ia le kakai leia na tamate.

Esaia 3:11

Malaia ki le tagata agaveli ! E nofo loa a ia i le veli, Talie e kai loa e ia le fua o ona lima.

Esaia 42:14

Na kau fakalologo o fualoa, Na kau fakaleemu, na kau taofi au ; E kau kalaga loa ofaipe se fafine e fanau, E kau tukumanava sosaa loa, ti e kau fakaselasela loa.

Esaia 59:18

E liufaki loa e ia ki le tagata taki toka tasi o mulimuli ki ana gaoi, Le sausau kia latou ala na vesia kiate ia, Le totogi ki ona fili, E tuku loa e ia le totogi ki atu motu.

Esaia 66:6

E au se leo makeke mei le kolo, E ulu se leo mei le fale tapu. Ko le leo o le Eteleno, Leia e tuku ia ki ona fili lolatou totogi.

Selemia 16:18

E kau uluaki soli loa kia latou le totogi o lalatou agaveli mo lalatou agasala o liuga lua, O tupu na lotou fakakelekele loku fenua, O tupu na lotou fakaapele loku tofiga Ki alatou taulaatua mamate ti mo olatou atua fakalialia.

Esekiele 11:21

Kae kia latou ala e fiafia olatou loto i alatou taulaatua mo alatou nea fakalialia, E kau fakavilo loa alatou gaoiaga ki olatou ulu, E pati le Aliki, le Eteleno.

Esekiele 22:31

E kau liligi loa loku sausau kia latou, ti e kau tutu loa latou ki le afi o loku sausau, ti e kau totogi loa alatou gaoi ki olatou ulu, e pati le Aliki, le Eteleno.

Esekiele 9:10

Ko au foki, e leaise kau toe aloalofa loa, ti e leaise kau toe maua loa se manava alofa ; kae e kau fakato loa alatou gaoiaga ki olatou ulu.

Soele 3:4

Kolea le nea e kotou loto ki ai, Tile mo Sitone, Ti mo koutou fuli, fenua o le kau Filisitini ? Pe kotou loto ke kotou lagavaka mai kiate au ? Kapau e kotou fia lagavaka mai kiate au, E leaise tuvai loa laku fakavilo lakoutou lagavaka ki okoutou ulu.

Malakia 3:16

Ti na masau loa latou ala e i ki le Eteleno ia latou ; Na tokaga loa le Eteleno, ti na fakalogo loa a ia. Ti na tosi loa se tosi fakamanatu i ona mua Kia latou ala e i ki le Eteleno Ti e fakaapaapa ki lona suafa.

Luka 6:38

Kotou soli, ti e soli atu loa kia koutou : E liligi loa ki okoutou fatafata se fua lasi, kua lomi, kua tutui, kua apelepipi ; talie e fua loa kia koutou ki le fua leia na kotou fakaaoga.

Tetelonome 32:34

Ko au ko le Eteleno au, Ko lena le nea leia na kau teuteui fakafufu, Ti na kau fakamau i oku koloa fakapulipuli.

Apokalipisi 20:12

Ti na kau tio loa ki le kau mate, lalasi mo liliki, na tuu i mua o le ekeekeaga fakasau. Ti na fakamavaa loa ni tosi. Ti na fakamavaa loa mo se tasi ake a tosi, leia ko le tosi o le mauli. Ti na fakamaaui loa le kau mate o mulimuli ki alatou gaoi, ofai ki le nea leia e tuu i tosi ana.