Esaia 65:4 - Tosi Tapu

⁴ Leia e fai lona nofoaga i ni tanuma, Ti e moe i pouli i ana, O kai a inati o puaka Ti mo tanaki i alatou ipu ni nea kai kelekele ;

Esaia 65:4 ပူးပေါင်းရင်းမြစ်များ

Ekesote 23:19

E ke aumai loa ki le fale o le Eteleno, lou Atua, a uluaki fua o le kele. Aua na ke fakamoso loa se uviki koti i le sua manu o lona tinana.

Ekesote 34:26

E ke aumai loa ki le fale o le Eteleno, lou Atua, a uluaki fua o le kele. Aua na ke saka loa se uviki koti i le sua u o lona tinana.

Esaia 66:17

Ko latou ala e fakatapui mo fakamea i oloto, Ala e lotou ulu taki toka tasi ki ai, Ala e kai ki inati o puaka, Ki ni nea fakalialia ti mo ni kimoa, Ko latou fuli ana e mamate loa, e pati le Eteleno.

Esaia 66:3

Ko leia e momoli ia se pipi e tatau mo leia e tamate ia loa se tagata ; Ko leia e momoli ia se akeno e tatau mo leia e fatii ia loa le ua o se kuli, Ko leia e momoli ia se moliga e tatau mo leia e liligi ia loa le toto o se puaka, Ko leia e tutu ia se iseso e tautau mo leia e tausi loa ki ni taulaatua. Ko latou fuli ana na fiafia i olatou ala, Ti na maua e olatou laumalie lolatou fiafia i alatou nea fakalialia.

Esekiele 4:14

Na kau pati : Ei Aliki Eteleno, ko leinei, na leikiai fua se fakakelekele loku laumalie e se nea kelekele ; talu i loku ikiiki o kaku mai ki le lakaga leinei, na leikiaise kau kai fua ki se manu mate, pe na tamate e se tasi ake a manu, ti na leikiaise ulu fua se kanoi manu kelekele ki loku gutu.

Levitiko 11:7

Le puaka, leia e maua ia ni vae paisi kae e leaise kai lamulamu, e kelekele loa a ia.

Sakalia 9:7

E kau too loa le toto i lona gutu, Ti mo nea fakalialia i ona nifo ; E kau loa mo ia foki ki lotatou Atua, Ti e fai loa a ia pe se pule i Suta, Ti e fai loa Ekeloni pe le kau Sepusi.

Numelo 19:11

Ko leia e lave loa ki se mate, ki se tino o se tasi kua mate, e kelekele loa a ia i aso e fitu.

Mateo 8:28

I le kaku a Sesu ki leia ake fetuu tai, ki le fenua o le kau Katala, na ulu mai loa ni tagata e toka lua mei ni tanuma, o au ki ona mua. Na fakamamae a tagata ana e se kau temonio. Na la itaita veli ai, o leaise feala ke fakalaka se tasi i le ala lena.

Luka 8:27

I le sopo a Sesu ki uta, na au loa ki ona mua se tagata o le kolo lena, leia na ulu tino ai se kau temonio. Talu mei fualoa na leai se toe tui e ia se kofu, ti na leaise nofo a ia i se fale, kae i ni tanuma.

Tetelonome 14:21

Ke aua na kotou kai loa se manu leia na mate masaki : ke ke soli loa a ia ki le matapule leia e nofo loa mo koe, ke kai e ia, pe ke fakatau loa a ia ki se matapule ; talie ko koe ko se kakai maokioki ki le Eteleno, lou Atua. Ke aua na ke saka loa se uviki manu i le sua manu o lona tinana.

Tetelonome 14:3

Ke aua na ke kai loa se nea fakalialia.

Tetelonome 14:8

Ke aua na kotou kai loa le puaka, leia e maua ia ni vae paisi lua kae e leaise kai lulua, e tonu loa ke kelekele a ia kia koutou : e lotou kelekele loa kia koutou. Ke aua na kotou kai loa lona tino, ti ke aua na kotou fafa loa ki se puaka mate.

Tetelonome 18:11

se tasi leia e fai tutuku, se tasi leia e afa ki laumalie veli ti mo fakasa ia le nea leia ka soko, se tasi leia e fai vesili ki le kau mate.